ಪ್ರಕಟನೆ 12:4 - ಕೊಡವ ಬೈಬಲ್

⁴ ಆಂಡ ಬಾಲ್ ಬಾನತ್‍ಲ್ ಉಳ್ಳ ನಕ್ಷತ್ರತ್‌ಲ್ ಮೂಂದ್‍ಲ್ ಒರ್ ಬಾಗತ್‍ನ ಬಲ್‍ಚಿತ್ ಬೂಮಿಕ್ ಇಟ್ಟತ್; ಪೆರುವಕ್ ಉಳ್ಳ ಆ ಪೊಣ್ಣಾಳ್, ಪೆರುವ ಆ ಗಳಿಗೆಲೇ ಆ ಕುಂಞಿನ ಮುಗ್ಗ್‌ವಕ್ ಈ ಘಟಸರ್ಪ ಪೊಣ್ಣಾಳ್‍ರ ಮಿಂಞತ್ ನಿಂದಂಡಿಂಜತ್.

ಪ್ರಕಟನೆ 12:4 ပူးပေါင်းရင်းမြစ်များ

ಯೋಹಾನ 8:44

ನಿಂಗ ನಿಂಗಡ ಅಪ್ಪನಾನ ಸೈತಾನಂಡ ಮಕ್ಕಳಾಯಿತುಳ್ಳಿರ; ನಿಂಗಡ ಅಪ್ಪಂಡ ಇಚ್ಛೆರ ಪ್ರಕಾರ ನಿಂಗ ಮಾಡ್‌ವಿರ; ನಿಂಗಡ ಅಪ್ಪನಾನ ಸೈತಾನ ಪಂಡಿಂಜೇ ಕೊಲ್ಲ್‌ವಂವೊನಾಯಿತುಂಡ್; ಅಂವೊಂಡ ಪಕ್ಕ ಸತ್ಯ ಇಲ್ಲತಗುಂಡ್, ಅಂವೊ ಸತ್ಯತ್‍ಲ್ ನಿಂದಿತ್‌ಲ್ಲೆ. ಅಂವೊ ಪೊಟ್ಟ್ ಪರಿಯುವಂವೊನು, ಎಲ್ಲಾ ಪೊಟ್ಟ್‌ಕ್ ಅಪ್ಪನಾಯಿತು ಉಂಡ್. ಅಂವೊ ಪೊಟ್ಟ್ ಪರಿಯುವಕ, ತಾಂಡ ಸ್ವಂತ ಗುಣತ್ಂಜ ಪೊಟ್ಟ್ ಪರ್ಂದಂಡುಂಡ್.

1 ಪೇತ್ರ 5:8

ತನ್ನಡಕ್ಕ ಉಳ್ಳಯಿಂಗಳಾಯಿತ್, ಎಚ್ಚರತ್ ಇಪ್ಪಯಿಂಗಳಾಯಿತ್ ಇರಿ. ನಿಂಗಡ ವಿರೋದಿಯಾನ ಸೈತಾನ, ಕೂತ್ ಕೊಡ್‍ಪ ಸಿಂಹತ್‍ರನೆಕೆ ದಾರ್‌ನ ಮುಗ್ಗಂಡೂಂದ್ ಸುತ್ತಿಯಂಡ್ ನೋಟಿಯಂಡುಂಡ್.

ಪ್ರಕಟನೆ 12:7

ಬಾನತ್‍ಲ್ ಯುದ್ದ ಉಂಟಾಚಿ. ಮಿಕಾಯೇಲ ಎಣ್ಣುವ ದೇವಡ ಸೇನೆರ ಅದಿಪತಿಯು ಅಂವೊಂಡ ದೂತಂಗಳು ಘಟಸರ್ಪತ್‍ರ ಕೂಡೆ ಯುದ್ದ ಮಾಡ್‍ಚಿ. ಫಟಸರ್ಪ ಪಿಂಞ ಅಂವೊಂಡ ಕೂಡೆ ಉಳ್ಳ ದೂತಂಗ ಯುದ್ದ ಮಾಡ್‍ಚೇಂಗಿಯು, ಗೆಲ್ಲುವಕ್ ಕಯಿಂಜಿತ್ತ್‌ಲ್ಲೆ.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 13:2

ನಾನ್ ಕಂಡ ಮೃಗ ಚಿರತೆರನೆಕೆ ಇಂಜತ್; ಅದ್ಂಡ ಕಾಲ್ ಕರಡಿರ ಕಾಲ್‍ರನೆಕೆ ಇಂಜತ್, ಅದ್ಂಡ ಬಾಯಿ ಸಿಂಹತ್‍ರ ಬಾಯಿರನೆಕೆ ಇಂಜತ್; ಅದ್ಂಗ್ ಘಟಸರ್ಪ ತಾಂಡ ಶಕ್ತಿನ, ಸಿಂಹಾಸನತ್‍ನ ಪಿಂಞ ಮಾಹಾ ಅದಿಕಾರತ್‍ನ ಕೊಡ್‍ತತ್.

