ಪ್ರಕಟನೆ 20:11 - ಕೊಡವ ಬೈಬಲ್

¹¹ ಅಲ್ಲಿಂಜ, ನಾನ್ ಬೊಳ್‍ತ ಸಿಂಹಾಸನತ್‍ನ, ಅದ್ಂಡಮೇಲೆ ಅಳ್‌ತಿತ್ ಉಳ್ಳಂವೊನ ಕಂಡಿಯೆ; ಅಂವೊಂಡ ಸನ್ನಿದಾನತ್ಂಜ ಬೂಮಿಯು ಬಾನವು ಕಾಂಗತೆ ಆಯಿಪೋಚಿ. ಅದ್ ಇಂಜ ಜಾಗ ಸಹ ಇಲ್ಲತೆ ಆಚಿ.

ಪ್ರಕಟನೆ 20:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:25

ನೀನ್‌ ನೇರಾಯಿತು ದುಷ್ಟಂಗಡ ಕೂಡೆ ನೀತಿವಂತಯಿಂಗಳ ನಾಶ ಮಾಡುಲೆ. ನೀನ್‌ ಎನ್ನನೆ ದುಷ್ಟಂಗಳ ಪಿಂಞ ನೀತಿವಂತಯಿಂಗಳ ಒರೇ ಲೆಕ್ಕತ್‌ ನೋಟ್‌ವಕಯ್ಯು. ನೀನ್‌ ನೇರಾಯಿತು ಅನ್ನನೆ ಮಾಡುಲೆ! ಬೂಮಿರ ನ್ಯಾಯಾದಿಪತಿ ನ್ಯಾಯವಾನದ್‌ನೇ ಮಾಡುವಲ್ಲಾಂದ್‌ ಎಣ್ಣ್‌ಚಿ.

ಮತ್ತಾಯ 11:22

ಆಚೇಂಗಿ ನಾನ್ ನಿಂಗಕ್ ಎಣ್ಣ್‌ವಿ, ದೇವ ತೀರ್ಪ್ ತಪ್ಪ ದಿವಸತ್‍ಲ್ ನಿಂಗಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ ತೀರ್ ಸೀದೋನ್ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತ್‌ಪ್ಪ.

ಮತ್ತಾಯ 24:35

ಬಾನ ಬೂಮಿ ಎಲ್ಲಾ ನಾಶ ಆಪ, ಆಚೇಂಗಿ ನಾಡ ತಕ್ಕ್ ನಾಶ ಆಪುಲೆ.

ಮತ್ತಾಯ 25:31

ಮನುಷ್ಯಕುಮಾರ ತಾಂಡ ಮಹಿಮೆಲ್ ಅಂವೊಂಡ ದೂತಂಗಡ ಕೂಡೆ ಬಪ್ಪಕ, ತಾಂಡ ಮಹಿಮೇರ ಸಿಂಹಾಸನತ್‍ಲ್ ಅಳ್‌ತಿತ್‌ಪ್ಪ.

ರೋಮ್ 2:5

ಆಚೇಂಗಿ, ನಿಂಗಡ ಕಠಿಣ ಹೃದಯತ್‍ರಗುಂಡ್ ಪಿಂಞ ವಾಸಿ ಆಕತ ಹೃದಯತ್‍ರಗುಂಡ್, ನೀತಿಯುಳ್ಳ ತೀರ್ಪ್ ತಪ್ಪ ದೇವಡ ಬಲ್ಯ ಚೆಡಿರ ದಿವಸತ್‍ಲ್, ನಿಂಗ ನಿಂಗಕಾಯಿತ್ ದೇವಡ ಬಲ್ಯ ಚೆಡಿನ ಕೂಟಿ ಬೆಚ್ಚಂಡುಳ್ಳಿರಲ್ಲ?

2 ಪೇತ್ರ 3:7

ಇಕ್ಕ ಉಳ್ಳ ಬಾನವು, ಬೂಮಿಯು, ಆ ತಕ್ಕ್‌ರಗುಂಡ್, ತಿತ್ತ್‌ಕಾಯಿತ್ ಬೆಚ್ಚಿತುಂಡ್, ದೇವಡ ಮೇಲೆ ಬಕ್ತಿ ಇಲ್ಲತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟಿತ್ ನಾಶ ಆಪಕತ್ತನೆ ಬದ್ರವಾಯಿತ್ ಅದ್‍ನ ಕಾಪಾಡಿಯಂಡುಂಡ್.

