ಪ್ರಕಟನೆ 13:5 - ಕೊಡವ ಬೈಬಲ್

⁵ ಆ ಮೃಗಕ್ ಬಡಾಯಿ ತಕ್ಕ್ ಪರಿಯುವ ಪಿಂಞ ದೂಷಣೆ ಎಣ್ಣುವ ಬಾಯಿನ ಕೊಡ್‌ತಿತ್ಂಜತ್; ಅದಲ್ಲತೆ, ನಾಪತ ದಂಡ್ ತಿಂಗಕತ್ತನೆ ಬೋಂಡಿಯನೆಕೆ ಮಾಡ್‌ವಕ್ ಅದ್ಂಗ್ ಅದಿಕಾರ ಕೊಡ್‌ತಿತ್ಂಜತ್.

ಪ್ರಕಟನೆ 13:5 ပူးပေါင်းရင်းမြစ်များ

2 ಥೆಸಲೊನೀಕ 2:3

ಈ ವಿಷಯತ್‍ಲ್ ನಿಂಗಳ ದಾರೂ ವಂಚನೆ ಮಾಡತನೆಕೆ ಎಚ್ಚರತ್‍ಲ್ ಇರಂಡು; ಎನ್ನಂಗೆಣ್ಣ್‌ಚೇಂಗಿ, ದೇವಕ್ ವಿರೋದ ಮಾಡಿತ್ ಜನ ದಂಗೆ ಮಾಡಿತ್, ಪಾಳಾಯಿ ಪೋಪಕಾಯಿತ್ ಪುಟ್ಟ್‌ನ ಬಲ್ಯ ದುಷ್ಟ ಮನುಷ್ಯ ಪೊರಮೆ ಬಪ್ಪಕತ್ತನೆ, ಆ ದಿವಸ ಬಪ್ಪುಲೆ.

2 ಥೆಸಲೊನೀಕ 2:4

ಆ ಮನುಷ್ಯ ದೇವಕ್ ವಿರೋದವಾಯಿತ್ ನಿಂದಂಡ್, ಜನ ದೇವಾಂದ್ ಕಾಕುವ ಎಲ್ಲಾಂಗ್ ಬಲ್ಯದಾಯಿತ್, ಆರಾದನೆ ಮಾಡ್‌ವ ಎಲ್ಲಾಂಗ್ ಬಲ್ಯದಾಯಿತ್ ಅಂವೊ ಅಂವೊನನೇ ಕೊಚ್ಚ್‌ವ. ದೇವನ ಆರಾದನೆ ಮಾಡ್‌ವ ಜಾಗತ್‍ಲ್ ದೇವಡನೆಕೆ ಅಂವೊ ಅಳ್‌ತಂಡ್, ನಾನೇ ದೇವಾಂದ್ ಎಲ್ಲಾ ಜನಕು ಎಣ್ಣಿಯಂಡಿಪ್ಪ.

2 ಥೆಸಲೊನೀಕ 2:8

ಅಂವೊನ ತಡೆ ಮಾಡ್‌ವಂವೊ ಇಲ್ಲಿಂಜ ಪೋಪಕ, ದುಷ್ಟ ಮನುಷ್ಯ ಪೊರಮೆ ಬಪ್ಪ; ಆಚೇಂಗಿ, ಒಡೆಯನಾನ ಯೇಸು ಬಂದಿತ್ ಅಂವೊನ ತಾಂಡ ಬಾಯಿರ ಉಸ್‍ರ್‌ರ ಮೂಲಕ ಕೊಂದಿತ್, ತಾನ್ ಬಪ್ಪ ಮಹಿಮೇರ ಬೊಳಿರಗುಂಡ್ ನಾಶ ಮಾಡ್‌ವ.

ಪ್ರಕಟನೆ 11:7

ಅಯಿಂಗ ಅಯಿಂಗಡ ಸಾಕ್ಷಿನ ಎಣ್ಣಿತಾನ ಪಿಂಞ, ಪಾತಾಳತ್ಂಜ ಬಪ್ಪ ಮೃಗ ಈಂಗಡ ಕೂಡೆ ಯುದ್ದ ಮಾಡಿತ್ ಈಂಗಳ ಗೆದ್ದಿತ್ ಕೊಲ್ಲುವ.

ಪ್ರಕಟನೆ 12:14

ಅಕ್ಕ ಆ ಪೊಣ್ಣಾಳ್ ತಾಂಡ ಮಣಬೂಮಿರ ಜಾಗಕ್ ಪಾರಿತ್ ಪೋಪಕಾಯಿತ್ ಗರುಡಪಕ್ಷಿರ ದಂಡ್ ಬಲ್ಯ ರೆಕ್ಕೆ ಅವಕ್ ಕ್‍ಟ್ಟ್‌ಚಿ. ಅಲ್ಲಿ ಅವ ಆ ಪಾಂಬ್‍ಕ್ ಕಾಂಗತನೆಕೆ ಒರ್ ಕಾಲ, ದಂಡ್ ಕಾಲ, ಅರೆಕಾಲ, ಬದ್‍ಕಿಯಂಡ್ ಇಪ್ಪಕ್ ಮಾಡಿತ್ಂಜತ್.

ಪ್ರಕಟನೆ 12:6

ಆ ಪೊಣ್ಣಾಳ್ ಮಣಬೂಮಿಕ್ ಓಡಿ ಪೋಚಿ; ಅಲ್ಲಿ ಅವಕ್ 1,260 ದಿವಸಕತ್ತನೆ ಚಾಯಿತೆ ಬದ್‌ಕುವನೆಕೆ ದೇವ ಆ ಜಾಗತ್‍ನ ತಯಾರ್ ಮಾಡಿತ್ ಬೆಚ್ಚಿತ್ಂಜತ್.

ಪ್ರಕಟನೆ 13:7

ಇದ್‍ಲ್ಲತೆ, ದೇವಡ ಮಕ್ಕಡ ಕೂಡೆ ಯುದ್ದ ಮಾಡಿತ್ ಅಯಿಂಗಳ ಗೆಲ್ಲುವಕ್ ಅದಿಕಾರ ಕ್‍ಟ್ಟಿತ್ಂಜತ್. ಓರೋರ್ ಜನಡಮೇಲೆ, ಕುಲತ್‍ರ ಮೇಲೆ, ಬಾಷೆಕಾರಯಿಂಗಡ ಮೇಲೆ, ಜಾತಿಯಡ ಮೇಲೆ ಸಹ ಅದ್ಂಗ್ ಅದಿಕಾರ ಕೊಡ್‌ತಿತ್ಂಜತ್.