ಪ್ರಕಟನೆ 12:1 - ಕೊಡವ ಬೈಬಲ್

¹ ಬಾನತ್‍ಲ್ ಒರ್ ಬಲ್ಯ ಗುರ್‍ತ್‍ನ ಕಾಂಬಕಾಚಿ; ಅದ್ ಎಂತ ಎಣ್ಣ್‌ಚೇಂಗಿ ಒರ್ ಪೊಣ್ಣಾಳ್ ಸೂರ್ಯನ ಬಟ್ಟೇಯಾಯಿತ್ ಇಟ್ಟಂಡ್ ಇಂಜತ್. ಅವಡ ಕಾಲ್‍ರ ಅಡಿಲ್ ಚಂದ್ರ ಇಂಜತ್, ಪನ್ನೆರಂಡ್ ನಕ್ಷತ್ರ ಉಳ್ಳ ಒರ್ ಕಿರೀಟತ್‍ನ ಅವಡ ಮಂಡೆಕ್ ಇಟ್ಟಿತ್ಂಜತ್.

ಪ್ರಕಟನೆ 12:1 ပူးပေါင်းရင်းမြစ်များ

ಮಲಾಕಿ 4:2

ಆಚೇಂಗಿ, ನಾಡ ಪೆದಕ್‌ ಬೊತ್ತುವ ನಿಂಗಡ ಮೇಲೆ ನೀತಿರ ಸೂರ್ಯ ಉದಿಪ. ಅದ್‌ಂಡ ರೆಕ್ಕೆರ ಅಡಿಲ್‌ ಆರೋಗ್ಯ ಇಪ್ಪ. ನಿಂಗ ಕೊಟ್ಟ್‌ಯಿಂಜ ಪೊರ್ಮೆ ಪೋನ ಕಡಚಿಯರನೆಕೆ ಕುಶೀಲ್‌ ತುಳ್ಳಿಯಂಡಿಪ್ಪಿರ

ಮತ್ತಾಯ 12:38

ಅಕ್ಕ, ನ್ಯಾಯಪ್ರಮಾಣ ಗೊತ್ತುಳ್ಳ ಉಪಾದ್ಯಂಗ ಪಿಂಞ ಚೆನ್ನ ಫರಿಸಾಯಂಗ ಅಂವೊನ ನೋಟಿತ್: ನೀನ್ ಮಾಡ್‌ವ ಗುರ್‌ತ್ ಕಾರ್ಯತ್‍ನ ನಂಗ ನೋಟಂಡೂಂದ್ ಎಣ್ಣ್‌ಚಿ.

ಮತ್ತಾಯ 24:30

ಅಕ್ಕ ಮನುಷ್ಯಕುಮಾರಂಡ ಗುರ್‌ತ್ ಬಾನತ್‍ಲ್ ಕಾಂಬ. ಮನುಷ್ಯಕುಮಾರ ದುಂಬ ಶಕ್ತಿಲ್, ದುಂಬ ಮಹಿಮೆಲ್ ಮೋಡತ್‍ಲ್ ಬಾನತ್‍ಲ್ ಬಪ್ಪದ್‍ನ ಈ ಲೋಕತ್‍ಲ್ ಉಳ್ಳ ಎಲ್ಲಾ ಜನಳು ಕಂಡಿತ್ ಮೊರಡ್‍ವ.

ಮಾರ್ಕ 13:25

ಬಾನತ್ ಮೀನ್ ಅಡಿಕ್ ಬೂವ. ಬಾನತ್‍ರ ಪ್ರತಿಯೊರ್ ಶಕ್ತಿಯು ನಡ್‌ಗುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:11

ದುಂಬ ಜಾಗತ್‍ಲ್ ಬಲ್ಯ ಬೂಕಂಪ ಆಯಂಡಿಪ್ಪ, ಬರಗಾಲ ಬಪ್ಪ, ಪಬ್ಬ್‌ವ ಕಾಯಿಲ ಬಪ್ಪ, ಬಾನತ್ಂಜ ಬಯಂಕರವಾನ ಘಟನೆ ಪಿಂಞ ಬಲ್ಯ ಗುರ್‍ತ್‍ನ ಕಾಂಬಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:25

ಇದ್‍ಲ್ಲತೆ ಸೂರ್ಯ ಚಂದ್ರ ನಕ್ಷತ್ರತ್‌ಲ್ ವಿಚಿತ್ರ ಗುರ್‍ತ್‍ನ ಕಾಂಬಕಾಪ. ಗರ್ಜನೆ ಮಾಡಿಯಂಡ್ ಬಪ್ಪ ಸಮುದ್ರತ್‍ರ ತೆರೆ ಪಿಂಞ ಬಿರ್‌ಗಾಳಿಕ್ ಬೂಲೋಕತ್‍ಲ್ ಉಳ್ಳ ದೇಶವೆಲ್ಲ ಬೊತ್ತಿತ್ ಎಂತ ಮಾಡಂಡೂಂದ್ ಗೊತ್ತಾಪುಲೆ.

