ಪ್ರಕಟನೆ 14:5 - ಕೊಡವ ಬೈಬಲ್

⁵ ಅಯಿಂಗಡ ತಕ್ಕ್‌ಲ್ ಕಪಟತನ ಇಂಜಿತ್ತ್‌ಲ್ಲೆ; ದೇವಡ ಸಿಂಹಾಸನತ್‍ರ ಮಿಂಞತ್ ಒರ್ ಕುತ್ತವು ಇಲ್ಲತಯಿಂಗಳಾಯಿತುಂಡ್.

ಪ್ರಕಟನೆ 14:5 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 8:8

ನಾಡ ಬಾಯಿರ ತಕ್ಕ್‌ಯೆಲ್ಲಾ ನೀತಿವಂತದಾಯಿತ್‌ಪ್ಪ. ಅದ್‌ಲ್‌ ಪೊಟ್ಟ್‌ ತಕ್ಕ್‌ ಆಡ್, ಬಟ್ಟೆ ತಪ್ಪುವ ತಕ್ಕ್‌ ಆಡ್‌ ಇಲ್ಲವೇ ಇಲ್ಲೆ.

ಮಲಾಕಿ 2:6

ಅಯಿಂಗಡ ಬಾಯಿಲ್‌ ನೇರಾನ ಬೋದನೆ ಇಂಜತ್. ಅಯಿಂಗಡ ಕಿರಿಲ್‌ ಒರ್‌ ತಪ್ಪ್‌ನ ಸತ ಕಂಡಿತ್‌ಲ್ಲೆ. ಅಯಿಂಗ ನಾಡ ಕೂಡೆ ಸಮಾದಾನತ್‌ಲ್‌ ಪಿಂಞ ನೀತಿಲ್‌ ನಡ್‌ಂದಿತ್, ಬೋರೆ ದುಂಬ ಜನಳ ಪಾಪತ್‌ರ ಕಾರ್ಯ ಮಾಡುವದಿಂಜ ತಿರುಕಿತ್.

ಮತ್ತಾಯ 12:34

ಬಳೆಮುರಿ ಪಾಂಬ್ ಜಾತಿಯಳೇ, ನಿಂಗ ಕೆಟ್ಟಯಿಂಗಳಾಯಿತ್‌ಪ್ಪಕ ನಲ್ಲ ವಿಷಯತ್‍ನ ಎನ್ನನೆ ಎಣ್ಣ್‌ವಿರ? ಎನ್ನಂಗೆಣ್ಣ್‌ಚೇಂಗಿ, ಹೃದಯತ್‍ಲ್ ಎಂತ ದುಂಬಿತುಂಡೋ, ಅದೇ ನಿಂಗಡ ಬಾಯಿಲ್ ಪರಿವಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:4

ಅಕ್ಕ ಪಿಲಾತ: ಮುಕ್ಯ ಯಾಜಕಂಗಕು ಪಿಂಞ ಜನಡ ಗುಂಪ್‌ಕು, ನಾನ್ ಅಂವೊನ ತೀರ್ಪ್ ಮಾಡ್‌ವಕ್, ಅಂವೊಂಡ ಮೇಲೆ ಒರ್ ತಪ್ಪು ಕಾಂಬ್‍ಲೇಂದ್ ಎಣ್ಣ್‌ಚಿ.

ಯೋಹಾನ 1:47

ನತಾನಯೇಲ ಯೇಸುರ ಪಕ್ಕ ಬಪ್ಪಕ, ಯೇಸು ಅಂವೊನ ನೋಟಿತ್: ನೋಟಿ, ಇಂವೊ ಏದ್ ಕಪಟವು ಇಲ್ಲತ ನೇರಾನ ಇಸ್ರಾಯೇಲಾಂದ್ ಎಣ್ಣ್‌ಚಿ.

