ಪ್ರಕಟನೆ 14:11 - ಕೊಡವ ಬೈಬಲ್

¹¹ ಅಯಿಂಗಡ ಪೊಗೆ, ಎಕ್ಕಾಲು ಕೊಡಿಕ್ ಬಂದಂಡಿಪ್ಪ; ಮೃಗತ್‍ನ ಪಿಂಞ ಅಂವೊಂಡ ವಿಗ್ರಹತ್‍ನ ಆರಾದನೆ ಮಾಡ್‌ವಯಿಂಗಳು ಅದ್ಂಡ ಪೆದತ್‍ನ ಇಟ್ಟಿತುಳ್ಳ ದಾರ್‌ಕು ಬಯಿಟ್ ಪೋಲ್ ಆರಾಮ್ ಕ್‍ಟ್ಟುಲೆ.

ಪ್ರಕಟನೆ 14:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:28

ಸೊದೋಮ್‌ ಗೊಮೋರ ಪಟ್ಟಣತ್‌ರ ಕಡೆಕು ಪಿಂಞ ಎಲ್ಲಾ ಸಮತಟ್ಟ್‌ ಬೂಮಿರ ಕಡೆಕು ನೋಟ್‌ವಕ, ಒರ್‌ ಪೊಗೆ ಕೊಳಪೆಯಿಂಜ ಬಪ್ಪ ಪೊಗೆರನೆಕೆ ಆ ಪಟ್ಟಣತ್‌ಂಜ ಪೊಗೆ ಬಪ್ಪದ್‌ನ ಕಂಡತ್.

ಮತ್ತಾಯ 11:28

ಅರಾಮಿಲ್ಲತೆ ಕಷ್ಟಪಟ್ಟಂಡ್ ಬಾರತ್‍ನ ಪೊರ್‍ತಂಡ್ ಉಳ್ಳಯಿಂಗಳೇ, ನಾಡ ಪಕ್ಕ ಬಾರಿ, ನಾನ್ ನಿಂಗಕ್ ಆರಾಮ್ ತಪ್ಪಿ.

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಮತ್ತಾಯ 25:46

ಅಕ್ಕ ಈಂಗ ನಿತ್ಯ ಶಿಕ್ಷೆಕು, ನೀತಿವಂತಯಿಂಗ ನಿತ್ಯ ಜೀವಕು ಪೋಪ.

ಇಬ್ರಿಯ 1:8

ಆಚೇಂಗಿ ತಾಂಡ ಮೋಂವೊಂಡ ವಿಷಯತ್: ಓ ದೇವಾ, ನೀಡ ಸಿಂಹಾಸನ ಕಾಲಕಾಲಕು ಇಪ್ಪ, ನೀಡ ರಾಜ್ಯತ್‍ನ ನೀತಿರಗುಂಡ್ ಆಳುವಿಯ,

ಪ್ರಕಟನೆ 11:15

ಏಳನೆ ದೇವದೂತ ವಾಲಗತ್‍ರ ಕೊಂಬ್‍ನ ಊದ್‍ವಕಾಪಕ: ಲೋಕತ್‍ರ ರಾಜ್ಯಂಗ ನಂಗಡ ಒಡೆಯಂಗು, ಅಂವೊಂಡ ಕ್ರಿಸ್ತಂಡ ರಾಜ್ಯವಾಯಿತು ಆಚಿ. ಅಂವೊ ಕಾಲಕಾಲಕು ರಾಜನಾಯಿತ್ ರಾಜ್ಯಬಾರ ಮಾಡ್‌ವಾಂದ್ ಪರಲೋಕತ್ಂಜ ಒರ್ ಬಲ್ಯ ಸದ್ದ್ ಕ್‍ೕಟತ್.

ಪ್ರಕಟನೆ 13:12

ಈ ಮೃಗ ಮಿಂಞತ್‍ರ ಮೃಗತ್‍ರ ಮಿಂಞತ್ ಇದ್ಂಡ ಅದಿಕಾರತ್‍ನೆಲ್ಲಾ ಕಾಂಬ್‍ಚಿಟ್ಟತ್. ಚತ್ತ್ ಪೋಪನೆಕೆ ಗಾಯ ಇಂಜಿತ್ ವಾಸಿ ಆನ ಮೃಗತ್‍ನ ಈ ಲೋಕವು ಅದ್‍ಲ್ ವಾಸಮಾಡಿಯಂಡುಳ್ಳಯಿಂಗಳು ಆರಾದನೆ ಮಾಡ್‌ವನೆಕೆ ಮಾಡ್‍ಚಿ.

ಪ್ರಕಟನೆ 13:15

ಆ ಮೃಗತ್‍ರ ವಿಗ್ರಹ ತಕ್ಕ್ ಪರಿಯುವನೆಕೆಯು, ಮೃಗತ್‍ರ ವಿಗ್ರಹತ್‍ನ ಆರಾದನೆ ಮಾಡ್‌ವಕ್ ಒತ್ತತಯಿಂಗಳೆಲ್ಲ ಕೊಲ್ಲ್‌ವಕು, ಮೃಗತ್‍ರ ವಿಗ್ರಹಕ್ ಜೀವ ಕೊಡ್‌ಪಕು ಈ ದಂಡನೆ ಮೃಗಕ್ ಶಕ್ತಿ ಕೊಡ್‌ತಿತ್ಂಜತ್.

