ಪ್ರಕಟನೆ 15:2 - ಕೊಡವ ಬೈಬಲ್

² ತಿತ್ತ್ ಕಲ್‌ಕ್‌ನ ಗಾಜಿರ ಕಡಲ್‍ರನೆಕೆ ಇಂಜ ಒರ್ ಕಡಲ್‍ನ ನಾನ್ ಕಂಡಿಯೆ. ಮೃಗತ್‍ನ ಅದ್ಂಡ ವಿಗ್ರಹತ್‍ನ, ಅದ್ಂಡ ಮುದ್ರೆನೆ ಪಿಂಞ ಅಂವೊಂಡ ಪೆದತ್‍ರ ಲೆಕ್ಕಕ್ ಬಗ್ಗತೆ ಗೆದ್ದಯಿಂಗ ದೇವಡ ವೀಣೇನ ಕೈಯಿಲ್ ಪುಡ್‍ಚಂಡ್ ಗಾಜಿರ ಸಮುದ್ರತ್‍ರ ಪಕ್ಕ ನಿಂದಂಡ್ ಇಪ್ಪಾನ ಕಂಡಿಯೆ.

ಪ್ರಕಟನೆ 15:2 ပူးပေါင်းရင်းမြစ်များ

ಮತ್ತಾಯ 3:11

ನಿಂಗಡ ಮನಸ್ಸ್ ದೇವಡಲ್ಲಿಕ್ ತಿರ್‍ಗ್‍ಚೀಂದ್ ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ತಪ್ಪಿ. ಆಚೇಂಗಿ ನಾಕ್ ಬಯ್ಯ ಒಬ್ಬ ಬಪ್ಪ, ಅಂವೊ ನಾಕಿಂಜ ಶಕ್ತಿವಂತಂವೊ. ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೆ. ಅಂವೊ ನಿಂಗಳ ಪವಿತ್ರಾತ್ಮತ್‍ಲ್ ಪಿಂಞ ತಿತ್ತ್‌ಲ್ ದೀಕ್ಷಾಸ್ನಾನ ಮಾಡ್‌ವ.

1 ಪೇತ್ರ 1:7

ಪಾಳಾಯಿ ಪೋಪ ಪೊನ್ನ್‌ನ ತಿತ್ತ್‌ರಗುಂಡ್ ಸೋದನೆ ಮಾಡ್‌ವ; ಆಚೇಂಗಿ, ಅದ್ಂಗಿಂಜ ಬಲ್ಯ ಬೆಲೆಯುಳ್ಳ ನಿಂಗಡ ನಂಬಿಕೆ ಈ ಕಷ್ಟತ್‍ರಗುಂಡ್ ಸೋದನೆಕ್ ಒಳಪಟ್ಟಿತ್, ನೇರಾನದ್‍ೕಂದ್‌ ಗೊತ್ತಾಪಗುಂಡ್, ಯೇಸು ಕ್ರಿಸ್ತ ಬಪ್ಪಕ, ಅದ್ ನಿಂಗಕ್ ಕೀರ್ತಿಯಾಯಿತ್, ಗನವಾಯಿತ್ ಪಿಂಞ ಮಹಿಮೆಯಾಯಿತ್ ಕ್‍ಟ್ಟುವನೆಕೆ ಆಪ.

1 ಪೇತ್ರ 4:12

ನಾಡ ಪ್ರೀತಿರ ಜನಳೇ, ನಿಂಗಕ್ ಎಂತ ಆಯಂಡುಂಡ್‍ೕಂದ್ ಗೇನ ಮಾಡಿಯಂಡ್, ನಿಂಗಡ ಮದ್ಯತ್‍ಲ್ ಆಯಂಡುಳ್ಳ ಕಷ್ಟತ್‍ನ ನೋಟಿತ್, ನಿಂಗ ಬೇಜಾರ್ ಮಾಡತಿ.

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.

ಪ್ರಕಟನೆ 13:1

ಪಿಂಞ ಸಮುದ್ರತ್‍ಂಜ ಒರ್ ಮೃಗ ಪೊರಮೆ ಪತ್ತಿತ್ ಬಪ್ಪದ್‍ನ ನೋಟಿಯೆ; ಆ ಮೃಗಕ್ ಏಳ್ ಮಂಡೆ, ಪತ್ತ್ ಕೊಂಬ್ ಇಂಜತ್. ಆ ಪತ್ತ್ ಕೊಂಬ್‍ರ ಮೇಲೆ ಪತ್ತ್ ಕಿರೀಟ ಇಂಜತ್. ಓರೋರ್ ಮಂಡೆರ ಮೇಲೆಯು ದೂಷಣೆ ಎಣ್ಣುವ ಪೆದ ಇಂಜತ್.