ಪ್ರಕಟನೆ 13:4

ಆ ಮೃಗಕ್ ಇನ್ನತಾನ ಅದಿಕಾರತ್‍ನ ಕೊಡ್‍ತ ಘಟಸರ್ಪತ್‍ನ ಆರಾದನೆ ಮಾಡ್‍ಚಿ. ಅದಲ್ಲತೆ: ಆ ಮೃಗಕ್ ತಕ್ಕ ಸಮವಾಯಿತ್ ದಾರ್ ಉಂಡ್? ಅದ್ಂಡಕೂಡೆ ಯುದ್ದ ಮಾಡ್‌ವಕ್ ದಾರ್‌ಕ್ ಆಪಾಂದ್ ಎಣ್ಣಿಯಂಡ್ ಮೃಗತ್‍ನ ಸಹ ಆರಾದನೆ ಮಾಡ್‍ಚಿ.

ಪ್ರಕಟನೆ 16:13

ಆ ಸಮಯತ್‍ಲ್, ಘಟಸರ್ಪತ್‍ರ ಬಾಯಿಂಜ, ಮೃಗತ್‍ರ ಬಾಯಿಂಜ, ಪಿಂಞ ಕಳ್ಳ ಪ್ರವಾದಿಯಡ ಬಾಯಿಂಜ ಕಪ್ಪೇರನೆಕೆ ಉಳ್ಳ ಮೂಂದ್ ಕೂಳಿಯ ಪೊರಟಿತ್ ಬಪ್ಪಾನ ಕಂಡಿಯೆ.

ಪ್ರಕಟನೆ 17:18

ನೀನ್ ಕಂಡ ಆ ಪೊಣ್ಣಾಳ್ ಬೂಮಿಲ್ ಉಳ್ಳ ರಾಜಂಗಡ ಮೇಲೆ ರಾಜ್ಯಬಾರ ಮಾಡ್‌ವ ಬಲ್ಯ ಪಟ್ಟಣವೇಂದ್ ಎಣ್ಣ್‌ಚಿ.

ಪ್ರಕಟನೆ 20:2

ಪಿಶಾಚೀಂದ್ ಕಾಕುವ ಸೈತಾನನಾಯಿತ್ಂಜ ಪಳೆಯ ಪಾಂಬಾಯಿತುಳ್ಳ ಘಟಸರ್ಪತ್‍ನ ಪುಡ್‌ಚಿತ್, ಆಯಿರ ಕಾಲಕ್ ಅದ್‍ನ ಕೆಟ್ಟಿ ಬೆಚ್ಚತ್.

ಪ್ರಕಟನೆ 8:10

ಮೂಂದನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಒರ್ ಬಲ್ಯ ನಕ್ಷತ್ರ ಬಲ್ಯದಾಯಿತ್ ಕತ್ತಿಯಂಡ್ ಬಾನತ್ಂಜ ಬುದ್ದತ್. ಅದ್ ಕೆರೆರ ಮೂಂದ್‍ಲ್ ಒರ್ ಬಾಗತ್‍ನ ಪಿಂಞ ಜಲನೀರ್‌ಲ್ ಬುದ್ದತ್.

ಪ್ರಕಟನೆ 8:11

ಆ ನಕ್ಷತ್ರತ್‍ರ ಪೆದ ಕಯಿಪ್‍ೕಂದ್ ಇಂಜತ್. ಅದ್‍ನಗುಂಡ್, ಮೂಂದ್‍ಲ್ ಒರ್ ಬಾಗ ನೀರೆಲ್ಲಾ ಕಯಿಪಾಯಿತ್ ಬದ್‍ಲಾಚಿ; ಇನ್ನನೆ ಆ ನೀರ್‌ನ ಕುಡಿಪಕ ಸುಮಾರ್ ಜನ ಚತ್ತ್ ಪೋಚಿ.

