ಪ್ರಕಟನೆ 12:5 - ಕೊಡವ ಬೈಬಲ್

⁵ ಅವ ಎಲ್ಲಾ ಜನಳ, ಇರ್‍ಂಬ್ ಕೋಲ್‍ಲ್ ರಾಜ್ಯಬಾರ ಮಾಡ್‌ವಕ್ ಉಳ್ಳ ಒರ್ ಕ್‍ಣ್ಣ ಕುಂಞಿನ ಪೆತ್ತತ್; ಅವಡ ಕುಂಞಿನ ದೇವಡ ಪಕ್ಕ ಪಿಂಞ ದೇವಡ ಸಿಂಹಾಸನತ್‍ರ ಪಕ್ಕ ಬೆರಿಯ ಕೊಂಡ್ ಪೋಯಿರ್‌ತ್.

ಪ್ರಕಟನೆ 12:5 ပူးပေါင်းရင်းမြစ်များ

ಮತ್ತಾಯ 1:25

ಆಚೇಂಗಿ, ಮರಿಯ ಕ್‍ಣ್ಣ ಕುಂಞಿನ ಪೆರ್‌ವಕತ್ತನೆ ಅಂವೊ ಅವಡ ಕೂಡೆ ಬುದ್ದವಕಿಂಜಿಲೆ. ಕುಂಞಿ ಪುಟ್ಟ್‌ನ ಪಿಂಞ ಯೋಸೇಫ ಕುಂಞಿಕ್ ಯೇಸೂಂದ್ ಪೆದ ಇಟ್ಟತ್.

ಮಾರ್ಕ 16:19

ಇದ್‍ನೆಲ್ಲಾ ಒಡೆಯನಾನ ಯೇಸು ತಕ್ಕ್ ಪರ್ಂದಿತ್ ಆನ ಪಿಂಞ ಅಂವೊನ ಪರಲೋಕಕ್ ಎಡ್‍ತಂಡ್ ಪೋಚಿ, ಅಂವೊ ದೇವಡ ಬಲ್‌ತೆ ಬರಿಲ್ ಅಳ್‌ತತ್.

2 ಕೊರಿಂಥ 12:2

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಇಂಜ ಒರ್ ಮನುಷ್ಯನ ನಾಕ್ ಗೊತ್ತುಂಡ್; ಪದನಾಲ್ ಕಾಲಕ್ ಮಿಂಞ ದೇವ ಅಂವೊನ ಮೂಂದನೆ ಪರಲೋಕಕತ್ತನೆ ಎಡ್‍ತಂಡತ್. ಅಂವೊ ಅಂವೊಂಡ ತಡೀಲ್ ಇಂಜತಾ ಅಥವ ತಡಿಕ್ ಪೊರಮೆ ಇಂಜತಾಂದ್ ನಾಕ್ ಗೊತ್ತ್‌ಲ್ಲೆ; ದೇವಕ್ ಗೊತ್ತುಂಡ್.

2 ಕೊರಿಂಥ 12:4

ಆ ಮನುಷ್ಯನ ಪರದೈಸ ಎಣ್ಣುವ ಜಾಗತ್‍ರ ಒಳ್‍ಕ್ ಎಡ್‍ತಂಡತ್. ಅಲ್ಲಿ ಮನುಷ್ಯಂಗ ಪರಿಯುವಕಯ್ಯತ ಪಿಂಞ ಪೊರಮೆ ಎಣ್ಣುವಕ್ ಕಯ್ಯತ ತಕ್ಕ್‌ನ ಅಂವೊ ಕ್‍ೕಟತ್.

ಪ್ರಕಟನೆ 11:12

ನಿಂಗ ಇಲ್ಲಿಕ್ ಪತ್ತಿತ್ ಬಾರೀಂದ್ ಒರ್ ಬಲ್ಯ ವಾಣಿ ಪರಲೋಕತ್ಂಜ ಅಯಿಂಗಕ್ ಕ್‍ೕಟತ್, ಅಕ್ಕ ಅಯಿಂಗ ಮೋಡತ್‍ಲ್ ಪತ್ತಿತ್ ಪರಲೋಕಕ್ ಪೋಚಿ; ಅಯಿಂಗಡ ವಿರೋದಿಯಂಗ ಇದ್‍ನ ನೋಟಿಯಂಡ್ ಇಂಜತ್.

ಪ್ರಕಟನೆ 12:13

ಘಟಸರ್ಪ ಬೂಮಿಕ್ ಬುದ್ದತ್‍ೕಂದ್ ಗೊತ್ತಾನಗುಂಡ್, ಆ ಕ್‍ಣ್ಣ ಕುಂಞಿನ ಪೆತ್ತ ಪೊಣ್ಣಾಳ್‍ನ ಹಿಂಸೆಪಡ್‍ತ್‌ವಕ್ ಸುರು ಮಾಡ್‍ಚಿ.

ಪ್ರಕಟನೆ 12:2

ಅವ ಕೆಲಕರ್ತಿತಯಾಯಿತ್ ಇಂಜಿತ್, ಅವಕ್ ಪೆರುವ ನೊಂಬಲ ಬಂದಿತ್, ಪೆರ್‌ವಕಾಯಿತ್ ಕೂತ್ ಕೊಡ್‌ತಂಡ್ ಇಂಜತ್.

ಪ್ರಕಟನೆ 19:15

ದೇವಡ ಮಕ್ಕ ಅಲ್ಲತಯಿಂಗಳ ಕೊಲ್ಲ್‌ವಕಾಯಿತ್ ಅಂವೊಂಡ ಬಾಯಿಂಜ ಚೂಪಾಯಿತುಳ್ಳ ಕತ್ತಿ ಪೊರಟಿತ್ ಬಾತ್; ಇರ್‌ಂಬ್ ಕೋಲ್‍ರಗುಂಡ್ ಅಂವೊ ಅಯಿಂಗಳ ರಾಜ್ಯಬಾರ ಮಾಡ್‌ವ; ಅಂವೊ ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವಡ ಬಲ್ಯ ಚೆಡಿರ ಕಳ್ಳ್ ಉಳ್ಳ ದ್ರಾಕ್ಷಿ ಕುಂಡ್‍ಲ್ ಚೌಟ್‍ವ.