ಪ್ರಕಟನೆ 17:2 - ಕೊಡವ ಬೈಬಲ್

² ಅವಡ ಕೂಡೆ ಬೂಮಿರ ರಾಜಂಗ ವೇಶಿತನ ಮಾಡ್‍ಚಿ, ಲೋಕತ್‍ರ ಜನ ಅವಡ ವೇಶಿತನತ್‍ರ ಕಳ್ಳ್‌ನ ಕುಡಿಚಿತ್ ಕಳ್ಳ್‌ರ ಬೋಗತ್‍ಲ್ ಇಪ್ಪನೆಕೆ ಮಾಡ್‍ಚಿ.

ಪ್ರಕಟನೆ 17:2 ပူးပေါင်းရင်းမြစ်များ

ಯೋಹಾನ 2:10

ಏದ್ ಒಬ್ಬನು, ಚಾಯಿ ದ್ರಾಕ್ಷಿರಸತ್‍ನ ಆದ್ಯ ಕೊಡ್‌ತಿತ್, ಎಲ್ಲಾರು ಕುಡಿಚಿತ್ತಾನ ಪಿಂಞ, ರುಚಿ ಕಮ್ಮಿ ಉಳ್ಳದ್‍ನ ಬಯ್ಯ ಕೊಡ್‍ಪ. ಆಚೇಂಗಿ, ನೀನ್ ಚಾಯಿ ದ್ರಾಕ್ಷಿರಸತ್‍ನ ಇಲ್ಲಿಕತ್ತನೆ ಬೆಚ್ಚಿತುಳ್ಳಿಯಲ್ಲಾಂದ್ ಎಣ್ಣ್‌ಚಿ.

ಪ್ರಕಟನೆ 14:8

ದಂಡನೆರ ದೇವದೂತ ಪೋಯಿತ್: ಬಾಬೇಲ್ ಎಣ್ಣುವ ಬಲ್ಯ ಪಟ್ಟಣ ಬುದ್ದತ್! ಬುದ್ದತ್! ತಾಂಡ ವೇಶಿತನವಾಯಿತುಳ್ಳ ಗಟ್ಟಿಯಾನ ಕಳ್ಳ್‌ನ ಎಲ್ಲಾ ಜನಕ್ ಕುಡಿಪಕ್ ಕೊಡ್‍ತತ್ತಲ್ಲಾಂದ್ ಎಣ್ಣ್‌ಚಿ.

ಪ್ರಕಟನೆ 17:13

ಅಯಿಂಗ ಒರೇ ಮನಸ್ಸ್ ಉಳ್ಳಯಿಂಗಳಾಯಿತ್, ಅಯಿಂಗಡ ಶಕ್ತಿನ ಅದಿಕಾರತ್‍ನ ಆ ಮೃಗಕ್ ಕೊಡ್‍ಪ.

ಪ್ರಕಟನೆ 17:17

ದೇವ ತಾಂಡ ತಕ್ಕ್‌ನ ನೆರೆವೇರಿಚಿಡುವಕತ್ತನೆ, ಅಯಿಂಗಡ ಯೋಚನೆ ನೆರೆವೇರುವಕ್, ಒರೇ ಮನಸ್ಸ್ ಉಳ್ಳಯಿಂಗಳಾಯಿತ್, ಅಯಿಂಗಡ ರಾಜ್ಯತ್‍ನ ಮೃಗಕ್ ಕೊಡ್‍ಪಕಾಯಿತ್ ಅಯಿಂಗಡ ಹೃದಯತ್‍ನ ಒಂದ್ ಮಾಡ್‍ಚಿ.

ಪ್ರಕಟನೆ 17:5

ಅವಡ ನೆತ್ತಿರ ಮೇಲೆ, ಮರ್ಮ, ಮಹಾ ಬಾಬೇಲ್, ವೇಶಿಯಂಗಕ್ ಬೂಮಿಲ್ ಉಳ್ಳ ಅಶುದ್ದಕೆಲ್ಲ ಅವ್ವ ಎಣ್ಣುವ ಪೆದ ಒಳ್‍ದಿತ್ಂಜತ್.

ಪ್ರಕಟನೆ 17:8

ನೀನ್ ಕಂಡ ಮೃಗ ಮಿಂಞ ಇಂಜತ್, ಇಕ್ಕ ಇಲ್ಲೆ, ಅದ್ ಪಾತಾಳತ್ಂಜ ಕೊಡಿಕ್ ಪತ್ತಿತ್ ಬಂದಿತ್ ನಾಶ ಆಪ. ಲೋಕ ಸೃಷ್ಟಿ ಆನ ಕಾಲತ್ಂಜ ಜೀವ ಪುಸ್ತಕತ್‍ಲ್ ಪೆದ ಒಳ್‍ದತೆ ಬೂಮಿಲ್ ವಾಸ ಮಾಡಿಯಂಡ್ ಉಳ್ಳ ಜನ, ಮಿಂಞ ಇಂಜದು, ಇಕ್ಕ ಇಲ್ಲತೆ ಪೋನದು, ಇಂಞು ಮಿಂಞಕ್ ಇಪ್ಪ ಮೃಗತ್‍ನ ನೋಟಿತ್ ಆಶ್ಚರ್ಯಪಡುವ.

