ಪ್ರಕಟನೆ 18:4 - ಕೊಡವ ಬೈಬಲ್

⁴ ಪಿಂಞ, ಇಂಞೊರ್ ವಾಣಿ ಪರಲೋಕತ್ಂಜ ಕ್‍ೕಟತ್. ಅದ್: ನಾಡ ಜನಳೇ, ನಿಂಗ ಅವಡ ಪಾಪಕ್ ಕೂಡತೆ, ಅವಕ್ ಬಪ್ಪ ನಾಶತ್‍ಲ್ ಚಿಕ್ಕತನೆಕೆ, ಅವಳ ಬುಟ್ಟಿತ್ ಪೊರಮೆ ಬಾರಿ.

ಪ್ರಕಟನೆ 18:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:14

ಅಕ್ಕ ಲೋಟ ಪೊರಮೆ ಪೋಯಿತ್‌ ತಾಂಡ ಮೂಡಿ ಮಕ್ಕಕ್‌ ಗೊತ್ತ್‌ಮಾಡ್‌ನ ಮೈಮಂಗಡ ಪಕ್ಕ ಪೋಯಿತ್: ನಿಂಗ ಎದ್ದಿತ್‌ ಈ ಜಾಗತ್‌ನ ಬುಟ್ಟಿತ್‌ ಪೋಯಿರಿ. ಯೆಹೋವ ಈ ಪಟ್ಟಣತ್‌ನ ನಾಶಮಾಡ್‌ವಕ್‌ ಉಂಡ್‍ೕಂದ್‌ ಎಣ್ಣ್‌ಚಿ. ಆಚೇಂಗಿ ಅಯಿಂಗ ಲೋಟ ತಮಾಶಿ ಮಾಡಿಯಂಡುಂಡ್‍ೕಂದ್‌ ಗೇನ ಮಾಡ್‌ಚಿ.

ಮತ್ತಾಯ 23:30

ನಂಗ ಪೆರಿಯಯಿಂಗಡ ಕಾಲತ್‍ಲ್ ಇಂಜಿತುಂಡೇಂಗಿ ಅಯಿಂಗಡ ಕೂಡೆ ಪ್ರವಾದಿಯಂಗಳ ಕೊಂದ ಪಾಪತ್‍ಲ್ ನಂಗ ಪಾಲ್‌ದಾರರಾಯಿತ್ ಇಪ್ಪಕಿಂಜಿಲೇಂದ್ ಎಣ್ಣುವಿರ.

2 ಕೊರಿಂಥ 6:17

ಆನಗುಂಡ್, ನಿಂಗ ಅಯಿಂಗಡ ಮದ್ಯತ್ಂಜ ಪೊರಟಿತ್, ಅಯಿಂಗಡಿಂಜ ಬೋರೆ ಆಯಿತ್, ಅಶುದ್ದವಾನದ್‍ನ ಮುಟ್ಟತೀಂದ್ ಒಡೆಯ ಎಣ್ಣಿಯಂಡುಂಡ್.

1 ತಿಮೊಥೆಯ 5:22

ದೇವಡ ಸೇವೇಕ್ ನೇಮಿಚಿಡ್‍ವಕ್ ಏದ್ ಮನುಷ್ಯಂಡ ಮಂಡೆರ ಮೇಲೆ ಅವಸರತ್‌ಲ್ ಕೈ ಬೆಕ್ಕತೆ. ಅನ್ನನೆ ಮಾಡ್‍ಚೇಂಗಿ, ಬೋರೆಯಿಂಗ ಮಾಡ್‌ವ ಪಾಪತ್‍ಲ್ ನೀನ್ ಸಹ ಪಾಲ್‍ದಾರನಾಯಿತ್‌ಪ್ಪಿಯ, ನೀನ್ ಪವಿತ್ರ ಉಳ್ಳಂವೊನಾಯಿತಿರ್.

2 ಯೋಹಾನ 1:11

ಅನ್ನನೆ ಸತ್ಕಾರ ಮಾಡ್‌ವಯಿಂಗ, ಅಯಿಂಗಡ ಕೆಟ್ಟ ಕೆಲಸತ್‍ಲ್ ಪಾಲ್‍ದಾರಂಗ ಆಪ.