ಪ್ರಕಟನೆ 14:6 - ಕೊಡವ ಬೈಬಲ್

⁶ ಪಿಂಞ ಇಂಞೊರ್ ದೇವದೂತ ಬಾನತ್‍ರ ಮದ್ಯತ್ಂಜ ಪಾರಿತ್ ಬಪ್ಪಾನ ಕಂಡಿಯೆ; ಅಂವೊ ಬೂಮಿಲ್ ವಾಸ ಮಾಡಿಯಂಡುಳ್ಳ ಎಲ್ಲಾ ಜಾತಿಕ್, ಎಲ್ಲಾ ಕುಲಕ್, ಎಲ್ಲಾ ಬಾಷೆ ಪರಿಯುವಯಿಂಗಕ್, ಎಲ್ಲಾ ಜನಕ್ ಅರಿಚಿಡುವಕುಳ್ಳ ದೇವಡ ನಿತ್ಯವಾನ ನಲ್ಲ ಸುದ್ದಿನ ಕೊಂಡ್ ಬಾತ್.

ಪ್ರಕಟನೆ 14:6 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:6

ಅಲ್ಲಿಂಜ ದೇವ ನೀರ್‌ರ ಮದ್ಯತ್‌ಲ್‌ ಬಾನತ್‌ರ ಜಾಗ ಆಡ್‍ೕಂದ್‌ ಎಣ್ಣ್‌ಚಿ, ಅದಲ್ಲತೆ, ಆ ಬಾನತ್‌ರ ಜಾಗ ನೀರಿಂಜ ನೀರ್‌ನ ಬೋರೆ ಮಾಡಡ್‍ೕಂದ್‌ ಸಹ ಎಣ್ಣ್‌ಚಿ.

ಮತ್ತಾಯ 10:27

ನಾನ್ ನಿಂಗಕ್ ಇರ್‌ಟ್‌ಲ್ ಪಡಿಪ್‍ಚಿಡ್‍ವಾನ, ನಿಂಗ ಬೊಳಿಲ್ ಎಣ್ಣಿ ಕೊಡಿ. ನಿಂಗಕ್ ಗುಟ್ಟಾಯಿತ್ ಕೆಮಿಲ್ ಎಣ್ಣ್‌ವಾನ ಮನೆರ ಕೊಡಿಲ್ ಪೋಯಿತ್ ಕೂತ್ ಕೊಡ್‌ತಿತ್ ಎಣ್ಣಿ ಕೊಡಿ.

ಮಾರ್ಕ 16:15

ಪಿಂಞ, ಅಂವೊ ಅಯಿಂಗಳ ನೋಟಿತ್: ನಿಂಗ ಬೂಲೋಕವೆಲ್ಲಾ ಪೋಯಿತ್ ದೇವಡ ನಲ್ಲ ಸುದ್ದಿನ ಎಲ್ಲಾ ಜನಕು ಪ್ರಚಾರ ಮಾಡಿ.

ರೋಮ್ 16:25

ನಾಡ ದೇವಡ ನಲ್ಲ ಸುದ್ದಿ ಎಣ್ಣುವನೆಕೆ, ನಿಂಗಳ ಸ್ತಿರಪಡ್‌ತ್‍ವಕ್ ಶಕ್ತಿ ಉಳ್ಳಂವೊನಾಯಿತ್ತುಳ್ಳ ದೇವಕ್ ಎಲ್ಲಾ ಮಹಿಮೆಯು ಇರಡ್. ಯೇಸು ಕ್ರಿಸ್ತಂಡ ಈ ವಿಷಯತ್‍ರ ಮೂಲಕ ಯೆಹೂದ್ಯಂಗಲ್ಲತಯಿಂಗಕ್, ಪಂಡಿಂಜೇ ಗುಟ್ಟಾಯಿತ್ ಬೆಚ್ಚಿತ್ಂಜ ಮರ್ಮ, ಪ್ರಕಟನೆ ಆಚಿ.