ಪ್ರಕಟನೆ 13:14

ಮಿಂಞತ್‍ರ ಮೃಗತ್‍ರ ಎದ್‍ಕೆ ಗುರ್‌ತ್ ಕಾರ್ಯ ಕಾಂಬ್‍ಚಿಡುವಕ್ ತಾಂಗ್ ಕ್‍ಟ್ಟ್‌ನ ಅದಿಕಾರತ್‍ರಗುಂಡ್, ಬೂಲೋಕತ್‍ಲ್ ಉಳ್ಳ ಜನಳ ಮೋಸ ಮಾಡಿತ್, ಚತ್ತ್ ಪೋಪನೆಕೆ ಗಾಯ ಆಯಿತ್ ವಾಸಿಯಾನ ಮೃಗಕ್ ಒರ್ ವಿಗ್ರಹತ್‍ನ ಮಾಡಂಡೂಂದ್ ಬೂಮಿಲ್ ವಾಸಮಾಡಿಯಂಡುಳ್ಳಯಿಂಗಕ್ ಎಣ್ಣ್‌ಚಿ.

ಪ್ರಕಟನೆ 13:17

ಆ ಮೃಗತ್‍ರ ಮುದ್ರೆ ಇಲ್ಲತಪೋಚೇಂಗಿ, ಅದ್ಂಡ ಪೆದತ್‍ರ ಲೆಕ್ಕ ಕ್‍ಟ್ಟನಯಿಂಗಳ ಬುಟ್ಟಿತ್, ಬೋರೆ ದಾರ್‌ಕು ಎಡ್‍ಪಕು, ಮಾರ್‍ವಕೂ ಕಯ್ಯತನೆಕೆ ಮಾಡ್‍ಚಿ.

ಪ್ರಕಟನೆ 21:18

ಅಲ್ಲಿಯತ್‍ರ ಗೋಡೆ ಸೂರ್ಯಕಾಂತ ಕಲ್ಲ್‌ಲ್ ಕೆಟ್ಟಿತ್ಂಜತ್. ಆ ಪಟ್ಟಣ ತೆಳ್ಂಗ್‍ನ ಗಾಜಿಕ್ ತಕ್ಕಂತ ಶುದ್ದವಾನ ಪೊನ್ನಾಯಿತ್ಂಜತ್.

ಪ್ರಕಟನೆ 4:6

ಆ ಸಿಂಹಾಸನತ್‍ರ ಮಿಂಞ ಶುದ್ದವಾನ ಪಾಕಲ್ಲ್‌ರನೆಕೆ ಗಾಜಿರ ಕಡಲ್ ಇಂಜತ್. ಸಿಂಹಾಸನತ್‍ರ ಮದ್ಯತ್‍ಲ್ ಪಿಂಞ ಸಿಂಹಾಸನತ್‍ರ ಸುತ್ತ್‌ಲ್ ನಾಲ್ ಜೀವ ಪ್ರಾಣಿಯ ಇಂಜತ್; ಜೀವ ಪ್ರಾಣಿಯಕ್ ಮಿಂಞಕು ಬಯ್ಯಕು ಪೂರ್ತಿ ಕಣ್ಣ್ ದುಂಬಿತ್ಂಜತ್.

ಪ್ರಕಟನೆ 5:8

ಆ ಪುಸ್ತಕತ್‍ನ ಅಂವೊ ಎಡ್‍ಪಕ, ನಾಲ್ ಜೀವ ಪ್ರಾಣಿಯಳು, ಇರುವತ ನಾಲ್ ಪೆರಿಯಯಿಂಗಳು, ಕೊರಿಕುಟ್ಟಿರ ಮಿಂಞಕ್ ಅಡ್ಡ ಬುದ್ದತ್. ಅಯಿಂಗ ಒಬ್ಬೊಬ್ಬನು ಅಯಿಂಗಯಿಂಗಡ ವೀಣೇನ ಪಿಂಞ ದೇವಡ ಮಕ್ಕಡ ಪ್ರಾರ್ಥನೆಯಾಯಿತುಳ್ಳ ಸುಗಂದ ದೂಪತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ಪುಡ್‍ಚಂಡ್ ಅಯಿಂಗ: