ಪ್ರಕಟನೆ 14:15 - ಕೊಡವ ಬೈಬಲ್

¹⁵ ಅಕ್ಕ ಇಂಞೊರ್ ದೇವದೂತ ದೇವಾಲಯತ್ಂಜ ಪೊರಟಿತ್ ಬಾತ್. ಅಂವೊ ಮೋಡತ್‍ಲ್ ಅಳ್‍ತಂಡಿಪ್ಪಂವೊನ ನೋಟಿತ್: ಕೊಯ್ಯುವ ಸಮಯ ಬಂದಗುಂಡ್ ನೀಡ ಕೊಯಿಕತ್ತಿನ ನ್‍ೕಟಿತ್ ಕೊಯಿಪಣಿ ಮಾಡ್‍ೕಂದ್ ಬಲ್ಯ ಸ್ವರತ್‍ಲ್ ಎಣ್ಣ್‌ಚಿ.

ಪ್ರಕಟನೆ 14:15 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 15:6

ಅಬ್ರಾಮ ಯೆಹೋವನ ನಂಬ್‌ಚಿ; ಯೆಹೋವ ಅಂವೊಂಡ ನಂಬಿಕೆನ ನೋಟಿತ್‌ ಅಂವೊನ ನೀತಿವಂತಂವೋಂದ್‌ ಲೆಕ್ಕ ಮಾಡ್‌ಚಿ.

ಮತ್ತಾಯ 13:30

ಕೊಯಿಪಣಿ ಸುರು ಆಪಕ, ನಾನ್ ನಾಡ ಆಳ್‍ವಕ್ ಕಚಡ ಗಿಡತ್‍ನ ಮಿಂಞ ಬಲ್‍ಚಿತ್, ಅದ್‍ನ ಚುಡ್‌ವಕ್ ಕೆಟ್ಟಿತ್ ಬೆಪ್ಪಕ್ ಎಣ್ಣಿತ್, ಬಯ್ಯ ಗೋದಿನ ಪತ್ತಾಯತ್‍ಲ್ ಇಟ್ಟಿತ್ ಕೂಟ್‍ವಕ್ ಎಣ್ಣುವೀಂದ್ ಎಜಮಾನ ಎಣ್ಣ್‌ಚಿ.

ಮತ್ತಾಯ 13:39

ಅದ್‍ನ ಬಿತ್ತುವ ವಿರೋದಿ ಸೈತಾನ. ಕೊಯ್ಯುವ ಕಾಲ ಎಣ್ಣ್‌ವದ್ ಈ ಲೋಕತ್‍ರ ಕಡೆ ಕಾಲ. ಕೊಯಿಪಣಿ ಮಾಡ್‌ವಯಿಂಗ ದೇವದೂತಂಗ.

ಮತ್ತಾಯ 23:32

ನಿಂಗ ನಿಂಗಡ ಪೆರಿಯಯಿಂಗ ಸುರು ಮಾಡ್‍ನ ಪಾಪತ್‍ನೆಲ್ಲಾ ಪೂರ್ತಿ ಮಾಡಿ.

ಮಾರ್ಕ 4:29

ಪಣ್ಣ್ ಆನ ಪಿಂಞ ಆ ಮನುಷ್ಯ ಕೊಯಿ ಕತ್ತಿಲ್ ಕೊಯಿಪಣಿ ಸುರು ಮಾಡ್‌ವ.