ಎಫೆಸ 5:27

ಕಲೆ, ಚುಕ್ಕ್, ಚುಳ್ಳ್ ಇಲ್ಲತೆ ಪವಿತ್ರವಾಯಿತ್ ಏದ್ ಕುತ್ತ ಇಲ್ಲತೆ ಮಹಿಮೆ ದುಂಬ್‍ನ ಸಬೇಯಾಯಿತ್ ತಾಂಡ ಮಿಂಞತ್ ನಿಪ್ಪ್‌ಚಿಡುವಕಾಯಿತೂ ತಾಂಗ್ ತಾನೆ ಅದ್ಂಗಾಯಿತ್ ಒಪ್ಪ್‌ಚಿಟ್ಟತ್.

ಕೊಲೊಸ್ಸೆ 1:22

ಆಚೇಂಗಿ, ಇಕ್ಕ ಅಂವೊ ತಾಂಡ ಮೋಂವೊ ತಡೀಲ್ ಚತ್ತ್ ಪೋನಗುಂಡ್ ನಿಂಗಡ ಕೂಡೆ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡಿತ್, ಅಂವೊಂಡ ಸನ್ನಿದಾನತ್‍ಲ್ ನಿಂಗಳ ಪವಿತ್ರವಾನಯಿಂಗಳಾಯಿತ್, ಒರ್ ತಪ್ಪಿಲ್ಲತಯಿಂಗಳಾಯಿತ್, ಒರ್ ಕುತ್ತ ಇಲ್ಲತಯಿಂಗಳಾಯಿತ್ ಅರ್ಪಿಚಿಡ್‌ವಕ್ ಇನ್ನನೆ ಮಾಡ್‍ಚಿ.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.

1 ಪೇತ್ರ 1:19

ಆಚೇಂಗಿ, ದಾರ್‌ಕು ಕೊಡ್‍ಪಕ್ ಕಯ್ಯತ ಬೆಲೆಯುಳ್ಳ ಕ್ರಿಸ್ತಂಡ ಚೋರೆರಗುಂಡ್ ದೇವ ನಿಂಗಳ ಬೆಲೇಕ್ ಎಡ್‍ತಂಡದ್ ನಿಂಗಕ್ ಗೊತ್ತುಂಡಲ್ಲ? ಅಂವೊ ಒರ್ ಪವಿತ್ರವಾಯಿತುಳ್ಳ, ಏದ್ ಪಾಳು ಇಲ್ಲತ ಕೊರಿ ಕುಟ್ಟಿರನೆಕೆ ಉಂಡ್.

1 ಪೇತ್ರ 2:22

ಅಂವೊ ಪಾಪ ಮಾಡಿತ್‌ಲ್ಲೆ, ಅಂವೊಂಡ ತಕ್ಕ್‌ಲ್ ಒರ್ ವಂಚನೇಯು ಕಂಡಿತ್‌ಲ್ಲೆ;

1 ಪೇತ್ರ 3:10

ದಾರ್ ಅಯಿಂಗಡ ಬದ್‍ಕ್‍ನ ಪ್ರೀತಿಚಿಡುವ, ಪಿಂಞ ನಲ್ಲ ಬವಿಷ್ಯ ಬರಂಡೂಂದ್ ಗೇನ ಮಾಡ್‌ವ, ಅಯಿಂಗ ಕೆಟ್ಟದ್ ಪರಿಯುವಕ್ ತಾಂಡ ನಾವ್‌ನ ಪಿಂಞ ಪೊಟ್ಟ್ ಪರಿಯುವಕ್ ತಾಂಡ ಕಿರಿನ ಅಡಕುವ.

ಯೂದ ಒಳ್‍ದ್‍ನ ಕಾಗದ 1:24

ತಾಂಡ ಮಹಿಮೆಯುಳ್ಳ ಪ್ರಸನ್ನತ್‌ಲ್ ಬಲ್ಯ ಕುಶೀಲ್ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಂಗಳ ಬೂವತನೆಕೆ ನಿಪ್ಪ್‌ಚಿಡ್‍ವಕ್ ಶಕ್ತಿಯುಳ್ಳಂವೊನು,