ಪ್ರಕಟನೆ 14:7 - ಕೊಡವ ಬೈಬಲ್

⁷ ಅಂವೊ: ನಿಂಗೆಲ್ಲಾರು ದೇವಕ್ ಬೊತ್ತಿತ್, ಅಂವೊಂಗ್ ಮಹಿಮೆ ಕೊಡ್‍ಪಿರ; ಎನ್ನಂಗೆಣ್ಣ್‌ಚೇಂಗಿ ದೇವ ನ್ಯಾಯತೀರ್ಪ್ ಮಾಡ್‌ವ ಸಮಯ ಬಾತ್. ಬಾನತ್‍ನ, ಬೂಲೋಕತ್‍ನ, ಸಮುದ್ರತ್‍ನ ಪಿಂಞ ನೀರ್‌ರ ಬುಗ್ಗೆಯಳ ಸೃಷ್ಟಿ ಮಾಡ್‌ನಂವೊನ ಆರಾದನೆ ಮಾಡ್‌ವಿರಾಂದ್ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‍ತತ್.

ಪ್ರಕಟನೆ 14:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 22:12

ಆ ದೂತ ಅಂವೊಂಗ್: ನೀಡ ಮೋಂವೊಂಡ ಮೇಲೆ ಕೈ ಇಡತೆ. ಅಂವೊನ ಒಂದು ಮಾಡತೆ; ನೀನ್‌ ಅಂವೊನ ನೀಡ ಮೋಂವೋಂದ್, ನೀಡ ಒರೇ ಮೋಂವೋಂದ್‌ ಸಹ ನೋಟತೆ, ನಾಕಾಯಿತ್‌ ಬಲಿಕೊಡ್‌ಪಕ್‌ ಒಪ್ಪಿಚಿಟ್ಟಗುಂಡ್, ನೀನ್‌ ಯೆಹೋವಂಗ್‌ ಬೊತ್ತ್‌ವಿಯಾಂದ್‌ ಇಕ್ಕ ನಾಕ್‍ ಗೊತ್ತಾಚಿ.

ಮಲಾಕಿ 2:2

ನಿಂಗ ನಾಡ ತಕ್ಕ್‌ನ ಕ್‍ೕಕತೆ, ನನ್ನ ಗನಪಡುತ್‌ವಕ್‌ ಮನಸ್ಸ್‌ ಮಾಡತೆ ಇಂಜತೇಂಗಿ, ನಿಂಗಕ್‌ ಶಾಪ ಇಟ್ಟಿತ್, ನಿಂಗಡ ಆಶೀರ್ವಾದತ್‌ನ ಶಾಪವಾಯಿತ್‌ ಬದ್‌ಲ್‌ ಮಾಡುವಿ; ಅಕ್ಕು ನಾನ್‌ ಅಯಿಂಗಕ್‌ ಅಕ್ಕಲೆ ಶಾಪ ಇಟ್ಟಿತುಳ್ಳ, ಎನ್ನಂಗೆಣ್ಣ್‌ಚೇಂಗಿ ನಿಂಗ ನನ್ನ ಗನಪಡುತ್‌ವಕ್‌ ಮನಸ್ಸ್‌ ಮಾಡಿತ್‌ಲ್ಲೇಂದ್‌ ಸೈನ್ಯರ ಒಡೆಯನಾನ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 25:13

ಅನ್ನನೆ ಆ ದಿನವು ಸಮಯವು ನಿಂಗಕ್ ಗೊತ್ತಿಲ್ಲತಗುಂಡ್, ಎಚ್ಚರತ್ ಇರಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:18

ಪರದೇಶಿಯಾನ ಇಂವೊ ಒಬ್ಬನೇ ದೇವನ ತುದಿಪಕ್ ಬಂತಲ್ಲಾಂದ್ ಎಣ್ಣಿತ್,

ಅಪೊಸ್ತಲ 14:15

ಜನಳೇ, ನಿಂಗ ಎನ್ನಂಗ್ ಇನ್ನನೆ ಮಾಡ್‌ವಿರ? ನಂಗಳು ನಿಂಗಡನೆಕೆ ಮನುಷ್ಯಂಗ, ದೇವ ಅಲ್ಲ; ನಿಂಗ ಈ ಬೋಂಡತದ್‍ನೆಲ್ಲ ಬುಟ್ಟಿತ್, ಬಾನ ಬೂಮಿ, ಕಡಲ್ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ಜೀವವುಳ್ಳ ದೇವಡ ಬರಿಕ್ ತಿರ್‌ಗಿತ್ ಬರಂಡೂಂದ್ ನಿಂಗಕ್ ಈ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡುಂಡ್‍ೕಂದ್ ಬಲ್ಯ ಸ್ವರತ್‍ಲ್ ಎಣ್ಣ್‌ಚಿ.

