ಪ್ರಕಟನೆ 18:2 - ಕೊಡವ ಬೈಬಲ್

² ಅಂವೊ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಂಡ್: ಮಹಾ ಬಾಬೇಲ್ ಬುದ್ದತ್! ಬುದ್ದತ್! ಅದ್ ಪಿಶಾಚಿ ವಾಸ ಮಾಡ್‌ವ ಜಾಗವು, ಎಲ್ಲಾ ತರತ್‍ರ ಕೂಳಿಯಡ ಮನೆಯ, ಅಶುದ್ದವು ಅಸಹ್ಯವು ಉಳ್ಳ ಎಲ್ಲಾ ತರ ಪಕ್ಷಿರ ಗೂಡು ಆಯಿತುಂಡ್.

ಪ್ರಕಟನೆ 18:2 ပူးပေါင်းရင်းမြစ်များ

ಪ್ರಕಟನೆ 1:15

ಅಂವೊಂಡ ಕಾಲ್‍ರ ಅಡಿ ಪಿಚ್ಚೋಳೆನ ತಿತ್ತ್‌ಲ್ ಇಡ್‍ವಕ ಪಳಪಳಾಂದ್ ಇಪ್ಪನೆಕೆ ಇಂಜತ್; ಅಂವೊಂಡ ಸ್ವರ ಒಕ್ಕಿಯಂಡ್ ಬಪ್ಪ ದುಂಬ ನೀರ್‌ರ ಸದ್ದ್‌ರನೆಕೆ ಇಂಜತ್.

ಪ್ರಕಟನೆ 10:3

ಸಿಂಹತ್‍ರ ಕೂಪಡೆನೆಕೆ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‍ತತ್. ಅಂವೊ ಅನ್ನನೆ ಕೂತ್‍ಕೊಡ್‍ಪಕಾಪಕ ಏಳ್ ಗುಡ್‍ಗ್ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‍ತತ್.

ಪ್ರಕಟನೆ 11:8

ಈ ಸಾಕ್ಷಿಯಡ ಚಾವ್ ತಡಿ, ಆ ಬಲ್ಯ ಪಟ್ಟಣತ್‍ರ ಬೀದಿಲ್ ಬುದ್ದಿತ್ ಇಪ್ಪ. ಆ ಪಟ್ಟಣಕ್ ಸೋದೋಮ್ಂದ್ ಪಿಂಞ ಐಗುಪ್ತಾಂದ್ ಒರ್ ಗುರ್‌ತಾಯಿತ್ ಎಣ್ಣುವ; ಇಲ್ಲಿಯೇ ನಂಗಡ ಒಡೆಯನ ಶಿಲುಬೇಲ್ ಇಟ್ಟತ್.

ಪ್ರಕಟನೆ 14:15

ಅಕ್ಕ ಇಂಞೊರ್ ದೇವದೂತ ದೇವಾಲಯತ್ಂಜ ಪೊರಟಿತ್ ಬಾತ್. ಅಂವೊ ಮೋಡತ್‍ಲ್ ಅಳ್‍ತಂಡಿಪ್ಪಂವೊನ ನೋಟಿತ್: ಕೊಯ್ಯುವ ಸಮಯ ಬಂದಗುಂಡ್ ನೀಡ ಕೊಯಿಕತ್ತಿನ ನ್‍ೕಟಿತ್ ಕೊಯಿಪಣಿ ಮಾಡ್‍ೕಂದ್ ಬಲ್ಯ ಸ್ವರತ್‍ಲ್ ಎಣ್ಣ್‌ಚಿ.

ಪ್ರಕಟನೆ 14:8

ದಂಡನೆರ ದೇವದೂತ ಪೋಯಿತ್: ಬಾಬೇಲ್ ಎಣ್ಣುವ ಬಲ್ಯ ಪಟ್ಟಣ ಬುದ್ದತ್! ಬುದ್ದತ್! ತಾಂಡ ವೇಶಿತನವಾಯಿತುಳ್ಳ ಗಟ್ಟಿಯಾನ ಕಳ್ಳ್‌ನ ಎಲ್ಲಾ ಜನಕ್ ಕುಡಿಪಕ್ ಕೊಡ್‍ತತ್ತಲ್ಲಾಂದ್ ಎಣ್ಣ್‌ಚಿ.

ಪ್ರಕಟನೆ 16:13

ಆ ಸಮಯತ್‍ಲ್, ಘಟಸರ್ಪತ್‍ರ ಬಾಯಿಂಜ, ಮೃಗತ್‍ರ ಬಾಯಿಂಜ, ಪಿಂಞ ಕಳ್ಳ ಪ್ರವಾದಿಯಡ ಬಾಯಿಂಜ ಕಪ್ಪೇರನೆಕೆ ಉಳ್ಳ ಮೂಂದ್ ಕೂಳಿಯ ಪೊರಟಿತ್ ಬಪ್ಪಾನ ಕಂಡಿಯೆ.