ಕೊಲೊಸ್ಸೆ 1:23

ನಿಂಗಕ್ ಕ್‍ಟ್ಟ್‌ನ ಈ ನಲ್ಲ ಸುದ್ದಿರ ನಂಬಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್, ಸ್ತಿರವಾಯಿತ್, ದೃಡವಾಯಿತ್ ನಿಂದಂಡಿಂಜತೇಂಗಿ ನಿಂಗಕ್ ಅನ್ನನೆ ಕ್‍ಟ್ಟುವ. ಈ ನಲ್ಲ ಸುದ್ದಿ, ಈ ಲೋಕತ್‍ರ ಎಲ್ಲಾ ಸೃಷ್ಟಿಕ್ ಅರಿಚಿಟ್ಟಂಡುಂಡ್, ಅದ್ಂಗಾಯಿತ್, ಪೌಲನಾನ ನಾನ್ ದೇವಡ ಸೇವಕನಾಯಿತ್ ಉಳ್ಳ.

2 ಥೆಸಲೊನೀಕ 2:16

ನಂಗಡ ಒಡೆಯನಾನ ಯೇಸು ಕ್ರಿಸ್ತನು, ನಂಗಡ ಮೇಲೆ ಪ್ರೀತಿ ಬೆಚ್ಚಿತ್ ನಂಗಡ ಹೃದಯತ್‍ಲ್ ನಿತ್ಯ ಒತ್ತಾಸೆನೆ, ಕುಶೀರ ನಿರಿಕ್ಷೇನ, ನಂಗಕ್ ಕೃಪೆಯಾಯಿತ್ ದಾನಮಾಡ್‍ನ ಅಪ್ಪನಾನ ದೇವನು,

ಇಬ್ರಿಯ 13:20

ನಿತ್ಯ ಒಪ್ಪಂದತ್‍ರ ಚೋರೆರಗುಂಡ್, ಕೊರಿರನೆಕೆ ಉಳ್ಳ ದೇವಡ ಮಕ್ಕಡ ಬಲ್ಯ ಕೊರಿಕಾಪಂವೊನಾಯಿತುಳ್ಳ ನಂಗಡ ಒಡೆಯನಾನ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟ ಸಮಾದಾನತ್‍ರ ದೇವ,

1 ಪೇತ್ರ 1:25

ಆಚೇಂಗಿ, ಒಡೆಯಂಡ ವಾಕ್ಯ ಎಕ್ಕಾಲು ಇಪ್ಪ. ಈ ವಾಕ್ಯತ್‍ನ ನಂಗ ನಿಂಗಕ್ ನಲ್ಲ ಸುದ್ದಿಯಾಯಿತ್ ಬೋದನೆ ಮಾಡಿಯೆ.

ಪ್ರಕಟನೆ 10:11

ಅಕ್ಕ ಅಂವೊ ನನ್ನ ನೋಟಿತ್: ನೀನ್ ಪುನಃ ದುಂಬ ಜನಡ, ಜಾತಿಯಡ, ಬಾಷೆಕಾರಡ, ರಾಜಂಗಡ ವಿಷಯತ್ ಪ್ರವಾದನೆ ಎಣ್ಣಂಡೂಂದ್ ನಾಕ್ ಎಣ್ಣ್‌ಚಿ.

ಪ್ರಕಟನೆ 10:7

ಇಂಞು ಮಿಂಞಕ್ ಸಮಯ ಇಲ್ಲೆ; ಆಚೇಂಗಿಯು, ದೇವ ತಾಂಡ ಸೇವಕಂಗಳಾನ ಪ್ರವಾದಿಯಂಗಕ್ ನಲ್ಲ ಸುದ್ದಿಯಾಯಿತ್ ಅರಿಚಿಟ್ಟನೆಕೆ, ಏಳನೆ ದೇವದೂತ ವಾಲಗ ಕೊಂಬ್‍ನ ಊದ್‍ವ ಸಮಯತ್‍ಲ್, ದೇವಡ ಮರ್ಮ ನೆರವೇರ್‌ವಾಂದ್ ಎಣ್ಣ್‌ಚಿ.

