ಪ್ರಕಟನೆ 16:14 - ಕೊಡವ ಬೈಬಲ್

¹⁴ ಅಯಿಂಗ ಅದ್ಬುದ ಮಾಡ್‌ವ ಕೂಳಿಯಂಗ; ಬೂಲೋಕತ್‍ಲ್ ಉಳ್ಳ ರಾಜಂಗಡ ಪಕ್ಕ ಪೋಯಿತ್ ಸರ್ವ ಶಕ್ತನಾಯಿತ್ ಉಳ್ಳ ದೇವಡ ಮಹಾ ದಿವಸತ್‍ಲ್ ಆಪ ಯುದ್ದಕ್ ಅಯಿಂಗಳ ಕೂಟ್‍ವಕಾಯಿತ್ ಪೊರಟಿತ್ ಪೋಚಿ.

ಪ್ರಕಟನೆ 16:14 ပူးပေါင်းရင်းမြစ်များ

ಮತ್ತಾಯ 24:14

ದೇವಡ ರಾಜ್ಯತ್‍ರ ಈ ನಲ್ಲ ಸುದ್ದಿ ಎಲ್ಲಾ ಜನಕು ಸಾಕ್ಷಿಯಾಯಿತ್ ಪ್ರಚಾರ ಆಯಿತ್‌ಪ್ಪ. ಅಕ್ಕ ಅಂತ್ಯ ಬಪ್ಪ.

ಮತ್ತಾಯ 24:24

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಬಂದಿತ್, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡ್‌ವನೆಕೆ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ಮಾರ್ಕ 13:22

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಉದಿಚಿ, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡಿತ್ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:1

ಆ ಸಮಯತ್‍ಲ್ ಕೈಸರನಾನ ಔಗುಸ್ತ ರೋಮ್ ದೇಶತ್‍ಲ್ ಜನಸಂಖ್ಯೆ ಕಣಕ್ ಎಡ್‍ಪಕ ಎಲ್ಲಾಡ ಪೆದತ್‍ರ ಲೆಕ್ಕ ಕೊಡ್‍ಪಕ್ ಆಜ್ಞೆ ಮಾಡ್‍ಚಿ.

ಯೋಹಾನ 8:44

ನಿಂಗ ನಿಂಗಡ ಅಪ್ಪನಾನ ಸೈತಾನಂಡ ಮಕ್ಕಳಾಯಿತುಳ್ಳಿರ; ನಿಂಗಡ ಅಪ್ಪಂಡ ಇಚ್ಛೆರ ಪ್ರಕಾರ ನಿಂಗ ಮಾಡ್‌ವಿರ; ನಿಂಗಡ ಅಪ್ಪನಾನ ಸೈತಾನ ಪಂಡಿಂಜೇ ಕೊಲ್ಲ್‌ವಂವೊನಾಯಿತುಂಡ್; ಅಂವೊಂಡ ಪಕ್ಕ ಸತ್ಯ ಇಲ್ಲತಗುಂಡ್, ಅಂವೊ ಸತ್ಯತ್‍ಲ್ ನಿಂದಿತ್‌ಲ್ಲೆ. ಅಂವೊ ಪೊಟ್ಟ್ ಪರಿಯುವಂವೊನು, ಎಲ್ಲಾ ಪೊಟ್ಟ್‌ಕ್ ಅಪ್ಪನಾಯಿತು ಉಂಡ್. ಅಂವೊ ಪೊಟ್ಟ್ ಪರಿಯುವಕ, ತಾಂಡ ಸ್ವಂತ ಗುಣತ್ಂಜ ಪೊಟ್ಟ್ ಪರ್ಂದಂಡುಂಡ್.

ರೋಮ್ 1:8

ಆದ್ಯವಾಯಿತ್, ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೆ, ಲೋಕತ್‍ರ ಎಲ್ಲಾ ಜಾಗತ್‍ಲ್ ಗೊತ್ತಾನಗುಂಡ್, ನಿಂಗ ಎಲ್ಲಾರ್‍ಕಾಯಿತ್ ನಾನ್ ಯೇಸು ಕ್ರಿಸ್ತಂಡ ಮೂಲಕ ದೇವಕ್ ವಂದನೆ ಎಣ್ಣ್‌ವಿ.

2 ಥೆಸಲೊನೀಕ 2:9

ಆ ಬಲ್ಯ ದುಷ್ಟ ಮನುಷ್ಯ ಪೊರಮೆ ಬಪ್ಪಕ, ಸೈತಾನಂಡ ಎಲ್ಲಾ ಶಕ್ತಿನ ಕೊಂಡ್ ಬಪ್ಪ. ನಾನಾ ತರತ್‍ರ ಅದ್ಬುತ, ಆಶ್ಚರ್ಯ ಕಾರ್ಯತ್‍ನ ಪಿಂಞ ಗುರ್‍ತ್‍ನ ದೇವ ಮಾಡ್‌ವನೆಕೆ ಅಂವೊನು ಮಾಡ್‌ವ, ಆಚೇಂಗಿ ಅದ್ ದೇವಡಯಿಂಜ ಬಪ್ಪದಲ್ಲ.

1 ತಿಮೊಥೆಯ 4:1

ಪವಿತ್ರಾತ್ಮ ಚಾಯಿತೆ ಎಣ್ಣ್‌ವನೆಕೆ, ಬಪ್ಪ ಕಾಲತ್‍ಲ್ ಚೆನ್ನ ಜನ ವಂಚನೆ ಮಾಡ್‌ವ ಆತ್ಮತ್‌ನ ನಂಬಿತ್, ಕೂಳಿಯಡ ಬೋದನೆಕ್ ಕೆಮಿ ಕೊಡ್‌ತಿತ್, ಸತ್ಯತ್‍ರ ನಂಬಿಕೇನ ಬುಟ್ಟಿತ್ ಪೋಪ.

ಯಾಕೋಬ 3:15

ಅಂತ ಬುದ್ದಿವಂತಿಗೆ ಪರಲೋಕತ್ಂಜ ಬಪ್ಪದ್ ಅಲ್ಲ, ಅದ್ ಬೂಲೋಕಕ್ ಕೂಡ್‍ನದ್, ಆತ್ಮೀಯವಾನದಲ್ಲತದ್ ಪಿಂಞ ಕೂಳಿಯಡದ್.

1 ಯೋಹಾನ 5:19

ಇಡಿ ಲೋಕ ಸೈತಾನಂಡ ಕೈಯಿಲ್ ಉಂಡೇಂಗಿಯು, ನಂಗೆಲ್ಲಾ ದೇವಕ್ ಕೂಡ್‍ನಯಿಂಗಾಂದ್ ನಂಗಕ್ ಗೊತ್ತುಂಡ್.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 13:3

ಅದ್ಂಡ ಏಳ್ ಮಂಡೆಲ್ ಒರ್ ಮಂಡೆಕ್ ಗಾಯ ಆಯಿತ್ ಚಾವನೆಕೆ ಇಂಜತ್; ಆಚೇಂಗಿಯು, ಚಾವನೆಕೆ ಇಂಜ ಆ ಗಾಯ ವಾಸಿ ಆಚಿ. ಬೂಲೋಕತ್‍ಲ್ ಉಳ್ಳಯಿಂಗ ಎಲ್ಲಾರು ಈ ಮೃಗತ್‍ನ ಆಶ್ಚರ್ಯತ್‍ಲ್ ನೋಟ್‌ಚಿ.

ಪ್ರಕಟನೆ 16:16

ಆ ಕೂಳಿಯ, ರಾಜಂಗಳ ಎಲ್ಲಾ ಕೂಟಿಯಂಡ್, ಇಬ್ರಿಯ ತಕ್ಕ್‌ಲ್ ಹರ್ಮಗೆದೋನ್ ಎಣ್ಣುವ ಜಾಗಕ್ ಕಾಕಿಯಂಡ್ ಪೋಚಿ.

