ಪ್ರಕಟನೆ 12:11 - ಕೊಡವ ಬೈಬಲ್11 ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್. အခန်းကိုကြည့်ပါ။ |
ಪ್ರಕಟನೆ 12:11
33 ပူးပေါင်းရင်းမြစ်များ
ನೀಡ ಕ್ರಿಯೆ, ಸೈತಾನಂಡ ಸಿಂಹಾಸನ ಇಪ್ಪ ಜಾಗತ್‍ಲ್ ನೀನ್ ವಾಸ ಮಾಡಿಯಂಡುಳ್ಳದ್ ಪಿಂಞ ನೀನ್ ನಾಡ ಪೆದತ್‍ನ ಪುಡ್‍ಚಂಡ್ ಇಪ್ಪದೆಲ್ಲ ನಾಕ್ ಗೊತ್ತುಂಡ್. ಅದಲ್ಲತೆ, ಸೈತಾನ ವಾಸಮಾಡಿಯಂಡುಳ್ಳ ಜಾಗತ್‍ಲ್ ನಿಂಗಡಲ್ಲಿ ನಾಡ ನೇರಾನ ಸಾಕ್ಷಿಯಾನ ಅಂತಿಪ ಎಣ್ಣ್‌ವಂವೊ ನಿಂದಗುಂಡ್, ಅಂವೊನ ಕೊಂದ್‍ರ್‌ತ್. ಅಕ್ಕ ನೀನ್ ನಾಡ ಮೇಲೆ ಇಂಜ ನಂಬಿಕೇನ ಬುಡತೆ ಇಂಜ ವಿಷಯವು ನಾಕ್ ಗೊತ್ತುಂಡ್.
ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗಕ್, ನಾನ್ ಮುಚ್ಚಿತ್ ಬೆಚ್ಚಿತುಳ್ಳ ಮನ್ನಾನ ತಿಂಬಕ್ ಕೊಡ್‌ತಿತ್, ಅಂವೊಂಗ್ ಬೊಳ್‍ತ ಗುರ್‍ತ್‍ರ ಕಲ್ಲ್‌ನ ಕೊಡ್‍ಪಿ. ಆ ಕಲ್ಲ್‌ಲ್ ಒಳ್‍ದಿತುಳ್ಳದ್‍ನ, ಆ ಕಲ್ಲ್ ಕ್‍ಟ್ಟ್‌ನಂವೊಂಗ್ ಅಲ್ಲತೆ ಬೋರೆ ಒಬ್ಬಂಗು ಗೊತ್ತಾಪಕ್ಕಾಗತ ಪುದಿಯ ಪೆದತ್‍ನ ಅಂವೊಂಗ್ ಕೊಡ್‍ಪಿ. ಇನ್ನನೆ ಒಳ್‍ದ್.
ಪಿಂಞ, ನಾನ್ ದುಂಬ ಸಿಂಹಾಸನತ್‍ನ ಕಂಡಿಯೆ. ಅದ್ಂಡಮೇಲೆ ಅಳ್‍ಪಯಿಂಗಕ್ ನ್ಯಾಯತೀರ್ಪ್ ಕೊಡ್‍ಪ ಅದಿಕಾರತ್‍ನ ಕೊಡ್‌ತಿತ್ಂಜತ್; ಯೇಸುರ ವಿಷಯತ್ ಉಳ್ಳ ಸಾಕ್ಷಿಕಾಯಿತ್, ದೇವಡ ವಾಕ್ಯಕಾಯಿತ್ ಮಂಡೆನ ಕೆತ್ತ್‌ಚಿಡ್‌ವಕ್‌ ಕೊಡ್‌ತಯಿಂಗಡ ಆತ್ಮತ್‌ನ, ಮೃಗತ್‍ನ ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡತೆ, ತಂಗಡ ನೆತ್ತಿಲ್ ಪಿಂಞ ಕೈಯಿಲ್ ಅದ್ಂಡ ಮುದ್ರೆನ ಇಡತಯಿಂಗಳ ನಾನ್ ಕಂಡಿಯೆ. ಅಯಿಂಗ ಜೀವವಾಯಿತ್ ಬಂದಿತ್, ಕ್ರಿಸ್ತಂಡ ಕೂಡೆ ಆಯಿರ ಕಾಲ ರಾಜ್ಯಬಾರ ಮಾಡ್‍ಚಿ.
ကြော်ငြာတွေ