ಪ್ರಕಟನೆ 20:15 - ಕೊಡವ ಬೈಬಲ್

¹⁵ ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತ್ ಇಲ್ಲತಯಿಂಗಳಾಯಿತ್ ದಾರ್ ಉಂಡೋ ಅಯಿಂಗಳೆಲ್ಲ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್.

ಪ್ರಕಟನೆ 20:15 ပူးပေါင်းရင်းမြစ်များ

ಮತ್ತಾಯ 13:42

ತಿತ್ತ್‌ರ ನರಕಕ್ ಚಾಡ್‍ವ. ಅಲ್ಲಿ ಅಯಿಂಗ ಮೊರಟಂಡ್ ಪಲ್ಲ್ ಕಡಿಚಂಡ್ ಇಪ್ಪ.

ಮತ್ತಾಯ 13:50

ಅಯಿಂಗಳ ತಿತ್ತ್‌ರ ಗುಡ್ಡೆಕ್ ಚಾಡ್‍ವ. ಅಲ್ಲಿ ಮೊರಟಂಡ್ ಪಲ್ಲ್ ಕಡಿಚಂಡ್ ಇಪ್ಪ.

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಮಾರ್ಕ 16:16

ದಾರೆಲ್ಲಾ ನಿಂಗ ಎಣ್ಣ್‌ವಾನ ನಂಬಿತ್ ದೀಕ್ಷಾಸ್ನಾನ ಎಡ್‌ಪ ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟ್‌ವ. ದಾರೆಲ್ಲಾ ನಂಬುಲೆ, ಅಯಿಂಗಕೆಲ್ಲ ಶಿಕ್ಷೆ ಕ್‍ಟ್ಟ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:20

ಆಚೇಂಗಿ, ನಿಂಗಡ ತಕ್ಕ್‌ಕ್ ಕೂಳಿಯ ಮಂಡೆ ಬಗ್ಗ್‌ಚಿಟ್ಟಗುಂಡ್ ನಿಂಗ ಸಂತೋಷ ಪಡತಿ. ಅದ್ಂಡ ಬದ್‍ಲ್, ನಿಂಗಡ ಪೆದ ಪರಲೋಕತ್‍ಲ್ ಒಳ್‌ದಿತುಳ್ಳಗುಂಡ್ ಸಂತೋಷ ಪಡಿರಿ.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಯೋಹಾನ 3:36

ದೇವಡ ಮೋಂವೊನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್; ಅಂವೊನ ನಂಬತಯಿಂಗಕ್ ನಿತ್ಯ ಜೀವ ಕ್‍ಟ್ಟುಲೆ. ಅದ್ಂಡ ಬದ್‍ಲ್, ದೇವಡ ನ್ಯಾಯತೀರ್ಪ್ ಪಿಂಞ ಬಲ್ಯ ಚೆಡಿ ಅಯಿಂಗಡ ಮೇಲೆ ಎಕ್ಕಾಲು ಇಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 4:12

ಅಂವೊನ ಬುಟ್ಟಿತ್ ಬೋರೆ ದಾರ್‌ಕು ನಂಗಳ ರಕ್ಷಣೆ ಮಾಡ್‌ವಕ್ ಕಯ್ಯುಲೆ. ಬಾನತ್‍ರ ಅಡಿಲ್, ಮನುಷ್ಯಂಗಡ ಮದ್ಯತ್‍ಲ್ ಯೇಸುರ ಪೆದತ್‍ನ ಬುಟ್ಟಿತ್ ಬೋರೆ ಒರ್ ಪೆದವು ನಂಗಡ ರಕ್ಷಣೆಕ್ ಕೊಡ್‍ತಿತ್‌ಲ್ಲೆ.

ಇಬ್ರಿಯ 12:25

ನಿಂಗಡ ಕೂಡೆ ತಕ್ಕ್ ಪರಿಯುವಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣತನೆಕೆ ಎಚ್ಚರತ್‍ಲ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ಲ್ ತಕ್ಕ್ ಪರ್ಂದಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣ್‌ನ ಜನತ್‍ನ ಅಂವೊ ಬಚಾವಾಪಕ್ ಬುಟ್ಟಿತ್‌ಲ್ಲೆ. ಅನ್ನನೆ ಇಪ್ಪಕ, ಪರಲೋಕತ್ಂಜ ನಂಗಡ ಕೂಡೆ ತಕ್ಕ್ ಪರಿಯುವಂವೊನ ಬುಟ್ಟಿತ್ ದೂರ ಪೋಚೇಂಗಿ, ನಂಗ ಎನ್ನನೆ ಬಚಾವಾಪ?