ಪ್ರಕಟನೆ 12:8

ಬಾನತ್‍ಲ್ ಅಯಿಂಗ ಇಂಜ ಜಾಗ ಸಹ ಕಾಂಗತೆ ಆಯಿಪೋಚಿ.

ಪ್ರಕಟನೆ 16:20

ಎಲ್ಲಾ ದ್ವೀಪವು ಕಾಂಗತೆ ಆಯಿಪೋಚಿ; ಕುಂದ್ ಎಲ್ಲಾ ಕಾಂಗತೆ ಆಯಿಪೋಚಿ.

ಪ್ರಕಟನೆ 19:11

ಪಿಂಞ, ಪರಲೋಕ ತೊರ್‌ಂದದ್‍ನ ನಾನ್ ಕಂಡಿಯೆ. ಅಕ್ಕ ಬೊಳ್‍ತ ಕುದ್‍ರೆನ ಕಾಂಬಕಾಚಿ. ಅದ್ಂಡಮೇಲೆ ಅಳ್‌ತಿತ್ ಇಂಜಂವೊಂಗ್, ನಂಬಿಕಸ್ತ ಪಿಂಞ ಸತ್ಯವಂತಂವೋಂದ್ ಪೆದ ಇಂಜತ್. ಅಂವೊ ನೀತಿಯಿಂಜ ನ್ಯಾಯತೀರ್ಪ್ ಕೊಡ್‌ತಿತ್ ಯುದ್ದ ಮಾಡ್‌ವಂವೊನಾಯಿತ್ಂಜತ್.

ಪ್ರಕಟನೆ 20:2

ಪಿಶಾಚೀಂದ್ ಕಾಕುವ ಸೈತಾನನಾಯಿತ್ಂಜ ಪಳೆಯ ಪಾಂಬಾಯಿತುಳ್ಳ ಘಟಸರ್ಪತ್‍ನ ಪುಡ್‌ಚಿತ್, ಆಯಿರ ಕಾಲಕ್ ಅದ್‍ನ ಕೆಟ್ಟಿ ಬೆಚ್ಚತ್.

ಪ್ರಕಟನೆ 21:1

ಅಲ್ಲಿಂಜ ಪುದಿಯ ಬಾನ ಪಿಂಞ ಪುದಿಯ ಬೂಮಿನ ಕಂಡಿಯೆ; ಮಿಂಞತ್‍ರ ಬಾನ ಮಿಂಞತ್‍ರ ಬೂಮಿ ಇಲ್ಲತೆ ಆಯಿಪೋಚಿ; ಸಮುದ್ರ ಸಹ ಇಲ್ಲತೆ ಆಯಿಪೋಚಿ

ಪ್ರಕಟನೆ 21:5

ಸಿಂಹಾಸನತ್‍ಲ್ ಅಳ್‌ತಿತ್ ಇಂಜಂವೊ: ನೋಟಿ, ನಾನ್ ಎಲ್ಲಾನ ಪುದಿಯದಾಯಿತ್ ಮಾಡಿಯಂಡುಳ್ಳ್‌ಂದ್ ಎಣ್ಣ್‌ಚಿ, ಪುನಃ ಅಂವೊ: ಈ ತಕ್ಕ್ ಎಲ್ಲಾ ಸತ್ಯವು ನೇರಾನದು ಆಯಿತುಳ್ಳಗುಂಡ್ ಒಳ್‌ದ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 4:2

ಅಕ್ಕಣೆ ನಾನ್ ಪವಿತ್ರಾತ್ಮತ್‍ರ ಪುಡ್‍ತತ್‍ಲ್ ಆನ; ಅಕ್ಕ, ಇದಾ, ಪರಲೋಕತ್‍ಲ್ ಒರ್ ಸಿಂಹಾಸನ ಬೆಚ್ಚಿತ್ಂಜತ್, ಅದ್‍ಲ್ ಒಬ್ಬ ಅಳ್‍ತಂಡಿಂಜತ್.

ಪ್ರಕಟನೆ 6:14

ಬಾನ ಒರ್ ಪುಸ್ತಕತ್‍ರನೆಕೆ ಉರ್ಂಡ್ ಕಾಂಗತೆ ಆಯಿಪೋಚಿ; ಎಲ್ಲಾ ಕುಂದು, ದ್ವೀಪವು ಅದ್ಂಡ ಜಾಗತ್‍ನ ಬುಟ್ಟಿತ್ ಕಾಂಗತೆ ಆಯಿಪೋಚಿ.