ಪ್ರಕಟನೆ 19:16 - ಕೊಡವ ಬೈಬಲ್

¹⁶ ಅಂವೊಂಡ ತೊಡೇರ ಮೇಲೆ ಪಿಂಞ ಬಟ್ಟೇರ ಮೇಲೆ ರಾಜಾದಿ ರಾಜ ದೇವಾದಿ ದೇವಾಂದ್ ಒಳ್‍ದಿತ್ಂಜತ್.

ಪ್ರಕಟನೆ 19:16 ပူးပေါင်းရင်းမြစ်များ

ಮತ್ತಾಯ 25:40

ಅಕ್ಕ ರಾಜ, ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಮಾಡ್‍ಚೇಂಗಿಯು, ಅದ್‍ನ ನಿಂಗ ನಾಕ್ ಮಾಡ್‌ನನೆಕೇಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

1 ತಿಮೊಥೆಯ 6:15

ಅಂವೊ ಪ್ರತ್ಯಕ್ಷವಾಯಿತ್ ಬಪ್ಪದ್‍ನ ದೇವ ತಕ್ಕ ಸಮಯತ್‍ಲ್ ಕಾಟಿತಪ್ಪ. ಅಂವೊನೇ ಆಶೀರ್ವಾದ ಪಡ್ಂದಂವೊ, ಎಲ್ಲಾನ ಅಂವೊನೇ ಆಳ್‍ವಂವೊ. ಅಂವೊ ಒಬ್ಬನೇ ರಾಜಾದಿ ರಾಜನು, ದೇವಾದಿ ದೇವನು,

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,

ಪ್ರಕಟನೆ 17:14

ಈಂಗ ಕೊರಿಕುಟ್ಟಿಯಾನವೊಂಡ ಕೂಡೆ ಯುದ್ದ ಮಾಡ್‌ವ. ಆಚೇಂಗಿ ಅಂವೊ ದೇವಾದಿ ದೇವನು ರಾಜಾದಿ ರಾಜನು ಆನಗುಂಡ್ ಅಯಿಂಗಳ ಗೆಲ್ಲುವ; ಅಂವೊಂಡ ಕೂಡೆ ಉಳ್ಳಯಿಂಗಳ, ಅಂವೊ ಕಾಕ್‌ನಯಿಂಗಾಂದು, ಗೊತ್ತ್ ಮಾಡ್‍ನಯಿಂಗಾಂದು, ನಂಬಿಕಸ್ತಂಗಾಂದು ಎಣ್ಣುವಾಂದು ಎಣ್ಣ್‌ಚಿ.

ಪ್ರಕಟನೆ 2:17

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗಕ್, ನಾನ್ ಮುಚ್ಚಿತ್ ಬೆಚ್ಚಿತುಳ್ಳ ಮನ್ನಾನ ತಿಂಬಕ್ ಕೊಡ್‌ತಿತ್, ಅಂವೊಂಗ್ ಬೊಳ್‍ತ ಗುರ್‍ತ್‍ರ ಕಲ್ಲ್‌ನ ಕೊಡ್‍ಪಿ. ಆ ಕಲ್ಲ್‌ಲ್ ಒಳ್‍ದಿತುಳ್ಳದ್‍ನ, ಆ ಕಲ್ಲ್ ಕ್‍ಟ್ಟ್‌ನಂವೊಂಗ್ ಅಲ್ಲತೆ ಬೋರೆ ಒಬ್ಬಂಗು ಗೊತ್ತಾಪಕ್ಕಾಗತ ಪುದಿಯ ಪೆದತ್‍ನ ಅಂವೊಂಗ್ ಕೊಡ್‍ಪಿ. ಇನ್ನನೆ ಒಳ್‍ದ್.