1 ಪೇತ್ರ 4:7

ಎಲ್ಲಾಂಗ್ ಆಕೀರ್ ಕಾಲ ಪಕ್ಕ ಬಾತ್. ಆನಗುಂಡ್, ಚಾಯಿ ಮನಸ್ಸ್ ಉಳ್ಳಯಿಂಗಳಾಯಿತ್, ತನ್ನಡಕ್ಕ ಉಳ್ಳಯಿಂಗಳಾಯಿತ್ ಇರಿ. ಅಕ್ಕ ನಿಂಗ ಚಾಯಿ ಪ್ರಾರ್ಥನೆ ಮಾಡ್‌ವಕ್ ಆಪ.

ಪ್ರಕಟನೆ 11:13

ಅದೇ ಸಮಯತ್‍ಲ್ ಬಲ್ಯ ಬೂಕಂಪ ಆಚಿ. ಅಕ್ಕಣೆಕ್ ಆ ಪಟ್ಟಣತ್‍ರ ಪತ್ತ್ ಬಾಗತ್‍ಲ್ ಒರ್ ಬಾಗ ಪೊಳಿಂಜ್ ಬುದ್ದ್ ಪೋಚಿ; ಏಳ್ ಆಯಿರ ಜನ ಚತ್ತ್ ಪೋಚಿ, ಬಾಕಿ ಜನಕ್ ಬಲ್ಯ ಪೋಡಿಯಾಯಿತ್ ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆ ಕೊಡ್‍ತತ್.

ಪ್ರಕಟನೆ 11:18

ನೀಡ ಜನ ಅಲ್ಲತಯಿಂಗಕ್ ಚೆಡಿ ಬಾತ್, ಅಕ್ಕ ನೀಕ್ ಬಲ್ಯ ಚೆಡಿ ಉಂಟಾಚಿ; ಚತ್ತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟ್‌ವಕು, ಪ್ರವಾದಿಯಳಾನ ನೀಡ ಸೇವಕಂಗಕು, ದೇವಡ ಮಕ್ಕಕು, ನೀಡ ಪೆದತ್‍ರ ಮೇಲೆ ಬಕ್ತಿಯಾಯಿತ್ ಇಂಜ ಬಲ್ಯಯಿಂಗಕು ಚೆರಿಯಯಿಂಗಕು ಫಲ ತಪ್ಪಕು, ಬೂಮಿಕ್ ಕ್‍ೕಡ್ ಮಾಡ್‍ನಯಿಂಗಳ ಪಾಳ್ ಮಾಡ್‌ವಕು, ಸಮಯ ಬಾತ್‍ೕಂದ್ ಎಣ್ಣಿತ್ ದೇವನ ತುದಿಚತ್.

ಪ್ರಕಟನೆ 15:4

ಒಡೆಯನೇ, ನೀಕ್ ಬೊತ್ತತೆ, ನೀಡ ಪೆದಕ್ ಮಹಿಮೆ ತರತೆ ಇಪ್ಪಕ್ ದಾರ್‌ಕ್ ಕಯ್ಯು? ನೀನ್ ಒಬ್ಬನೇ ಪವಿತ್ರವಾನ ದೇವ, ನೀಡ ನೀತಿಯಾಯಿತುಳ್ಳ ತೀರ್ಪ್‌ರಗುಂಡ್ ಎಲ್ಲಾ ಜಾತಿಯಳು ಬಂದಿತ್, ನೀಡ ಮಿಂಞ ಆರಾದನೆ ಮಾಡ್‌ವಾಂದ್ ಎಣ್ಣ್‌ಚಿ.

ಪ್ರಕಟನೆ 16:9

ಅಕ್ಕ ಮನುಷ್ಯಂಗ ಬಲ್ಯ ಉರಿಲ್ ಬೆಂಜಿಪೋಪನೆಕೆ ಇಂಜತೇಂಗಿಯು, ಈ ತರ ಬಾದೇನ ಮಾಡ್‌ವಕ್ ಅದಿಕಾರ ಉಳ್ಳ ದೇವಡ ಪೆದಕ್ ದೂಷಣೆ ಎಣ್ಣ್‌ನದಲ್ಲತೆ, ಅಂವೊಂಗ್ ಮಹಿಮೆ ಕೊಡ್‍ಪನೆಕೆ ಪಶ್ಚಾತಾಪ ಪಟ್ಟಿತ್‌ಲ್ಲೆ.

ಪ್ರಕಟನೆ 18:10

ಅವಕ್ ಕ್‍ಟ್ಟ್‌ನ ಬಾದೆರಗುಂಡ್ ಬೊತ್ತಿತ್, ಎದೆ ಬಡ್‍ಚಂಡ್, ಅಯ್ಯೋ! ಅಯ್ಯೋ! ಎಣ್ಣಿಯಂಡ್, ಮಹಾ ಪಟ್ಟಣವಾನ ಬಾಬೆಲೇ, ಎಚ್ಚಕ್ ಬಲಶಾಲಿಯಾಯಿತ್ಂಜ, ಒರೇ ಗಳಿಗೆಲ್ ನೀಕ್ ಈ ನ್ಯಾಯತೀರ್ಪ್ ಬಾತಲ್ಲಾಂದ್ ಎಣ್ಣಿಯಂಡ್ ಇಪ್ಪ.