1 ಥೆಸಲೊನೀಕ 2:16

ಯೆಹೂದ್ಯ ಅಲ್ಲತಯಿಂಗ ಯೇಸುನ ನಂಬಿತ್ ದೇವಡ ಮಕ್ಕಳಾಪಕ್ಕಾಗಾಂದ್ ಅಯಿಂಗ ಇನ್ನನೆ ಪ್ರಯತ್ನಪಟ್ಟಂಡುಂಡ್. ಆನಗುಂಡ್, ನಂಗ ಎಲ್ಲಿಕು ಪೋಯಿತ್ ದೇವಡ ತಕ್ಕ್ ಪರಿಯತನೆಕೆ ತಡೆ ಮಾಡಿಯಂಡುಂಡ್. ಅನ್ನನೆ ಅಯಿಂಗ ಅಯಿಂಗಡ ಪಾಪ ಪೂರ್ತಿ ಆಪನೆಕೆ ಮಾಡಿಯಂಡುಂಡ್; ದೇವಡ ಬಲ್ಯ ಚೆಡಿ ಅಯಿಂಗಡ ಮೇಲೆ ದುಂಬ ಬಂದಿತುಂಡ್.

ಪ್ರಕಟನೆ 11:19

ಅಕ್ಕ, ಪರಲೋಕತ್‍ಲ್ ಉಳ್ಳ ದೇವಾಲಯ ತೊರ್ಂದತ್. ಅಂವೊಂಡ ಆಲಯತ್‍ಲ್ ಅಂವೊಂಡ ಒಪ್ಪಂದತ್‍ರ ಪೊಟ್ಟಿನ ಕಾಂಬಕ್ ಆಚಿ; ಅಕ್ಕಣೆಕ್ ಮಿಂಚ್, ವಾಣಿ, ಗುಡ್‍ಗ್ ಬೂಕಂಪ ಪಿಂಞ ಬಲ್ಯ ಆಲಿಕಾಯಿರ ಮಳೆ ಪೊಜ್ಜತ್.

ಪ್ರಕಟನೆ 13:12

ಈ ಮೃಗ ಮಿಂಞತ್‍ರ ಮೃಗತ್‍ರ ಮಿಂಞತ್ ಇದ್ಂಡ ಅದಿಕಾರತ್‍ನೆಲ್ಲಾ ಕಾಂಬ್‍ಚಿಟ್ಟತ್. ಚತ್ತ್ ಪೋಪನೆಕೆ ಗಾಯ ಇಂಜಿತ್ ವಾಸಿ ಆನ ಮೃಗತ್‍ನ ಈ ಲೋಕವು ಅದ್‍ಲ್ ವಾಸಮಾಡಿಯಂಡುಳ್ಳಯಿಂಗಳು ಆರಾದನೆ ಮಾಡ್‌ವನೆಕೆ ಮಾಡ್‍ಚಿ.

ಪ್ರಕಟನೆ 14:14

ಪಿಂಞ ನಾನ್ ನೋಟ್‍ವಕ, ಇದಾ, ಬೊಳ್‍ತ ಮೋಡತ್‍ನ, ಆ ಮೋಡತ್‍ರ ಮೇಲೆ ಮನುಷ್ಯಕುಮಾರಂಡನೆಕೆ ತಾಂಡ ಮಂಡೆಲ್ ಪೊನ್ನ್‌ರ ಕಿರೀಟತ್‍ನ ಇಟ್ಟಂಡ್, ತಾಂಡ ಕೈಯಿಲ್ ಚೂಪಾಯಿತುಳ್ಳ ಕೊಯಿಕತ್ತಿನ ಪುಡ್‍ಚಂಡ್ ಅಳ್‍ತಂಡಿಂಜ ಒಬ್ಬನ ಕಂಡಿಯೆ.

ಪ್ರಕಟನೆ 14:16

ಅಕ್ಕ, ಮೋಡತ್‍ಲ್ ಅಳ್‍ತಂಡಿಂಜಂವೊ, ತಾಂಡ ಕೊಯಿಕತ್ತಿನ ಬೂಮಿರ ಮೇಲೆ ಬೀಚ್‌ವಕ ಬೂಮಿರ ಕೊಯಿಪಣಿ ತ್‍ೕಂದತ್.