ಯೋಹಾನ 3:29

ಮಂಗಲಕರ್ತಿ ಉಳ್ಳಂವೊನೇ ಮಂಗಲಕಾರ ಆಪ. ಆಚೇಂಗಿ ಮಂಗಲಕಾರಂಡ ಕೂಟ್‍ಕಾರ ಮಂಗಲಕಾರಂಡ ಪಕ್ಕತ್‍ಲ್ ನಿಂದಿತ್ ಅಂವೊಂಡ ತಕ್ಕ್‌ನ ಕ್‍ೕಪ, ಮಂಗಲಕಾರಂಡ ದ್ವನಿ ಕ್‍ೕಟಿತ್ ದುಂಬ ಕುಶಿ ಪಡುವ. ಅನ್ನನೆ ನಾಕ್ ಆ ಕುಶಿ ಕ್‍ಟ್ಟಿತ್, ನಾಡ ಕುಶಿ ಪೂರ್ತಿ ಆಚಿ.

ಅಪೊಸ್ತಲ 2:19

ಅದಲ್ಲತೆ ಬಾನತ್‍ರ ಮೇಲೆ ಆಶ್ಚರ್ಯ ಕಾರ್ಯತ್‍ನ, ಕ್‍ೕ‍ದಲ್ ಉಳ್ಳ ಬೂಮಿಲ್ ಚೋರೆ, ತಿತ್ತ್, ಪಿಂಞ ಪೊಗೆರ ಮೋಡ ಈ ತರ ಗುರ್‌ತ್ ಕಾರ್ಯತ್‍ನ ಕಾಟುವಿ.

ರೋಮ್ 13:14

ಆಚೇಂಗಿ, ತಡೀರ ಮೋಹಕಾಯಿತ್ ತಡೀನ ನೋಟತೆ, ಒಡೆಯನಾನ ಯೇಸು ಕ್ರಿಸ್ತನ ಇಟ್ಟೊಳಿ.

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

2 ಕೊರಿಂಥ 11:2

ಕ್ರಿಸ್ತ ಎಣ್ಣುವ ಒರೇ ಪುತ್ತಂಗಾರಂಗ್ ನಿಂಗಳ ಪವಿತ್ರ ಕನ್ನಿ ಮೂಡಿಯಾಯಿತ್ ಒಪ್ಪ್‌ಚಿಡಂಡೂಂದ್ ನಾನ್ ನಿಶ್ಚಯ ಮಾಡ್‍ನಗುಂಡ್, ನಿಂಗಕಾಯಿತ್ ದೇವಡ ವೈರಾಗ್ಯವಾನ ವೈರಾಗ್ಯತ್‍ಲ್ ನಾನ್ ಉಳ್ಳ.

ಗಲಾತ್ಯ 3:27

ಎನ್ನಂಗೆಣ್ಣ್‌ಚೇಂಗಿ, ದಾರೆಲ್ಲಾ ಕ್ರಿಸ್ತಂಡಲ್ಲಿ ದೀಕ್ಷಾಸ್ನಾನ ಎಡ್‍ತತೋ ಅಯಿಂಗೆಲ್ಲಾ, ಒಬ್ಬ ಪುದಿಯ ಬಟ್ಟೇನ ಇಡ್‍ವನೆಕೆ ಕ್ರಿಸ್ತನ ಇಟ್ಟಿತುಂಡ್.

ಗಲಾತ್ಯ 4:26

ಆಚೇಂಗಿ, ಇಂಞೊಬ್ಬ ಸ್ವಾವಂತ್ರವಾನ ಸಾರಾಳ ಎಣ್ಣುವವ. ಅವಳ ಪರಲೋಕತ್‍ರ ಯೆರೂಸಲೇಮ್‍ೕಂದ್ ಎಣ್ಣ್‌ವಕ್ ಕಯ್ಯು. ಅವಳೇ ನಂಗಕೆಲ್ಲ ಅವ್ವ.

ಗಲಾತ್ಯ 6:14

ಆಚೇಂಗಿ, ನಾಕ್ ಕ್ರಿಸ್ತಂಡ ಶಿಲುಬೇರ ವಿಷಯತ್‍ನ ಬುಟ್ಟಿತ್ ಬೋರೆ ಏದ್ ವಿಷಯತ್‍ಲು ಹೊಗಳಿಚಿಡುವದ್ ಬೋಂಡ; ಈ ಲೋಕ ಅಂವೊನಗುಂಡ್ ನಾಕಾಯಿತ್ ಶಿಲುಬೇಲ್ ಉಂಡ್, ನಾನ್ ಸಹ ಈ ಲೋಕತ್‍ರ ಆಸೆಕೆಲ್ಲಾ ನನ್ನ ಶಿಲುಬೇಕ್ ಇಟ್ಟಿಯೆ.