ಪ್ರಕಟನೆ 18:17

ಒರೇ ಗಳಿಗೆಲ್ ಇಚ್ಚಕ್ ಐಶ್ವರ್ಯವು ನಾಶ ಆಯಿ ಪೊಚಲ್ಲಾಂದ್ ಎಣ್ಣಿತ್ ಗೋಳಾಡುವ. ಇದ್‍ಲ್ಲತೆ ಕಪ್ಪಲ್ ಬುಡ್‍ವಂವೊ ಎಲ್ಲಾರು, ಕಪ್ಪಲ್ ಪ್ರಯಾಣ ಮಾಡ್‌ವಯಿಂಗ ಎಲ್ಲಾರು, ಹಡಗ್‍ಲ್ ಕೆಲಸ ಮಾಡ್‌ವಯಿಂಗ ಎಲ್ಲಾರು, ಸಮುದ್ರತ್‍ಲ್ ಕೆಲಸ ಮಾಡಿತ್ ಜೀವನ ಮಾಡ್‌ವಯಿಂಗ ಎಲ್ಲಾರು ದೂರತ್‍ಲ್ ನಿಂದಿತ್:

ಪ್ರಕಟನೆ 18:19

ಅಯಿಂಗ ದುಃಖತ್‍ಲ್ ಅಯಿಂಗಡ ಮಂಡೆರ ಮೇಲೆ ಮಣ್ಣ್‌ನ ಇಟ್ಟಂಡ್, ಅಯ್ಯೋ! ಅಯ್ಯೋ! ಮಹಾ ಪಟ್ಟಣವೇ, ಸಮುದ್ರತ್‍ಲ್ ಕಪ್ಪಲ್ ಉಳ್ಳಯಿಂಗೆಲ್ಲ, ಇವಡ ಬೆಲೆಯುಳ್ಳ ವಸ್ತುರಗುಂಡ್ ಐಶ್ವರ್ಯವಂತಂಗಳಾಚಲ್ಲ! ಒರೇ ಗಳಿಗೆಲ್ ಅವ ಪಾಳಾಯಿರ್‌ತಲ್ಲಾಂದ್ ಎಣ್ಣಿಯಂಡ್ ಗೋಳಾಡಿಯಂಡ್ ಮೊರಟಂಡ್ ಇಪ್ಪ.

ಪ್ರಕಟನೆ 19:5

ಅದಲ್ಲತೆ, ಸಿಂಹಾಸನತ್‍ರ ಕಡೇಯಿಂಜ ಒರ್ ವಾಣಿ ಬಾತ್; ಅದ್: ದೇವಡ ಸೇವಕಂಗಳೇ, ಅಂವೊಂಗ್ ಬೊತ್ತಿತ್ ನಡ್‍ಪ ಚೆರಿಯಯಿಂಗಳೇ, ಬಲ್ಯಂಗಳೇ ನಿಂಗ ಎಲ್ಲಾರು ದೇವನ ತುದಿಚಿತ್ ಕೊಂಡಾಡೀಂದ್ ಎಣ್ಣ್‌ಚಿ.

ಪ್ರಕಟನೆ 4:11

ನಂಗಡ ಒಡೆಯನಾನ ದೇವನೇ, ಮಹಿಮೆನ, ಗನತ್‍ನ, ಶಕ್ತಿನ ಪಡೆಯುವಕ್ ಯೋಗ್ಯನಾಯಿತುಳ್ಳಿಯ. ನೀನೇ ಎಲ್ಲಾನ ಸೃಷ್ಟಿ ಮಾಡಿಯ, ನೀಡ ಚಿತ್ತತ್‍ರನೆಕೆ ಎಲ್ಲಾ ಸೃಷ್ಟಿ ಆಯಿತ್ ನಿಂದಂಡುಂಡ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 4:9

ಇಂಞು, ಸಿಂಹಾಸನತ್‍ಲ್ ಅಳ್‌ತಂಡ್, ಕಾಲಕಾಲಕು ಬದ್‍ಕ್‍ವಂವೊಂಗ್ ಆ ಜೀವ ಪ್ರಾಣಿಯ ಎಕ್ಕೆಲ್ಲಾ ಮಹಿಮೆನ, ಗನತ್‍ನ, ತುದಿನ ಅರ್ಪಿಚಿಟ್ಟತೋ,

ಪ್ರಕಟನೆ 8:10

ಮೂಂದನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಒರ್ ಬಲ್ಯ ನಕ್ಷತ್ರ ಬಲ್ಯದಾಯಿತ್ ಕತ್ತಿಯಂಡ್ ಬಾನತ್ಂಜ ಬುದ್ದತ್. ಅದ್ ಕೆರೆರ ಮೂಂದ್‍ಲ್ ಒರ್ ಬಾಗತ್‍ನ ಪಿಂಞ ಜಲನೀರ್‌ಲ್ ಬುದ್ದತ್.