ಪ್ರಕಟನೆ 16:11 - ಕೊಡವ ಬೈಬಲ್

¹¹ ಅಯಿಂಗ ಕಷ್ಟತ್‍ರಗುಂಡ್ ನಾವ್‌ನ ಕಡಿಚಂಡ್, ಅಯಿಂಗಡ ಪುಣ್ಣ್‌ರ ನೊಂಬಲತ್‍ರಗುಂಡ್ ಅಯಿಂಗಕ್ ಆನ ಕಷ್ಟತ್‍ಲ್, ಪರಲೋಕತ್‍ರ ದೇವನ ದೂಷಣೆ ಮಾಡಿಯಂಡ್ ಇಂಜದಲ್ಲತೆ, ಅಯಿಂಗಡ ಕ್ರಿಯೇನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್‌ಲ್ಲೆ.

ಪ್ರಕಟನೆ 16:11 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:9

ಅದ್‌ಂಗ್‌ ಅಂವೊ: ನಾನ್‌ ಇಬ್ರಿಯ ದೇಶಕ್‌ ಕೂಡ್‌ನಂವೊ. ಕಡಲ್‌ ಪಿಂಞ ಬೂಮಿನ ಸೃಷ್ಟಿ ಮಾಡ್‌ನ ಪರಲೋಕತ್‌ರ ದೇವನಾನ ಯೆಹೋವಂಡ ಬಕ್ತಾಂದ್‌ ಎಣ್ಣ್‌ಚಿ.

2 ತಿಮೊಥೆಯ 3:13

ಆಚೇಂಗಿ, ದುಷ್ಟಂಗ ಪಿಂಞ ವಂಚಕಂಗ, ಮೋಸ ಮಾಡಿಯಂಡ್, ಅಯಿಂಗಳು ಮೋಸ ಪೋಯಂಡ್, ಇಕ್ಕ ಉಳ್ಳ ಸ್ತತಿಯಿಂಜ ಇಂಞು ಪಾಳಾಯಿ ಪೋಪ.

ಪ್ರಕಟನೆ 11:13

ಅದೇ ಸಮಯತ್‍ಲ್ ಬಲ್ಯ ಬೂಕಂಪ ಆಚಿ. ಅಕ್ಕಣೆಕ್ ಆ ಪಟ್ಟಣತ್‍ರ ಪತ್ತ್ ಬಾಗತ್‍ಲ್ ಒರ್ ಬಾಗ ಪೊಳಿಂಜ್ ಬುದ್ದ್ ಪೋಚಿ; ಏಳ್ ಆಯಿರ ಜನ ಚತ್ತ್ ಪೋಚಿ, ಬಾಕಿ ಜನಕ್ ಬಲ್ಯ ಪೋಡಿಯಾಯಿತ್ ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆ ಕೊಡ್‍ತತ್.

ಪ್ರಕಟನೆ 16:2

ಮೊದಲನೆ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಬೂಮಿರ ಮೇಲೆ ಬೂಕ್‍ಚಿ. ಅಕ್ಕ ಮೃಗತ್‍ರ ಮುದ್ರೆನ ಇಟ್ಟಯಿಂಗಳು ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‌ವಯಿಂಗಳು ಆನ ಮನುಷ್ಯಂಗಡ ಮೇಲ್‌ಲ್ ಬಯಂಕರವಾನ ಬಲ್ಯ ನೊಂಬಲ ತಪ್ಪ ಪುಣ್ಣ್ ಉಂಟಾಚಿ.

ಪ್ರಕಟನೆ 16:21

ಬಾನತ್ಂಜ ಮನುಷ್ಯಂಗಡ ಮೇಲೆ ಬಲ್ಯ ಬಲ್ಯ ಆಲಿಕಾಯಿ ಮಳೆ ಪೊಜ್ಜತ್. ಆ ಆಲಿಕಾಯಿರ ತೂಕ ಸುಮಾರ್ ನಾಪತ ಅಂಜ್ ಕಿಲೋಕ್ ಜಾಸ್ತಿಯಾಯಿತ್ ಇಂಜತ್. ಆ ಆಲಿಕಾಯಿರ ಮಳೇರಗುಂಡ್ ಆನ ಬಾದೆ ದುಂಬ ಬಯಂಕರವಾಯಿತ್ಂಜಗುಂಡ್ ಮನುಷ್ಯಂಗ ದೇವಕ್ ದೂಷಣೆ ಎಣ್ಣ್‌ಚಿ.

ಪ್ರಕಟನೆ 16:9

ಅಕ್ಕ ಮನುಷ್ಯಂಗ ಬಲ್ಯ ಉರಿಲ್ ಬೆಂಜಿಪೋಪನೆಕೆ ಇಂಜತೇಂಗಿಯು, ಈ ತರ ಬಾದೇನ ಮಾಡ್‌ವಕ್ ಅದಿಕಾರ ಉಳ್ಳ ದೇವಡ ಪೆದಕ್ ದೂಷಣೆ ಎಣ್ಣ್‌ನದಲ್ಲತೆ, ಅಂವೊಂಗ್ ಮಹಿಮೆ ಕೊಡ್‍ಪನೆಕೆ ಪಶ್ಚಾತಾಪ ಪಟ್ಟಿತ್‌ಲ್ಲೆ.

ಪ್ರಕಟನೆ 2:21

ಅವ ಪಶ್ಚಾತಾಪ ಪಟ್ಟಿತ್ ಮನಸ್ಸ್ ತಿರ್‌ಗ್‌ವಕ್ ನಾನ್ ಅವಕ್ ಅವಕಾಶ ಕೊಡ್‌ತಿಯೆ; ಆಚೇಂಗಿ, ತಾಂಡ ವ್ಯಬಿಚಾರತ್‍ನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್ ಮನಸ್ಸ್ ತಿರ್‌ಗ್‌ವಕ್ ಅವಕ್ ಕುಶಿಯಿಲ್ಲೆ.