ಪ್ರಕಟನೆ 18:23

ಬೊಳ್‍ಚತ್‍ರ ಬೊಳಿ ನೀಡ ಪಕ್ಕ ಕಾಂಬುಲೆ; ಮಂಗಲಕಾರಂಡ ಮಂಗಲಕರ್ತಿರ ಸ್ವರ ಇಂಞು ಮಿಂಞಕ್ ನೀಡಲ್ಲಿ ಕ್‍ೕಪುಲೆ; ನೀಡ ವ್ಯಾಪಾರಿಯ ಬೂಮಿಲ್ ಬಲ್ಯ ಮನುಷ್ಯಂಗಳಾಯಿತ್ಂಜತಲ್ಲಾ? ನೀನ್ ಮಾಡ್‍ನ ಮಾಟತ್ಂಜ ಎಲ್ಲಾ ಜಾತಿಯಳು ಮೋಸ ಆಯಿಪೋಚಿ.

ಪ್ರಕಟನೆ 18:3

ಅವಡ ವೇಶಿತನತ್‍ರ ಬಲ್ಯ ಚೆಡಿರ ಕಳ್ಳ್‌ನ ಎಲ್ಲಾ ಜಾತಿಯಳು ಕುಡಿಚತ್; ಬೂಮಿರ ರಾಜಂಗ ಅವಡ ಕೂಡೆ ವೇಶಿತನ ಮಾಡ್‍ಚಿ; ಬೂಮಿರ ವ್ಯಾಪಾರಿಯಂಗ, ಅವಡ ದುಂಬ್‍ನ ಐಶ್ವರ್ಯತ್‍ರಗುಂಡ್ ಐಶ್ವರ್ಯವಂತಂಗಳಾಚೀಂದ್ ಎಣ್ಣ್‌ಚಿ.

ಪ್ರಕಟನೆ 18:9

ಅವಡ ಕೂಡೆ ವ್ಯಬಿಚಾರ ಮಾಡಿತ್, ಅವಡ ಐಶ್ವರ್ಯತ್‍ರ ಬಲ್ಯ ಕುಶೀಲ್ ಇಂಜ ಬೂಮಿರ ರಾಜಂಗ, ಅವ ತಿತ್ತ್‌ಲ್ ಬೆಂಜಂಡ್ ಉಳ್ಳ ಪೊಗೇ‍ನ ನೋಟಿತ್ ದೂರತ್‍ಲ್ ನಿಂದಿತ್ ಅಯಿಂಗ ಗೋಳಾಡಿಯಂಡ್,

ಪ್ರಕಟನೆ 2:22

ಇದಾ, ನಾನ್ ಅವಳ ಕಾಯಿಲೆಕಾರಳಾಯಿತ್ ಮಾಡ್‌ವಿ. ಅವಡ ಕೂಡೆ ವ್ಯಬಿಚಾರ ಮಾಡ್‌ವಯಿಂಗ ಅಯಿಂಗಡ ಕ್ರಿಯೇನ ಬುಟ್ಟಿತ್ ಪಶ್ಚಾತಾಪ ಪಡತೆ ಪೋನಕ, ಅಯಿಂಗಳ ಸಹ ದುಂಬ ಬಲ್ಯ ಕಷ್ಟತ್‍ಲ್ ಇಡ್‌ವಿ.

ಪ್ರಕಟನೆ 3:10

ನಾನ್ ಎಣ್ಣ್‌ನ ಆಜ್ಞೇರಗುಂಡ್ ಬಂದ ಕಷ್ಟತ್‍ನ ಪೊರುಮೇಲ್ ಸಹಿಸಿಯಂಡ್ ಕಾಪಾಡಿತುಳ್ಳಿಯ. ಆನಗುಂಡ್, ಈ ಲೋಕತ್‍ಲ್ ವಾಸಮಾಡಿಯಂಡುಳ್ಳಯಿಂಗಳ ಸೋದನೆ ಮಾಡ್‌ವಕಾಯಿತ್ ಈ ಬೂಮಿಲ್ ಎಲ್ಲಾ ಜಾಗತ್‍ಲು ಬಪ್ಪಕುಳ್ಳ ಸೋದನೆರ ಕಾಲತ್‍ಲ್ ನಾನ್ ನಿನ್ನ ಕಾಪಾಡ್‍ವಿ.

ಪ್ರಕಟನೆ 9:21

ಅದಲ್ಲತೆ, ಅಯಿಂಗ ಮಾಡಿಯಂಡ್ ಇಂಜ ಕೊಲೆ, ಮಾಟಮಂತ್ರ, ವೇಶಿತನ, ಕಳ್ಳತನ ಇನ್ನತಾನ ಬುಟ್ಟಿತ್ ಸಹ ಪಶ್ಚಾತಾಪ ಪಟ್ಟಿತ್‌ಲ್ಲೆ.