ಪ್ರಕಟನೆ 17:16 - ಕೊಡವ ಬೈಬಲ್

¹⁶ ಆ ಮೃಗತ್‍ರ ಮೇಲೆ ನೀನ್ ನೋಟ್‌ನ ಪತ್ತ್ ಕೊಂಬ್‍ರಯಿಂಗ ಆ ವೇಶಿನ ವಿರೋದ ಮಾಡಿತ್, ಪಾಳ್ ಮಾಡಿತ್, ಅವಳ ಬೆತ್ತಲೆ ಮಾಡಿತ್, ಅವಡ ಯರ್ಚಿನ ತಿಂದಿತ್, ಅವಳ ತಿತ್ತ್‌ಲ್ ಚುಟ್ಟ್‌ರ್‍ವ.

ಪ್ರಕಟನೆ 17:16 ပူးပေါင်းရင်းမြစ်များ

ಪ್ರಕಟನೆ 12:3

ಅಕ್ಕ, ಬಾನತ್‍ಲ್ ಇಂಞೊರ್ ಗುರ್‍ತ್‍ನ ಕಾಂಬಕಾಚಿ; ಅದ್ ಚೋಂದಿತ್ ಇಂಜ ಬಲ್ಯ ಘಟಸರ್ಪವಾಯಿತ್ಂಜತ್. ಅದ್ಂಗ್ ಏಳ್ ಮಂಡೆ, ಪತ್ತ್ ಕೊಂಬ್ ಪಿಂಞ ಅದ್ಂಡ ಮಂಡೆರ ಮೇಲೆ ಏಳ್ ಕಿರೀಟ ಇಂಜತ್.

ಪ್ರಕಟನೆ 16:12

ಆರನೆ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಯೂಫ್ರೇಟೀಸ್ ಎಣ್ಣುವ ಬಲ್ಯ ಪೊಳೆರ ಮೇಲೆ ಬೂಕ್‍ಚಿ. ಅಕ್ಕ ಕ್‍ೕಕ್ ದಿಕ್ಕ್‌ಂಜ ಬಪ್ಪ ರಾಜಂಗಕ್ ಬಟ್ಟೆ ತಯಾರಾಪನೆಕೆ ಪೊಳೇಲ್ ಇಂಜ ನೀರ್ ಬತ್ತಿ ಪೋಚಿ.

ಪ್ರಕಟನೆ 17:10

ಅದ್ ಏಳ್ ರಾಜಂಗಳ ಕಾಟ್‍ವ; ಅದ್‍ಲ್ ಅಂಜ್ ಜನ ಬುದ್ದ್ ಪೋಚಿ, ಒಬ್ಬ ಮಾತ್ರ ಉಂಡ್. ಇಂಞೊಬ್ಬ ಇಂಞು ಬಂದಿತ್‌ಲ್ಲೆ; ಅಂವೊ ಬಂದ ಪಿಂಞ ಚೆನ್ನ ಕಾಲ ಸ್ತಿರವಾಯಿತ್ ಇಕ್ಕಂಡು.

ಪ್ರಕಟನೆ 18:19

ಅಯಿಂಗ ದುಃಖತ್‍ಲ್ ಅಯಿಂಗಡ ಮಂಡೆರ ಮೇಲೆ ಮಣ್ಣ್‌ನ ಇಟ್ಟಂಡ್, ಅಯ್ಯೋ! ಅಯ್ಯೋ! ಮಹಾ ಪಟ್ಟಣವೇ, ಸಮುದ್ರತ್‍ಲ್ ಕಪ್ಪಲ್ ಉಳ್ಳಯಿಂಗೆಲ್ಲ, ಇವಡ ಬೆಲೆಯುಳ್ಳ ವಸ್ತುರಗುಂಡ್ ಐಶ್ವರ್ಯವಂತಂಗಳಾಚಲ್ಲ! ಒರೇ ಗಳಿಗೆಲ್ ಅವ ಪಾಳಾಯಿರ್‌ತಲ್ಲಾಂದ್ ಎಣ್ಣಿಯಂಡ್ ಗೋಳಾಡಿಯಂಡ್ ಮೊರಟಂಡ್ ಇಪ್ಪ.

ಪ್ರಕಟನೆ 18:8

ಆಚೇಂಗಿ ಅವಕ್ ಬಪ್ಪ ಬಾದೆಯಾನ ಚಾವ್, ದುಃಖ, ಬರಗಾಲ ಎಣ್ಣುವಂತ ಕಷ್ಟ ಒರೇ ದಿವಸತ್‍ಲ್ ಬಪ್ಪ; ಅವ ತಿತ್ತ್‌ಲ್ ಚುಟ್ಟ್ ಪೋಪ, ಅವಕ್ ನ್ಯಾಯತೀರ್ಪ್ ಕೊಡ್‍ಪ ಒಡೆಯನಾನ ದೇವ ಶಕ್ತಿವಂತಂವೊ.

ಪ್ರಕಟನೆ 19:18

ನಿಂಗ, ರಾಜಂಗಡ ಯರ್ಚಿನ, ಸೇನಾದಿಪತಿಯಂಗಡ ಯರ್ಚಿನ, ಶಕ್ತಿವಂತಯಿಂಗಡ ಯರ್ಚಿನ, ಕುದ್‍ರೆರ ಯರ್ಚಿನ, ಅದ್ಂಡಮೇಲೆ ಅಳ್‌ತಂಡುಳ್ಳಯಿಂಗಡ ಯರ್ಚಿನ, ಸ್ವಾತಂತ್ರವಾನಯಿಂಗ, ಅಡಿಯಾಳ್‍ವ, ಚೆರಿಯಯಿಂಗ, ಬಲ್ಯಯಿಂಗ ಈಂಗಡ ಯರ್ಚಿನ ತಿಂಬಕಾಯಿತ್, ಮಹಾ ದೇವ ತಪ್ಪ ಗದ್ದಾಳಕ್ ಕೂಡಿತ್ ಬಾರೀಂದ್ ಬಲ್ಯ ಸದ್ದ್‌ಲ್ ಕೂತ್ ಕೊಡ್‍ತತ್.