ಪ್ರಕಟನೆ 16:19

ಅಕ್ಕ, ಮಹಾ ಪಟ್ಟಣ ಮೂಂದ್ ಬಾಗವಾಯಿತ್ ಒಡಂದತ್, ದೇವಡ ಮಕ್ಕ ಅಲ್ಲತಯಿಂಗಡ ಪಟ್ಟಣವೆಲ್ಲ ಬುದ್ದತ್. ದೇವಡ ಬಲ್ಯ ಚೆಡಿರ ಕಳ್ಳ್ ದುಂಬ್‍ನ ಪಾತ್ರತ್‍ನ, ಮಹಾ ಬಾಬೆಲಂಗ್ ಕೊಡ್‍ಪಕ್ ದೇವಡ ಗೇನಕ್ ಕೊಂಡ್ ಬಾತ್.

ಪ್ರಕಟನೆ 17:18

ನೀನ್ ಕಂಡ ಆ ಪೊಣ್ಣಾಳ್ ಬೂಮಿಲ್ ಉಳ್ಳ ರಾಜಂಗಡ ಮೇಲೆ ರಾಜ್ಯಬಾರ ಮಾಡ್‌ವ ಬಲ್ಯ ಪಟ್ಟಣವೇಂದ್ ಎಣ್ಣ್‌ಚಿ.

ಪ್ರಕಟನೆ 17:5

ಅವಡ ನೆತ್ತಿರ ಮೇಲೆ, ಮರ್ಮ, ಮಹಾ ಬಾಬೇಲ್, ವೇಶಿಯಂಗಕ್ ಬೂಮಿಲ್ ಉಳ್ಳ ಅಶುದ್ದಕೆಲ್ಲ ಅವ್ವ ಎಣ್ಣುವ ಪೆದ ಒಳ್‍ದಿತ್ಂಜತ್.

ಪ್ರಕಟನೆ 18:10

ಅವಕ್ ಕ್‍ಟ್ಟ್‌ನ ಬಾದೆರಗುಂಡ್ ಬೊತ್ತಿತ್, ಎದೆ ಬಡ್‍ಚಂಡ್, ಅಯ್ಯೋ! ಅಯ್ಯೋ! ಎಣ್ಣಿಯಂಡ್, ಮಹಾ ಪಟ್ಟಣವಾನ ಬಾಬೆಲೇ, ಎಚ್ಚಕ್ ಬಲಶಾಲಿಯಾಯಿತ್ಂಜ, ಒರೇ ಗಳಿಗೆಲ್ ನೀಕ್ ಈ ನ್ಯಾಯತೀರ್ಪ್ ಬಾತಲ್ಲಾಂದ್ ಎಣ್ಣಿಯಂಡ್ ಇಪ್ಪ.

ಪ್ರಕಟನೆ 18:21

ಅಕ್ಕ, ಶಕ್ತಿವಂತ ದೂತ ಒಬ್ಬ ಒರ್ ಬಲ್ಯ ಬೀಜುವ ಕಲ್ಲ್‌ರನೆಕೆ ಉಳ್ಳ ಒರ್ ಕಲ್ಲ್‌ನ ಎಡ್‍ತಿತ್ ಸಮುದ್ರತ್‍ಲ್ ಚಾಡ್‍ಚಿ: ಇನ್ನನೆ ಬಾಬೇಲ್ ಎಣ್ಣುವ ಮಹಾ ಪಟ್ಟಣ ಬೆರಿಯ ಅಡಿಕ್ ಪೋಯಿರುವ, ಇಂಞು ಮಿಂಞಕ್ ದಾರೂ ಕಾಂಗತನೆಕೆ ಆಪಾಂದ್ ಎಣ್ಣ್‌ಚಿ.

ಪ್ರಕಟನೆ 5:2

ಪಿಂಞ, ಪುಸ್ತಕತ್‍ನ ತೊರ್‌ಪಕು ಅದ್ಂಡ ಮುದ್ರೆಯಳ ಪೊಳಿಪಕು ಯೋಗ್ಯವಾನಂವೊ ದಾರ್‍ೕಂದ್ ಬಲ್ಯ ಸದ್ದ್‌ಲ್ ಕೂತ್ ಕೊಡ್‍ತಂಡಿಂಜ ಒರ್ ಶಕ್ತಿವಂತಂವೊನಾನ ದೇವದೂತನ ಸಹ ನಾನ್ ಕಂಡಿಯೆ.