ಪ್ರಕಟನೆ 18:8 - ಕೊಡವ ಬೈಬಲ್

⁸ ಆಚೇಂಗಿ ಅವಕ್ ಬಪ್ಪ ಬಾದೆಯಾನ ಚಾವ್, ದುಃಖ, ಬರಗಾಲ ಎಣ್ಣುವಂತ ಕಷ್ಟ ಒರೇ ದಿವಸತ್‍ಲ್ ಬಪ್ಪ; ಅವ ತಿತ್ತ್‌ಲ್ ಚುಟ್ಟ್ ಪೋಪ, ಅವಕ್ ನ್ಯಾಯತೀರ್ಪ್ ಕೊಡ್‍ಪ ಒಡೆಯನಾನ ದೇವ ಶಕ್ತಿವಂತಂವೊ.

ಪ್ರಕಟನೆ 18:8 ပူးပေါင်းရင်းမြစ်များ

1 ಕೊರಿಂಥ 10:22

ನಂಗ ಇನ್ನನೆ ಮಾಡ್‌ವಕ, ದೇವಕ್ ನಂಗಡ ಮೇಲೆ ಚೆಡಿ ಆಪನೆಕೆ ಮಾಡಿಯಂಡುಂಡಲ್ಲಾ? ಅಂವೊಗಿಂಜ ನಂಗ ದುಂಬ ಬಲಶಾಲಿಯಾ?

ಪ್ರಕಟನೆ 11:17

ಇಕ್ಕ ಇಪ್ಪಂವೊನೂ, ಮಿಂಞ ಇಂಜಂವೊನು ಸರ್ವ ಶಕ್ತಿವಂತಂವೊನು ಆಯಿತುಳ್ಳ, ಒಡೆಯನಾನ ದೇವನೇ, ನಿನ್ನ ನಂಗ ಆರಾದನೆ ಮಾಡ್‌ವ. ನೀನ್ ಬಲ್ಯ ಶಕ್ತಿರಗುಂಡ್ ರಾಜ್ಯಬಾರ ಮಾಡ್‌ವ ರಾಜನಾಯಿತುಳ್ಳಿಯ.

ಪ್ರಕಟನೆ 17:16

ಆ ಮೃಗತ್‍ರ ಮೇಲೆ ನೀನ್ ನೋಟ್‌ನ ಪತ್ತ್ ಕೊಂಬ್‍ರಯಿಂಗ ಆ ವೇಶಿನ ವಿರೋದ ಮಾಡಿತ್, ಪಾಳ್ ಮಾಡಿತ್, ಅವಳ ಬೆತ್ತಲೆ ಮಾಡಿತ್, ಅವಡ ಯರ್ಚಿನ ತಿಂದಿತ್, ಅವಳ ತಿತ್ತ್‌ಲ್ ಚುಟ್ಟ್‌ರ್‍ವ.

ಪ್ರಕಟನೆ 17:18

ನೀನ್ ಕಂಡ ಆ ಪೊಣ್ಣಾಳ್ ಬೂಮಿಲ್ ಉಳ್ಳ ರಾಜಂಗಡ ಮೇಲೆ ರಾಜ್ಯಬಾರ ಮಾಡ್‌ವ ಬಲ್ಯ ಪಟ್ಟಣವೇಂದ್ ಎಣ್ಣ್‌ಚಿ.

ಪ್ರಕಟನೆ 18:17

ಒರೇ ಗಳಿಗೆಲ್ ಇಚ್ಚಕ್ ಐಶ್ವರ್ಯವು ನಾಶ ಆಯಿ ಪೊಚಲ್ಲಾಂದ್ ಎಣ್ಣಿತ್ ಗೋಳಾಡುವ. ಇದ್‍ಲ್ಲತೆ ಕಪ್ಪಲ್ ಬುಡ್‍ವಂವೊ ಎಲ್ಲಾರು, ಕಪ್ಪಲ್ ಪ್ರಯಾಣ ಮಾಡ್‌ವಯಿಂಗ ಎಲ್ಲಾರು, ಹಡಗ್‍ಲ್ ಕೆಲಸ ಮಾಡ್‌ವಯಿಂಗ ಎಲ್ಲಾರು, ಸಮುದ್ರತ್‍ಲ್ ಕೆಲಸ ಮಾಡಿತ್ ಜೀವನ ಮಾಡ್‌ವಯಿಂಗ ಎಲ್ಲಾರು ದೂರತ್‍ಲ್ ನಿಂದಿತ್:

ಪ್ರಕಟನೆ 18:19

ಅಯಿಂಗ ದುಃಖತ್‍ಲ್ ಅಯಿಂಗಡ ಮಂಡೆರ ಮೇಲೆ ಮಣ್ಣ್‌ನ ಇಟ್ಟಂಡ್, ಅಯ್ಯೋ! ಅಯ್ಯೋ! ಮಹಾ ಪಟ್ಟಣವೇ, ಸಮುದ್ರತ್‍ಲ್ ಕಪ್ಪಲ್ ಉಳ್ಳಯಿಂಗೆಲ್ಲ, ಇವಡ ಬೆಲೆಯುಳ್ಳ ವಸ್ತುರಗುಂಡ್ ಐಶ್ವರ್ಯವಂತಂಗಳಾಚಲ್ಲ! ಒರೇ ಗಳಿಗೆಲ್ ಅವ ಪಾಳಾಯಿರ್‌ತಲ್ಲಾಂದ್ ಎಣ್ಣಿಯಂಡ್ ಗೋಳಾಡಿಯಂಡ್ ಮೊರಟಂಡ್ ಇಪ್ಪ.

ಪ್ರಕಟನೆ 19:3

ಅವಳ ಚುಟ್ಟ ಪೊಗೆ ಎಕ್ಕಾಲು ಕೊಡಿಕ್ ಪೋಯಂಡುಂಡ್‍ೕಂದ್ ಪುನಃ ಹಲ್ಲೆಲೂಯಾಂದ್ ಕೂತ್ ಕೊಡ್‍ತತ್.