ಪ್ರಕಟನೆ 13:7

ಇದ್‍ಲ್ಲತೆ, ದೇವಡ ಮಕ್ಕಡ ಕೂಡೆ ಯುದ್ದ ಮಾಡಿತ್ ಅಯಿಂಗಳ ಗೆಲ್ಲುವಕ್ ಅದಿಕಾರ ಕ್‍ಟ್ಟಿತ್ಂಜತ್. ಓರೋರ್ ಜನಡಮೇಲೆ, ಕುಲತ್‍ರ ಮೇಲೆ, ಬಾಷೆಕಾರಯಿಂಗಡ ಮೇಲೆ, ಜಾತಿಯಡ ಮೇಲೆ ಸಹ ಅದ್ಂಗ್ ಅದಿಕಾರ ಕೊಡ್‌ತಿತ್ಂಜತ್.

ಪ್ರಕಟನೆ 3:10

ನಾನ್ ಎಣ್ಣ್‌ನ ಆಜ್ಞೇರಗುಂಡ್ ಬಂದ ಕಷ್ಟತ್‍ನ ಪೊರುಮೇಲ್ ಸಹಿಸಿಯಂಡ್ ಕಾಪಾಡಿತುಳ್ಳಿಯ. ಆನಗುಂಡ್, ಈ ಲೋಕತ್‍ಲ್ ವಾಸಮಾಡಿಯಂಡುಳ್ಳಯಿಂಗಳ ಸೋದನೆ ಮಾಡ್‌ವಕಾಯಿತ್ ಈ ಬೂಮಿಲ್ ಎಲ್ಲಾ ಜಾಗತ್‍ಲು ಬಪ್ಪಕುಳ್ಳ ಸೋದನೆರ ಕಾಲತ್‍ಲ್ ನಾನ್ ನಿನ್ನ ಕಾಪಾಡ್‍ವಿ.

ಪ್ರಕಟನೆ 5:9

ನೀನ್ ಈ ಪುಸ್ತಕತ್‍ನ ಎಡ್‍ಪಕು, ಅದ್ಂಡ ಮುದ್ರೆಯಳ ಪೊಳಿಪಕು ಯೋಗ್ಯನಾಯಿತುಳ್ಳಿಯ; ಎನ್ನಂಗೆಣ್ಣ್‌ಚೇಂಗಿ, ನೀನ್ ಮಿಂಞಲೇ ಬಲಿಯಾಯಿತ್, ಎಲ್ಲಾ ಕುಲತ್ಂಜ, ಎಲ್ಲಾ ತಕ್ಕ್‌ಯಿಂಜ, ಎಲ್ಲಾ ಜನತ್‍ಂಜ, ಎಲ್ಲಾ ಜಾತಿಯಿಂಜ ಜನಳ ದೇವಕಾಯಿತ್ ನೀಡ ಚೋರೆನಗುಂಡ್ ಬುಡ್‍ಗಡೆ ಮಾಡಿತ್,

ಪ್ರಕಟನೆ 8:13

ಪಿಂಞ ಒರ್ ಗರುಡ ಗಾಳಿಲ್ ಪಾರಿಯಂಡ್ ಬಂದಿತ್, ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಂಡ್: ಇಂಞು ಮಿಂಞಕ್ ವಾಲಗ ಕೊಂಬ್‍ನ ಊದ್‍ವ ಮೂಂದ್ ದೂತಂಗ ವಾಲಗ ಊದ್‍ವಕಾಪಕ, ಬೂಮಿಲ್ ವಾಸ ಮಾಡಿಯಂಡುಳ್ಳ ಮನುಷ್ಯಂಗಕ್, ಅಯ್ಯೋ! ಅಯ್ಯೋ! ಅಯ್ಯೋಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.