ಪ್ರಕಟನೆ 8:12

ನಾಲನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಮೂಂದ್‍ಲ್ ಒರ್ ಬಾಗ ಸೂರ್ಯ, ಮೂಂದ್‍ಲ್ ಒರ್ ಬಾಗ ಚಂದ್ರ ಪಿಂಞ ಮೂಂದ್‍ಲ್ ಒರ್ ಬಾಗ ನಕ್ಷತ್ರ ಪಾಳಾಯಿ ಪೋಚಿ. ಒರೋಂದ್‍ಲ್ ಮೂಂದ್‍ಲ್ ಒರ್ ಬಾಗ ಕರ್ತಿತ್ ಇರ್‌ಟಾಯಿ ಪೋಚಿ. ಅಕ್ಕ ಪೋಲ್‍ಲ್, ಮೂಂದ್‍ಲ್ ಒರ್ ಬಾಗ ಬೊಳಿ ಇಂಜಿತ್ತ್‌ಲ್ಲೆ, ಬಯಿಟ್ ಸಹ ಬೊಳಿ ಇಂಜಿತ್ತ್‌ಲ್ಲೆ.

ಪ್ರಕಟನೆ 8:7

ಆದ್ಯ ದೂತ ವಾಲಗ ಕೊಂಬ್ ಊದ್‍ವಕಾಪಕ: ಚೋರೆಲ್ ಕಲ್‌ಕ್‌ನ ಆಲಿಕಾಯಿ ಪಿಂಞ ತಿತ್ತ್ ಬಾತ್, ಅದ್‍ನ ಬೂಮಿರ ಮೇಲೆ ಚಾಡ್‍ಚಿ. ಆನಗುಂಡ್, ಮೂಂದ್‍ಲ್ ಒರ್ ಬಾಗ ಬೂಮಿ ಬೆಂಜಿ ಪೋಚಿ; ಮೂಂದ್‍ಲ್ ಒರ್ ಬಾಗ ಮರ ಬೆಂಜಿ ಪೋಚಿ. ಎಲ್ಲಾ ಪಚ್ಚೆ ಪಿಲ್ಲ್ ಚುಟ್ಟ್ ಪೋಚಿ.

ಪ್ರಕಟನೆ 8:8

ದಂಡನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ತಿತ್ತ್ಂಜ ಕತ್ತ್‌ವ ಬಲ್ಯ ಕುಂದ್‍ರನೆಕೆ ಉಳ್ಳದ್‍ನ ಸಮುದ್ರತ್‍ರ ಒಳ್‍ಕ್ ಚಾಡ್‍ಚಿ, ಆನಗುಂಡ್ ಸಮುದ್ರತ್‍ರ ಮೂಂದ್‍ಲ್ ಒರ್ ಬಾಗ ಚೋರೆನೆಕೆ ಆಚಿ.

ಪ್ರಕಟನೆ 8:9

ಸಮುದ್ರತ್‍ರ ಒಳ್‍ಲಿಂಜ ಪ್ರಾಣಿಲ್ ಮೂಂದ್‍ಲ್ ಒರ್ ಬಾಗ ಚತ್ತ್ ಪೋಚಿ; ಮೂಂದ್‍ಲ್ ಒರ್ ಬಾಗ ಹಡಗ್ ಪಾಳಾಯಿ ಪೋಚಿ.

ಪ್ರಕಟನೆ 9:10

ಅಯಿಂಗಕ್ ಚೇಳ್‍ಕ್ ಉಳ್ಳನೆಕೆ ಬಾಲ್ ಪಿಂಞ ಆ ಬಾಲ್‍ಲ್ ಕೊಂಡಿಯು ಇಂಜತ್. ಮನುಷ್ಯಂಗಳ ಅಂಜ್ ತಿಂಗಕತ್ತನೆ ಹಿಂಸೆ ಮಾಡ್‌ವಕ್ ಅಯಿಂಗಡ ಬಾಲ್‍ಕ್ ಶಕ್ತಿ ಕೊಡ್‌ತಿತ್ಂಜತ್.

ಪ್ರಕಟನೆ 9:19

ಕುದ್‌ರೆಯಡ ಶಕ್ತಿ ಅಯಿಂಗಡ ಬಾಯಿ ಪಿಂಞ ಬಾಲ್‍ಲ್ ಉಂಡ್; ಅಯಿಂಗಡ ಬಾಲ್ ಮಂಡೆ ಉಳ್ಳ ಪಾಂಬ್‍ರನೆಕೆ ಇಂಜತ್. ಅದ್‍ನಗುಂಡ್ ಕೇಡ್‍ನ ಉಂಟ್ ಮಾಡ್‌ವ.