ಪ್ರಕಟನೆ 18:7 - ಕೊಡವ ಬೈಬಲ್

⁷ ಅವ ಅವಕ್ ಮಹಿಮೆ ಕೊಡ್‌ತಿತ್, ಎಚ್ಚಕ್ ಐಶ್ವರ್ಯವಂತವಳಾಯಿತ್ ಬದ್‍ಕ್‍ಚೋ, ಅಚ್ಚಕ್ ಬಾದೇನ, ದುಃಖತ್‍ನ ಅವಕ್ ಕೊಡಿ. ಅವ ಅವಡ ಹೃದಯತ್‍ಲ್ ನಾನ್ ರಾಣಿಯಾಯಿತ್ ಅಳ್‌ತಿತ್ ಉಳ್ಳ, ನಾನ್ ವಡಿಯ ಚತ್ತ ಪೊಣ್ಣಾಳ್ ಅಲ್ಲ, ನಾಕ್ ದುಃಖ ಬಪ್ಪದೇ ಇಲ್ಲೇಂದ್ ಅವ ಗೇನ ಮಾಡ್‍ಚಿ.

ಪ್ರಕಟನೆ 18:7 ပူးပေါင်းရင်းမြစ်များ

ಎಸ್ತೆರ್‌ 6:10

ಅಕ್ಕ ರಾಜ ಹಾಮಾನನ ನೋಟಿತ್: ನೀನ್‌ ಬೆರಿಯ ರಾಜ ಉಡ್‌ಪ್‌ನ ಪಿಂಞ ಕುದುರೆನ ಎಡ್‌ತಂಡ್‌ ಪೋಯಿತ್, ನೀನ್‌ ಎಣ್ಣ್‌ನನೆಕೆ ರಾಜಂಡ ಅರಮನೆರ ಪಡಿಲ್‌ ಅಳ್‌ತಂಡುಳ್ಳ ಯೆಹೂದ್ಯನಾನ ಮೊರ್ದಿಕೈಕ್‌ ಮಾಡ್. ನೀನ್‌ ಎಣ್ಣ್‌ನ ಒಂದನ ಸಹ ಬುಡತೆ ಮಾಡ್‍ೕಂದ್‌ ಎಣ್ಣ್‌ಚಿ.

1 ತಿಮೊಥೆಯ 5:11

ಆಚೇಂಗಿ ಚೆರಿಯ ವಯಸ್ಸುಳ್ಳ ವಿದವೆಯಳ ಈ ಕೂಟ್‍ಕ್ ಕೂಟತೆ. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗಡ ತಡೀರ ಇಚ್ಛೆ, ಕ್ರಿಸ್ತಂಡ ಮೇಲೆ ಉಳ್ಳ ಅರ್ಪಣೆಕಿಂಜ ಜಾಸ್ತಿ ಆಯಿತ್, ಕ್ರಿಸ್ತಂಡ ಪಕ್ಕ ಮಾಡ್‍ನ ಒಪ್ಪಂದತ್‍ನ ಬುಟ್ಟಿತ್, ಪುನಃ ಮಂಗಲ ಮಾಡಂಡೂಂದ್ ಆಸೆ ಪಡುವ.

ಪ್ರಕಟನೆ 18:3

ಅವಡ ವೇಶಿತನತ್‍ರ ಬಲ್ಯ ಚೆಡಿರ ಕಳ್ಳ್‌ನ ಎಲ್ಲಾ ಜಾತಿಯಳು ಕುಡಿಚತ್; ಬೂಮಿರ ರಾಜಂಗ ಅವಡ ಕೂಡೆ ವೇಶಿತನ ಮಾಡ್‍ಚಿ; ಬೂಮಿರ ವ್ಯಾಪಾರಿಯಂಗ, ಅವಡ ದುಂಬ್‍ನ ಐಶ್ವರ್ಯತ್‍ರಗುಂಡ್ ಐಶ್ವರ್ಯವಂತಂಗಳಾಚೀಂದ್ ಎಣ್ಣ್‌ಚಿ.

ಪ್ರಕಟನೆ 18:9

ಅವಡ ಕೂಡೆ ವ್ಯಬಿಚಾರ ಮಾಡಿತ್, ಅವಡ ಐಶ್ವರ್ಯತ್‍ರ ಬಲ್ಯ ಕುಶೀಲ್ ಇಂಜ ಬೂಮಿರ ರಾಜಂಗ, ಅವ ತಿತ್ತ್‌ಲ್ ಬೆಂಜಂಡ್ ಉಳ್ಳ ಪೊಗೇ‍ನ ನೋಟಿತ್ ದೂರತ್‍ಲ್ ನಿಂದಿತ್ ಅಯಿಂಗ ಗೋಳಾಡಿಯಂಡ್,