ಪ್ರಕಟನೆ 13:18 - ಕೊಡವ ಬೈಬಲ್

¹⁸ ಇಲ್ಲಿ ಜ್ಞಾನ ಉಂಡ್; ಆ ಮೃಗತ್‍ರ ಸಂಖ್ಯೆನ, ಬುದ್ದಿ ಉಳ್ಳಂವೊ ಲೆಕ್ಕ ಮಾಡಿತ್ ನೋಟಡ್. ಅದ್ ಮನುಷ್ಯಂಗಡ ಲೆಕ್ಕವಾಯಿತುಂಡ್; ಆ ಸಂಖ್ಯೆ ಆರ್‌ನೂಯಿಟ ಅರ್‌ವತ ಆರ್.

ಪ್ರಕಟನೆ 13:18 ပူးပေါင်းရင်းမြစ်များ

ಮಾರ್ಕ 13:14

ಪಾಳ್ ಮಾಡ್‌ವ ಅಸಹ್ಯ ವಸ್ತು ನಿಪ್ಪಕ್ಕಾಗತ ಜಾಗದತ್‍ಲ್ ನಿಪ್ಪದ್‌ನ ನಿಂಗ ಕಾಂಬಕ, ಯೂದಾಯ ದೇಶತ್‍ಲ್ ಉಳ್ಳಯಿಂಗ ಕುಂದ್‌ರ ಕೊಡಿಕ್ ಓಡಡ್. ದಾನಿಯೇಲ ಪ್ರವಾದಿ ಎಣ್ಣ್‌ನನೆಕೆ, ಇದ್‍ನ ಓದ್‍ವಂವೊ ಗೇನ ಮಾಡಂಡು.

ರೋಮ್ 3:5

ನಂಗಡ ಅನೀತಿ ದೇವಡ ನೀತಿನ ಕಾಟ್‍ಚೇಂಗಿ, ನಂಗ ಎಂತ ಎಣ್ಣುವಕ್ ಕಯ್ಯು? ಶಿಕ್ಷೆ ತಪ್ಪ ದೇವ ಅನೀತಿವಂತಂವೊನ? (ನಾನ್ ಇದ್‍ನ, ಮನುಷ್ಯ ರೀತಿಲ್ ತಕ್ಕ್ ಪರ್ಂದಂಡುಳ್ಳ).

ಪ್ರಕಟನೆ 1:3

ಈ ಪ್ರವಾದನೆರ ವಾಕ್ಯತ್‍ನ ಓದ್‍ವಯಿಂಗ, ಕ್‍ೕಪಯಿಂಗ ಪಿಂಞ ಇದ್‍ಲ್ ಎಣ್ಣ್‌ನನೆಕೆ ಮಾಡ್‌ವಯಿಂಗ ಎಲ್ಲಾರು ಆಶೀರ್ವಾದ ಪಡ್ಂದಯಿಂಗ, ಎನ್ನಂಗೆಣ್ಣ್‌ಚೇಂಗಿ, ಕಾಲ ಪಕ್ಕ ಬಾತ್.

ಪ್ರಕಟನೆ 15:2

ತಿತ್ತ್ ಕಲ್‌ಕ್‌ನ ಗಾಜಿರ ಕಡಲ್‍ರನೆಕೆ ಇಂಜ ಒರ್ ಕಡಲ್‍ನ ನಾನ್ ಕಂಡಿಯೆ. ಮೃಗತ್‍ನ ಅದ್ಂಡ ವಿಗ್ರಹತ್‍ನ, ಅದ್ಂಡ ಮುದ್ರೆನೆ ಪಿಂಞ ಅಂವೊಂಡ ಪೆದತ್‍ರ ಲೆಕ್ಕಕ್ ಬಗ್ಗತೆ ಗೆದ್ದಯಿಂಗ ದೇವಡ ವೀಣೇನ ಕೈಯಿಲ್ ಪುಡ್‍ಚಂಡ್ ಗಾಜಿರ ಸಮುದ್ರತ್‍ರ ಪಕ್ಕ ನಿಂದಂಡ್ ಇಪ್ಪಾನ ಕಂಡಿಯೆ.

ಪ್ರಕಟನೆ 17:9

ಇದ್ ಜ್ಞಾನವು ಬುದ್ದಿವಂತಯಿಂಗಳಾಯಿತ್ ಉಳ್ಳಯಿಂಗಕ್ ಮಾತ್ರ ಗೊತ್ತಾಪ. ಆ ಏಳ್ ಮಂಡೆ, ಆ ಪೊಣ್ಣಾಳ್ ಅಳ್‌ತಂಡುಳ್ಳ ಏಳ್ ಕುಂದಾಯಿತುಂಡ್.

ಪ್ರಕಟನೆ 21:17

ಅಂವೊ ಅದ್ಂಡ ಗೋಡೆನ ಅಳ್‌ತೆ ಮಾಡ್‌ವಕ, ಮನುಷ್ಯಂಗಡ ಅಳ್‌ತೆರನೆಕೆ ದೇವದೂತ ಅದ್‍ನ ಅಳ್‌ತೆ ಮಾಡ್‌ವಕ ದಂಡ್ ನೂರ ಪದನಾರ್ ಅಡಿ ಇಂಜತ್.