ಪ್ರಕಟನೆ 13:17

ಆ ಮೃಗತ್‍ರ ಮುದ್ರೆ ಇಲ್ಲತಪೋಚೇಂಗಿ, ಅದ್ಂಡ ಪೆದತ್‍ರ ಲೆಕ್ಕ ಕ್‍ಟ್ಟನಯಿಂಗಳ ಬುಟ್ಟಿತ್, ಬೋರೆ ದಾರ್‌ಕು ಎಡ್‍ಪಕು, ಮಾರ್‍ವಕೂ ಕಯ್ಯತನೆಕೆ ಮಾಡ್‍ಚಿ.

ಪ್ರಕಟನೆ 14:9

ಮೂಂದನೆ ದೇವದೂತ ಪೋಯಿತ್: ಬಲ್ಯ ಸ್ವರತ್‍ಲ್, ಮೃಗತ್‍ನ ಪಿಂಞ ಅಂವೊಂಡ ವಿಗ್ರಹತ್‍ನ ಆರಾದನೆ ಮಾಡಿತ್, ತಾಂಡ ನೆತ್ತಿಲ್ ಅಥವ ಕೈಯಿಲ್ ಅದ್ಂಡ ಮುದ್ರೆನ ಇಟ್ಟಿತುಳ್ಳಂವೊಂಗ್ ಇನ್ನನೆ ಆಪ.

ಪ್ರಕಟನೆ 18:18

ಅವ ಬೇವಕ ಬಪ್ಪ ಪೊಗೇ‍ನ ಕಂಡಿತ್: ಈ ಪಟ್ಟಣಕ್ ಸಮವಾನ ಪಟ್ಟಣ ಏದ್ ಉಂಡ್‍ೕಂದ್ ಎಣ್ಣಿಯಂಡ್ ಜೋರಾಯಿತ್ ಮೊರಡ್‍ವ.

ಪ್ರಕಟನೆ 18:9

ಅವಡ ಕೂಡೆ ವ್ಯಬಿಚಾರ ಮಾಡಿತ್, ಅವಡ ಐಶ್ವರ್ಯತ್‍ರ ಬಲ್ಯ ಕುಶೀಲ್ ಇಂಜ ಬೂಮಿರ ರಾಜಂಗ, ಅವ ತಿತ್ತ್‌ಲ್ ಬೆಂಜಂಡ್ ಉಳ್ಳ ಪೊಗೇ‍ನ ನೋಟಿತ್ ದೂರತ್‍ಲ್ ನಿಂದಿತ್ ಅಯಿಂಗ ಗೋಳಾಡಿಯಂಡ್,

ಪ್ರಕಟನೆ 19:3

ಅವಳ ಚುಟ್ಟ ಪೊಗೆ ಎಕ್ಕಾಲು ಕೊಡಿಕ್ ಪೋಯಂಡುಂಡ್‍ೕಂದ್ ಪುನಃ ಹಲ್ಲೆಲೂಯಾಂದ್ ಕೂತ್ ಕೊಡ್‍ತತ್.

ಪ್ರಕಟನೆ 20:10

ಇದ್‍ಲ್ಲತೆ, ಅಯಿಂಗಳ ಮರ್‍ಳ್ ಮಾಡ್‍ನ ಸೈತಾನನ, ಮೃಗತ್‍ನ, ಕಳ್ಳ ಪ್ರವಾದಿನ ಪ್ರವಾದಿ ಬೆಚ್ಚಿತ್ಂಜ ತಿತ್ತ್ ಕತ್ತಿಯಂಡ್ ಉಳ್ಳ ಗಂಧಕತ್‍ರ ಕಡಲ್‍ಲ್ ಇಟ್ಟಿರುವ. ಅಯಿಂಗ ಅಲ್ಲಿ ಪೋಲ್ ಬಯಿಟಾಯಿತ್ ಎಕ್ಕಾಲು ಹಿಂಸೆ ಪಟ್ಟಂಡಿಪ್ಪ.

ಪ್ರಕಟನೆ 22:5

ಅಲ್ಲಿ ಬಯಿಟ್ ಎಣ್ಣುವದ್ ಇಪ್ಪದೇ ಇಲ್ಲೆ; ಅಯಿಂಗಕ್ ಬೊಳ್‍ಚತ್‍ರ ಬೊಳಿ ಅಥವ ಸೂರ್ಯಂಡ ಬೊಳಿ ಬೋಂಡ. ಎನ್ನಂಗೆಣ್ಣ್‌ಚೇಂಗಿ, ಒಡೆಯನಾನ ದೇವ ಅಯಿಂಗಕ್ ಬೊಳಿಯಾಯಿತ್‌ಪ್ಪ. ಅಯಿಂಗ ಯುಗ ಯುಗಕ್ ರಾಜ್ಯಬಾರ ಮಾಡ್‌ವ.

ಪ್ರಕಟನೆ 7:12

ಆಮೆನ್, ನಂಗಡ ದೇವಕ್ ತುದಿಯು, ಮಹಿಮೆಯು, ಜ್ಞಾನವು, ವಂದನೆಯು, ಗನವು, ಅದಿಕಾರವು, ಶಕ್ತಿಯು ಎಕ್ಕಾಲು ಇಕ್ಕಡ್, ಆಮೆನ್‍ಂದ್ ಎಣ್ಣ್‌ಚಿ.