ಪ್ರಕಟನೆ 14:17

ಪಿಂಞ ಇಂಞೊರ್ ದೇವದೂತ ಪರಲೋಕತ್‍ಲ್ ಉಳ್ಳ ದೇವಾಲಯತ್ಂಜ ಪೊರಮೆ ಬಾತ್. ಅಂವೊ ಚೂಪಾಯಿತುಳ್ಳ ಕೊಯಿಕತ್ತಿನ ಪುಡ್‍ಚಂಡ್ ಇಂಜತ್.

ಪ್ರಕಟನೆ 14:18

ತಿತ್ತ್‌ರ ಮೇಲೆ ಅದಿಕಾರ ಉಳ್ಳ ಬೋರೆ ಒರ್ ದೇವದೂತ ಬಲಿಪೀಠತ್‍ರ ಪಕ್ಕತ್ಂಜ ಪೊರಟಿತ್ ಬಂದಿತ್, ಚೂಪಾಯಿತುಳ್ಳ ಕೊಯಿಕತ್ತಿನ ಪುಡ್‌ಚಂಡುಳ್ಳಂವೊನ ನೋಟಿತ್: ಬೂಮಿರ ದ್ರಾಕ್ಷಿ, ಪಣ್ಣಾಯಿ ಪೋಚಿ, ಚೂಪಾಯಿತುಳ್ಳ ನೀಡ ಕೊಯಿಕತ್ತಿನ ನ್‍ೕಟಿತ್, ದ್ರಾಕ್ಷಿ ಕೊಲೆನ ಕೆತ್ತುವಿಯಾಂದ್ ಬಲ್ಯ ಸ್ವರತ್‍ಲ್ ಎಣ್ಣ್‌ಚಿ.

ಪ್ರಕಟನೆ 15:6

ಆ ಆಲಯತ್ಂಜ ಏಳ್ ಬಾದೇರ ಆ ಏಳ್ ದೇವದೂತಂಗ ಪೊರಟಿತ್ ಬಾತ್. ಅಯಿಂಗ ಶುದ್ದವಾನ ಮಿನ್ನುವ ಬೊಳ್‍ತ ನಾರ್ ಬಟ್ಟೆ ಇಟ್ಟಂಡ್, ಪೊನ್ನ್‌ರ ಪಟ್ಟಿನ ಎದೇಲ್ ಕಟ್ಟಿಯಂಡ್ ಇಂಜತ್.

ಪ್ರಕಟನೆ 16:17

ಏಳನೆ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಬಾನತ್‍ರ ಮೇಲೆ ಬೂಕ್‍ಚಿ. ಅಕ್ಕ ಪರಲೋಕತ್‍ಲ್ ಇಂಜ ದೇವಾಲಯತ್‍ರ ಸಿಂಹಾಸನತ್ಂಜ ತ್‍ೕಂದತ್‍ೕಂದ್ ಬಲ್ಯ ಸದ್ದ್ ಪೊರಟಿತ್ ಬಾತ್.

ಪ್ರಕಟನೆ 6:10

ಅಯಿಂಗ ಬಲ್ಯ ಸದ್ದ್‌ಲ್: ಪವಿತ್ರವಾನ ಸತ್ಯವಂತ ಸರ್ವ ಶಕ್ತಿಯುಳ್ಳ ಒಡೆಯನೇ, ಬೂಮಿಲ್ ವಾಸ ಮಾಡಿಯಂಡುಳ್ಳ ಅಯಿಂಗಡಲ್ಲಿ, ನಂಗಡ ಚೋರೆರ ವಿಷಯತ್ ಎಚ್ಚಕ್ ಕಾಲ ನ್ಯಾಯತೀರ್ಪ್ ಮಾಡತೆ, ನಂಗಳ ಕೊಲೆ ಮಾಡ್‍ನಯಿಂಗಕ್ ಬದ್‍ಲ್ ಶಿಕ್ಷೆ ಕೊಡ್‍ಕತೆ ಇಪ್ಪಿಯಾಂದ್ ಕೂತ್ ಕೊಡ್‍ತತ್.