ಎಫೆಸ 5:32

ಈ ಮರ್ಮ ಬಲ್ಯದ್. ಇಕ್ಕ ನಾನ್ ಕ್ರಿಸ್ತ ಪಿಂಞ ಸಬೆರ ವಿಷಯತ್‍ನ ಎಣ್ಣಿಯಂಡುಂಡ್.

ಪ್ರಕಟನೆ 1:20

ನಾಡ ಬಲ್‌ತೆ ಕೈಯಿಲ್ ನೀನ್ ನೋಟ್‌ನ ಏಳ್ ನಕ್ಷತ್ರತ್‍ರ ಮರ್ಮತ್‍ನ ಪಿಂಞ ಕುತ್ತ್ ಬೊಳ್‍ಚತ್‍ರ ಮರ್ಮತ್‍ನ ಒಳ್‍ದ್. ಆ ಏಳ್ ನಕ್ಷತ್ರ, ಏಳ್ ಸಬೆರ ದೂತಂಗ; ನೀನ್ ನೋಟ್‌ನ ಏಳ್ ಕುತ್ತ್ ಬೊಳ್‍ಚ ಏಳ್ ಸಬೇಂದ್ ಎಣ್ಣ್‌ಚಿ.

ಪ್ರಕಟನೆ 11:19

ಅಕ್ಕ, ಪರಲೋಕತ್‍ಲ್ ಉಳ್ಳ ದೇವಾಲಯ ತೊರ್ಂದತ್. ಅಂವೊಂಡ ಆಲಯತ್‍ಲ್ ಅಂವೊಂಡ ಒಪ್ಪಂದತ್‍ರ ಪೊಟ್ಟಿನ ಕಾಂಬಕ್ ಆಚಿ; ಅಕ್ಕಣೆಕ್ ಮಿಂಚ್, ವಾಣಿ, ಗುಡ್‍ಗ್ ಬೂಕಂಪ ಪಿಂಞ ಬಲ್ಯ ಆಲಿಕಾಯಿರ ಮಳೆ ಪೊಜ್ಜತ್.

ಪ್ರಕಟನೆ 12:3

ಅಕ್ಕ, ಬಾನತ್‍ಲ್ ಇಂಞೊರ್ ಗುರ್‍ತ್‍ನ ಕಾಂಬಕಾಚಿ; ಅದ್ ಚೋಂದಿತ್ ಇಂಜ ಬಲ್ಯ ಘಟಸರ್ಪವಾಯಿತ್ಂಜತ್. ಅದ್ಂಗ್ ಏಳ್ ಮಂಡೆ, ಪತ್ತ್ ಕೊಂಬ್ ಪಿಂಞ ಅದ್ಂಡ ಮಂಡೆರ ಮೇಲೆ ಏಳ್ ಕಿರೀಟ ಇಂಜತ್.

ಪ್ರಕಟನೆ 15:1

ಪಿಂಞ, ಪರಲೋಕತ್‍ಲ್ ಬಲ್ಯದಾಯಿತ್ ಆಶ್ಚರ್ಯವಾನ ಇಂಞೊರ್ ಗುರ್‌ತ್‌ನ ನಾನ್ ಕಂಡಿಯೆ. ಇದ್ ಆಕೀರ್ ಆಯಿತುಳ್ಳ ಏಳ್ ಬಾದೆನೆ ಬೆಚ್ಚಿತ್ಂಜ ಏಳ್ ದೂತಂಗಳಾಯಿತ್ಂಜತ್. ಇದ್‍ನಗುಂಡ್ ದೇವಡ ಚೆಡಿ ತ್‍ೕಂದ್ ಪೋಪ.

ಪ್ರಕಟನೆ 21:14

ಆ ಪಟ್ಟಣತ್‍ರ ಗೋಡೆರ ಪನ್ನೆರಂಡ್ ಅಡಿಪಾಯತ್‍ರ ಕಲ್ಲ್ ಇಂಜತ್; ಅದ್ಂಡಮೇಲೆ, ಕೊರಿಕುಟ್ಟಿಯಾನವೊಂಡ ಪನ್ನೆರಂಡ್ ಅಪೊಸ್ತಲಂಗಡ ಪನ್ನೆರಂಡ್ ಪೆದ ಇಂಜತ್.

ಪ್ರಕಟನೆ 21:23

ಆ ಪಟ್ಟಣಕ್ ಬೊಳಿ ಕೊಡ್‍ಪಕ್ ಸೂರ್ಯನಾಡ್ ಚಂದ್ರನಾಡ್ ಬೋಂಡ್‍ವಕಿಂಜ್‍ಲೆ; ದೇವಡ ಮಹಿಮೆಯೇ ಅದ್ಂಗ್ ಬೊಳಿಯಾಯಿತ್ಂಜತ್. ಕೊರಿಕುಟ್ಟಿಯಾನಂವೊನೇ ಅದ್ಂಗ್ ಬೊಳಕಾಯಿತ್ಂಜತ್