ಪ್ರಕಟನೆ 18:24 - ಕೊಡವ ಬೈಬಲ್

²⁴ ಪ್ರವಾದಿಯಡ ಚೋರೆ, ದೇವಡ ಮಕ್ಕಡ ಚೋರೆ, ಪಿಂಞ ಬೂಮಿಲ್ ಕೊಂದಯಿಂಗ ಎಲ್ಲಾಡ ಚೋರೆ ನೀಡಲ್ಲಿ ಕಂಡತ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 18:24 ပူးပေါင်းရင်းမြစ်များ

ಮತ್ತಾಯ 23:27

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ! ನಿಂಗ ಚುಣ್ಣ ಪೊಜ್ಜ ಗೋರಿರನೆಕೆ ಉಳ್ಳಿರ. ಎನ್ನನೆ ಎಣ್ಣ್‌ಚೇಂಗಿ, ಅದ್ ಪೊರಮೆ ಚಾಯಿ ಕಾಂಬ ಒಳ್‍ಲ್ ನೋಟ್‌ನಕ ಚತ್ತ ಮನುಷ್ಯಂಗಡ ಮೂಳೆ ಪಿಂಞ ಅಶುದ್ದ ಚಾವ್ ತಡಿ ಇಪ್ಪ.

ಮತ್ತಾಯ 23:35

ನೀತಿವಂತಂವೊನಾನ ಕೊಲೆಯಾನ ಹಾಬೇಲಂಡ ಚೋರೆಯಿಂಜ ಪುಡ್‌ಚಿತ್, ಬಲಿ ಕೊಡ್‍ಪ ಜಾಗಕು ದೇವಾಲಯಕು ಮದ್ಯತ್‍ಲ್ ಕೊಲೆಯಾನ ಬರಕೀಯಂಡ ಮೋಂವೊನಾನ ಜಕರಿಯಂಡ ಚೋರೆಕತ್ತನೆ ಈ ಲೋಕತ್‍ರ ಮೇಲೆ ಚೆಲ್ಲ್‌ನ ಎಲ್ಲಾ ನೀತಿವಂತಯಿಂಗಡ ಚೋರೆಯಿಂಜ ಬಪ್ಪಂತ ಅಪರಾದ ನಿಂಗಡ ಮೇಲೆ ಬೂವ.

ಅಪೊಸ್ತಲ 7:52

ನಿಂಗಡ ಮುತ್ತಜ್ಜಂಗ ಏದ್ ಪ್ರವಾದಿಕ್ ಹಿಂಸೆ ಕೊಡ್‍ಕತೆ ಇಂಜತ್? ನೀತಿವಂತಂವೊ ಒಬ್ಬ ಬಪ್ಪಾಂದ್ ಎಣ್ಣಿಯಂಡಿಂಜ ಪ್ರವಾದಿಯಳ ಸಹ ಕೊಲೆ ಮಾಡ್‍ಚಿ. ಇಕ್ಕ, ನಿಂಗ ಅನ್ನನೆ ಬಂದಂವೊನ ಪುಡ್‌ಚಿತ್ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವಕ, ಅದ್ಂಗ್ ನಿಂಗ ಪಾಲ್‍ದಾರಂಗಳಾಯಿತುಳ್ಳಿರ.

1 ಥೆಸಲೊನೀಕ 2:15

ಅಲ್ಲಿಯತ್‍ರ ಯೆಹೂದ್ಯಂಗ, ಒಡೆಯನಾನ ಯೇಸುನ ಪಿಂಞ ಪ್ರವಾದಿಯಳ ಕೊಂದಯಿಂಗ. ಇಕ್ಕ ನಂಗಕ್ ಹಿಂಸೆ ಕೊಡ್‌ತಂಡ್, ದೇವಕ್ ಕುಶಿಯಿಲ್ಲತಯಿಂಗಳಾಯಿತ್ ಉಂಡ್. ಜನಳ ಅಯಿಂಗ ದ್ವೇಶ ಮಾಡಿಯಂಡುಂಡ್.

ಪ್ರಕಟನೆ 11:7

ಅಯಿಂಗ ಅಯಿಂಗಡ ಸಾಕ್ಷಿನ ಎಣ್ಣಿತಾನ ಪಿಂಞ, ಪಾತಾಳತ್ಂಜ ಬಪ್ಪ ಮೃಗ ಈಂಗಡ ಕೂಡೆ ಯುದ್ದ ಮಾಡಿತ್ ಈಂಗಳ ಗೆದ್ದಿತ್ ಕೊಲ್ಲುವ.

ಪ್ರಕಟನೆ 16:6

ಅಯಿಂಗ ದೇವಡ ಮಕ್ಕಡ ಚೋರೆನ, ಪ್ರವಾದಿಯಡ ಚೋರೆನ ಚೆಲ್ಲ್‌ನಗುಂಡ್, ನೀನ್ ಅಯಿಂಗಕ್ ಕುಡಿಪಕಾಯಿತ್ ಚೋರೆನ ಕೊಡ್‍ತಿಯ; ಅದ್ಂಗ್ ಅಯಿಂಗ ಯೋಗ್ಯವಾಯಿತುಂಡ್‍ೕಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 17:6

ಆ ಪೊಣ್ಣಾಳ್ ದೇವಡ ಮಕ್ಕಡ ಚೋರೆನ, ಯೇಸುಕ್ ಸಾಕ್ಷಿ ಕೊಡ್‍ತ ಮಕ್ಕಡ ಚೋರೆನ ಕುಡಿಚ ಬೋಗತ್‍ಲ್ ಇಪ್ಪದ್‍ನ ಕಂಡಿಯೆ. ಅವಳ ಕಾಂಬಕ ನಾಕ್ ದುಂಬ ಆಶ್ಚರ್ಯ ಆಚಿ.

ಪ್ರಕಟನೆ 19:2

ತಾಂಡ ವ್ಯಬಿಚಾರತ್‍ರಗುಂಡ್ ಬೂಮಿನ ಪಾಳ್ ಮಾಡ್‍ನ, ಮಹಾ ವ್ಯಬಿಚಾರಿಕ್ ದೇವ ಶಿಕ್ಷೆ ಕೊಡ್‍ತತ್. ಅಂವೊಂಡ ಸೇವಕಂಗಡ ಚೋರೆಕಾಯಿತ್ ಅವಡ ಪಕ್ಕ ಅಂವೊ ಬದ್‍ಲ್ ಮಾಡ್‍ನಗುಂಡ್, ಅಂವೊಂಡ ನ್ಯಾಯತೀರ್ಪ್ ಸತ್ಯವಾನದು ನೀತಿಯುಳ್ಳದಾಯಿತು ಉಂಡ್.