ಇಬ್ರಿಯ 2:3

ಅನ್ನನೆ ಇಪ್ಪಕ, ಆದ್ಯವಾಯಿತ್ ಒಡೆಯಂಡ ಮೂಲಕ ಅರಿಚಿಟ್ಟಿತ್, ಪಿಂಞ ಅಂವೊಂಡಿಂಜ ಕ್‍ೕಟಯಿಂಗಡ ಮೂಲಕ ನಂಗಕ್ ಸ್ತಿರಪಡ್‌ತಿತ್,

ಪ್ರಕಟನೆ 19:20

ಅಕ್ಕ ಆ ಮೃಗತ್‍ನ ಪುಡ್‍ಚತ್; ಅದ್ಂಡ ಮಿಂಞತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನಗುಂಡ್, ಅದ್ಂಡ ಮುದ್ರೆನ ಇಟ್ಟಯಿಂಗಳ, ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‍ನಯಿಂಗಳ ಪಿಂಞ ಮೋಸ ಮಾಡ್‍ನ ಕಳ್ಳ ಪ್ರವಾದಿನ ಸಹ ಪುಡ್‌ಚಿರ್‌ತ್. ಜೀವತ್‍ಲ್ ಇಪ್ಪಕಲೆ ಈ ದಂಡಾಳ್‌ನ ಗಂಧಕ ಕತ್ತಿಯಂಡುಳ್ಳ ತಿತ್ತ್‌ರ ಕಡಲ್‍ಲ್ ಇಟ್ಟತ್.

ಪ್ರಕಟನೆ 20:10

ಇದ್‍ಲ್ಲತೆ, ಅಯಿಂಗಳ ಮರ್‍ಳ್ ಮಾಡ್‍ನ ಸೈತಾನನ, ಮೃಗತ್‍ನ, ಕಳ್ಳ ಪ್ರವಾದಿನ ಪ್ರವಾದಿ ಬೆಚ್ಚಿತ್ಂಜ ತಿತ್ತ್ ಕತ್ತಿಯಂಡ್ ಉಳ್ಳ ಗಂಧಕತ್‍ರ ಕಡಲ್‍ಲ್ ಇಟ್ಟಿರುವ. ಅಯಿಂಗ ಅಲ್ಲಿ ಪೋಲ್ ಬಯಿಟಾಯಿತ್ ಎಕ್ಕಾಲು ಹಿಂಸೆ ಪಟ್ಟಂಡಿಪ್ಪ.

ಪ್ರಕಟನೆ 20:12

ಚತ್ತಯಿಂಗಳಾನ ಚೆರಿಯಯಿಂಗಳ, ಬಲ್ಯಯಿಂಗಳ, ದೇವಡ ಸಿಂಹಾಸನತ್‍ರ ಎದ್‍ಕೆ ನಿಂದಿತುಳ್ಳಾನ ಕಂಡಿಯೆ. ಅಕ್ಕ ಪುಸ್ತಕ ಎಲ್ಲಾ ತೊರ್ಂದತ್, ಅಲ್ಲಿಂಜ ಜೀವ ಪುಸ್ತಕ ಎಣ್ಣುವ ಬೋರೆ ಒರ್ ಪುಸ್ತಕವು ತೊರ್ಂದತ್; ಅಕ್ಕ ಆ ಪುಸ್ತಕತ್‍ಲ್ ಒಳ್‍ದಿತುಳ್ಳನೆಕೆ, ಚತ್ತಯಿಂಗಕ್ ಅಯಿಂಗಯಿಂಗ ಮಾಡ್‍ನ ಕ್ರಿಯೇಕ್ ತಕ್ಕಂತ ನ್ಯಾಯತೀರ್ಪ್ ಕ್‍ಟ್ಟ್‌ಚಿ.

ಪ್ರಕಟನೆ 20:14

ಅಕ್ಕ, ಚಾವ್ ಪಿಂಞ ಪಾತಾಳತ್‍ನ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್. ಇದ್ ದಂಡೆನೆ ಚಾವ್.

ಪ್ರಕಟನೆ 3:5

ದಾರೆಲ್ಲ ಗೆಲ್ಲುವ, ಅಂವೊಂಗ್ ಬೊಳ್‍ತ ಬಟ್ಟೆ ಇಡ್‍ವನೆಕೆ ಆಪ; ಅಂವೊಂಡ ಪೆದತ್‍ನ ಜೀವ ಪುಸ್ತಕತ್ಂಜ ಮಾಜ್ ಪೋಪಕ್ ನಾನ್ ಬುಡುಲೆ. ನಾನ್ ನಾಡ ಅಪ್ಪಂಡ ಮಿಂಞತ್ ಪಿಂಞ ಅಂವೊಂಡ ದೂತಂಗಡ ಮಿಂಞತ್ ಅಂವೊ ನಾಡಂವೋಂದ್ ಅರಿಚಿಡುವಿ.