ಪ್ರಕಟನೆ 18:14 - ಕೊಡವ ಬೈಬಲ್

¹⁴ ನೀಡ ಆತ್ಮ ಕುಶಿಪಟ್ಟ ಪಣ್ಣ್ ಫಲ ನಿನ್ನ ಬುಟ್ಟಿತ್ ಪೋಚಿ; ನೀಡ ಸುಕ ಪಿಂಞ ಕೀರ್ತಿ ಎಲ್ಲಾ ನಿನ್ನ ಬುಟ್ಟಿತ್ ಪೋಚಿ; ಇಂಞು ಮಿಂಞಕ್ ಅದ್‍ನ ನೀನ್ ಕಾಂಬದೇ ಇಲ್ಲೆ.

ಪ್ರಕಟನೆ 18:14 ပူးပေါင်းရင်းမြစ်များ

ಮತ್ತಾಯ 11:8

ಇಲ್ಲತಪೋಚೇಂಗಿ, ಎಂತದ್‍ನ ನಿಂಗ ಕಾಂಬಕ್ ಪೋಯಿತ್ಂಜಿರ? ನಲ್ಲ ಚಾಯುಳ್ಳ ಬಟ್ಟೇನ ಇಟ್ಟಂಡುಳ್ಳ ಒರ್ ಮನುಷ್ಯನ ಕಾಂಬಕ್ ಪೋಯಿರ? ಚಾಯಿ ಬಟ್ಟೆ ಇಟ್ಟಯಿಂಗೆಲ್ಲ ಅರಮನೇಲ್ ವಾಸ ಮಾಡಿಯಂಡುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:20

ಆಚೇಂಗಿ ದೇವ ಅಂವೊಂಗ್: ಮುಠಾಳನೇ! ಈ ಬೈಟ್ ನೀನ್ ಚತ್ತ್ ಪೋಪಿಯ. ಅಕ್ಕ ನೀ ಕೂಟಿ ಬೆಚ್ಚದೆಲ್ಲ ದಾರ್‌ಕ್ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:25

ಅಕ್ಕ ಅಬ್ರಹಾಮ: ಮೋಂವೊನೇ, ನೀಕ್ ಬೋಂಡಿಯಾನ ಸುಕತ್‌ನ ನೀಡ ಜೀವಮಾನತ್‌ಲೆ ಅನುಬವಿಚಿಟ್ಟಿತ್ತುಳ್ಳಿಯ. ಅಕ್ಕ ಲಾಜರ ಕಷ್ಟಪಟ್ಟಂಡಿಂಜದ್‍ನ ನೀಕ್ ಗೇನ ಇಲ್ಲೆಯಾ? ಇಕ್ಕ ಲಾಜರಂಗ್ ಸುಕ, ನೀಕ್ ಕಷ್ಟ.

1 ಕೊರಿಂಥ 10:6

ಅಯಿಂಗ ಮಾಡ್‍ನನೆಕೆ ನಂಗಳು ಸಹ ಕೆಟ್ಟ ಕೆಲಸ ಮಾಡ್‌ವಕ್ ಕುಶಿಪಡತನೆಕೆ, ಇದೆಲ್ಲಾ ಒರ್ ಎಚ್ಚರವಾಯಿತ್ ನಂಗಕ್ ಉಂಡ್.

ಯಾಕೋಬ 4:2

ನಿಂಗಕ್ ಆಸೆ ಉಂಡೇಂಗಿಯು ನಿಂಗಕ್ ಕ್‌ಟ್ಟಿಯಂಡಿಲ್ಲೆ; ನಿಂಗ ಕೊಂದಿತು ಪಿಂಞ ಒಟ್ಟೆಕಿಚ್ಚ್ ಉಳ್ಳಯಿಂಗಳಾಯಿತ್ ಉಂಡೇಂಗಿಯು ನಿಂಗಕ್ ಬೋಂಡಿಯಾನದ್ ಕ್‌ಟ್ಟಿಯಂಡಿಲ್ಲೆ; ನಿಂಗ ಜಗಳ ಮಾಡ್‌ವಿರ, ಯುದ್ದವು ಮಾಡ್‌ವಿರ, ಆಚೇಂಗಿಯು ನಿಂಗ ದೇವಡ ಪಕ್ಕ ಕ್‍ೕಕತೆಗುಂಡ್ ನಿಂಗಕ್ ಅದ್ ಕ್‌ಟ್ಟಿಯಂಡಿಲ್ಲೆ.

ಪ್ರಕಟನೆ 18:13

ಏಲ, ಲವಂಗ ಪಟ್ಟೆ, ದೂಪ, ಸಾಂಬ್ರಾಣಿ, ತೈಲ, ಸುಗಂದ ವಾಸನೆರ ಸಾಂಬ್ರಾಣಿ, ದ್ರಾಕ್ಷಿರಸ, ಆಲಿವ್ ಎಣ್ಣೆ, ನಲ್ಲ ಒಂತ್‍ನ ಪೊಡಿ, ಗೋದಿ, ಅತ್ತ, ಆಡ್ ಪಿಂಞ ಕೊರಿ, ಕುದ್‌ರೆ, ರಥ, ಅಡಿಯಾಳ್‍ರ, ಮನುಷ್ಯಂಡ ಪ್ರಾಣ ಇದೆಲ್ಲಾ ಎಡ್‍ಪಯಿಂಗ ದಾರೂ ಇಲ್ಲತಗುಂಡ್ ಅವಕಾಯಿತ್ ಮೊರಟಂಡ್ ಗೋಳಾಡುವ.

ಪ್ರಕಟನೆ 18:15

ಇದ್‍ನೆಲ್ಲಾ ಬೆಚ್ಚಿತ್ ಅವಡ ಕೂಡೆ ವ್ಯಾಪಾರ ಮಾಡಿತ್ ಐಶ್ವರ್ಯವಂತಂಗಳಾನಯಿಂಗ ಅವಕ್ ಕ್‍ಟ್ಟ್‌ನ ಬಾದೇನ ಕಂಡಿತ್ ಪೋಡಿಯಾನಗುಂಡ್, ದೂರತ್‍ಲ್ ನಿಂದಂಡ್: