ಪ್ರಕಟನೆ 19:18 - ಕೊಡವ ಬೈಬಲ್

¹⁸ ನಿಂಗ, ರಾಜಂಗಡ ಯರ್ಚಿನ, ಸೇನಾದಿಪತಿಯಂಗಡ ಯರ್ಚಿನ, ಶಕ್ತಿವಂತಯಿಂಗಡ ಯರ್ಚಿನ, ಕುದ್‍ರೆರ ಯರ್ಚಿನ, ಅದ್ಂಡಮೇಲೆ ಅಳ್‌ತಂಡುಳ್ಳಯಿಂಗಡ ಯರ್ಚಿನ, ಸ್ವಾತಂತ್ರವಾನಯಿಂಗ, ಅಡಿಯಾಳ್‍ವ, ಚೆರಿಯಯಿಂಗ, ಬಲ್ಯಯಿಂಗ ಈಂಗಡ ಯರ್ಚಿನ ತಿಂಬಕಾಯಿತ್, ಮಹಾ ದೇವ ತಪ್ಪ ಗದ್ದಾಳಕ್ ಕೂಡಿತ್ ಬಾರೀಂದ್ ಬಲ್ಯ ಸದ್ದ್‌ಲ್ ಕೂತ್ ಕೊಡ್‍ತತ್.

ಪ್ರಕಟನೆ 19:18 ပူးပေါင်းရင်းမြစ်များ

ಮತ್ತಾಯ 24:28

ಚಾವ್ ತಡಿ ಎಲ್ಲಿ ಉಂಡೋ ಅಲ್ಲಿ ಅಡ್‍ಪದ್ದ್ ಬಂತ್ ಕೂಡ್‍ವ.

ಪ್ರಕಟನೆ 11:18

ನೀಡ ಜನ ಅಲ್ಲತಯಿಂಗಕ್ ಚೆಡಿ ಬಾತ್, ಅಕ್ಕ ನೀಕ್ ಬಲ್ಯ ಚೆಡಿ ಉಂಟಾಚಿ; ಚತ್ತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟ್‌ವಕು, ಪ್ರವಾದಿಯಳಾನ ನೀಡ ಸೇವಕಂಗಕು, ದೇವಡ ಮಕ್ಕಕು, ನೀಡ ಪೆದತ್‍ರ ಮೇಲೆ ಬಕ್ತಿಯಾಯಿತ್ ಇಂಜ ಬಲ್ಯಯಿಂಗಕು ಚೆರಿಯಯಿಂಗಕು ಫಲ ತಪ್ಪಕು, ಬೂಮಿಕ್ ಕ್‍ೕಡ್ ಮಾಡ್‍ನಯಿಂಗಳ ಪಾಳ್ ಮಾಡ್‌ವಕು, ಸಮಯ ಬಾತ್‍ೕಂದ್ ಎಣ್ಣಿತ್ ದೇವನ ತುದಿಚತ್.

ಪ್ರಕಟನೆ 13:16

ಚೆರಿಯಯಿಂಗ, ಬಲ್ಯಯಿಂಗ, ಐಶ್ವರ್ಯವಂತಯಿಂಗ, ಗರೀಬಂಗ, ಸ್ವಾತಂತ್ರವಾನಯಿಂಗ, ಅಡಿಯಾಳ್‍ಂಗ, ಈಂಗೆಲ್ಲಾ ಅಯಿಂಗಡ ಬಲ್‌ತೆ ಕೈಯಿಲ್ ಅಥವ ನೆತ್ತಿರ ಮೇಲೆ ಒರ್ ಮುದ್ರೆನ ಇಡಂಡೂಂದ್ ಒತ್ತಾಯ ಮಾಡ್‍ಚಿ.

ಪ್ರಕಟನೆ 17:16

ಆ ಮೃಗತ್‍ರ ಮೇಲೆ ನೀನ್ ನೋಟ್‌ನ ಪತ್ತ್ ಕೊಂಬ್‍ರಯಿಂಗ ಆ ವೇಶಿನ ವಿರೋದ ಮಾಡಿತ್, ಪಾಳ್ ಮಾಡಿತ್, ಅವಳ ಬೆತ್ತಲೆ ಮಾಡಿತ್, ಅವಡ ಯರ್ಚಿನ ತಿಂದಿತ್, ಅವಳ ತಿತ್ತ್‌ಲ್ ಚುಟ್ಟ್‌ರ್‍ವ.

ಪ್ರಕಟನೆ 19:5

ಅದಲ್ಲತೆ, ಸಿಂಹಾಸನತ್‍ರ ಕಡೇಯಿಂಜ ಒರ್ ವಾಣಿ ಬಾತ್; ಅದ್: ದೇವಡ ಸೇವಕಂಗಳೇ, ಅಂವೊಂಗ್ ಬೊತ್ತಿತ್ ನಡ್‍ಪ ಚೆರಿಯಯಿಂಗಳೇ, ಬಲ್ಯಂಗಳೇ ನಿಂಗ ಎಲ್ಲಾರು ದೇವನ ತುದಿಚಿತ್ ಕೊಂಡಾಡೀಂದ್ ಎಣ್ಣ್‌ಚಿ.

ಪ್ರಕಟನೆ 6:15

ಬೂಮಿರ ರಾಜಂಗ, ಬಲ್ಯಯಿಂಗ, ಸೇನೆರ ಅದಿಕಾರಿಯಂಗ, ಐಶ್ವರ್ಯವಂತಯಿಂಗ, ಬಲ ಉಳ್ಳಯಿಂಗ, ಅಡಿಯಾಳ್‍ಂಗ, ಸ್ವಾತಂತ್ರವಾನಯಿಂಗ ಎಲ್ಲಾರು, ಕುಂದ್‌ರ ಒಳ್‍ಕ್, ಗುವೇರ ಒಳ್‍ಕ್ ಪಿಂಞ ಬಂಡೇರ ಒಳ್‍ಕ್ ಒಳ್‌ಂಜಂಡ್ ಇಂಜತ್.