ಪ್ರಕಟನೆ 16:7

ಬಲಿಪೀಠತ್‍ಲ್ ಇಂಜ ಬೋರೆ ಒಬ್ಬ: ಅಕ್ಕು, ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವಾದಿ ದೇವನೇ, ನೀಡ ನ್ಯಾಯತೀರ್ಪ್ ಸತ್ಯವು ನೀತಿವಂತದೂಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 17:14

ಈಂಗ ಕೊರಿಕುಟ್ಟಿಯಾನವೊಂಡ ಕೂಡೆ ಯುದ್ದ ಮಾಡ್‌ವ. ಆಚೇಂಗಿ ಅಂವೊ ದೇವಾದಿ ದೇವನು ರಾಜಾದಿ ರಾಜನು ಆನಗುಂಡ್ ಅಯಿಂಗಳ ಗೆಲ್ಲುವ; ಅಂವೊಂಡ ಕೂಡೆ ಉಳ್ಳಯಿಂಗಳ, ಅಂವೊ ಕಾಕ್‌ನಯಿಂಗಾಂದು, ಗೊತ್ತ್ ಮಾಡ್‍ನಯಿಂಗಾಂದು, ನಂಬಿಕಸ್ತಂಗಾಂದು ಎಣ್ಣುವಾಂದು ಎಣ್ಣ್‌ಚಿ.

ಪ್ರಕಟನೆ 20:8

ಅಕ್ಕ, ಅಂವೊ ಪೊರಮೆ ಬಂದಿತ್, ಬೂಮಿರ ನಾಲ್ ದಿಕ್ಕ್‌ಲ್ ಉಳ್ಳ ಗೋಗ್ ಮಾಗೋ‍ಗ್ ಎಣ್ಣುವ ಜನಳ ಮೋಸ ಮಾಡ್‌ವಕಾಯಿತ್ ಮರ್‍ಳ್ ಮಾಡಿತ್, ಅಯಿಂಗಳ ಯುದ್ದಕ್ ಪೋಪನೆಕೆ ಮಾಡ್‌ವಕ್ ಪೊರಟಿತ್ ಪೋಪ; ಅಯಿಂಗಡ ಲೆಕ್ಕ ಸಮುದ್ರತ್‍ರ ಮಣರಚ್ಚಕ್ ಇಪ್ಪ.

ಪ್ರಕಟನೆ 3:10

ನಾನ್ ಎಣ್ಣ್‌ನ ಆಜ್ಞೇರಗುಂಡ್ ಬಂದ ಕಷ್ಟತ್‍ನ ಪೊರುಮೇಲ್ ಸಹಿಸಿಯಂಡ್ ಕಾಪಾಡಿತುಳ್ಳಿಯ. ಆನಗುಂಡ್, ಈ ಲೋಕತ್‍ಲ್ ವಾಸಮಾಡಿಯಂಡುಳ್ಳಯಿಂಗಳ ಸೋದನೆ ಮಾಡ್‌ವಕಾಯಿತ್ ಈ ಬೂಮಿಲ್ ಎಲ್ಲಾ ಜಾಗತ್‍ಲು ಬಪ್ಪಕುಳ್ಳ ಸೋದನೆರ ಕಾಲತ್‍ಲ್ ನಾನ್ ನಿನ್ನ ಕಾಪಾಡ್‍ವಿ.

ಪ್ರಕಟನೆ 6:17

ಅಂವೊಂಡ ಬಲ್ಯ ಚೆಡಿರ ಬಲ್ಯ ದಿವಸ ಬಾತ್, ದಾರ್‌ಕ್ ನಿಪ್ಪಕ್ ಕಯ್ಯೂಂದ್ ಎಣ್ಣ್‌ಚಿ.