ಪ್ರಕಟನೆ 11:9 - ಕೊಡವ ಬೈಬಲ್

⁹ ಎಲ್ಲಾ ಜನಳು, ಎಲ್ಲಾ ಕುಲವು, ಎಲ್ಲಾ ತಕ್ಕ್‌ರ ಜನಳು, ಎಲ್ಲಾ ಜಾತಿಯಳು ಅಯಿಂಗಡ ಚಾವ್ ತಡೀನ ಮೂಂದರೆ ನಾಳ್‍ಕತ್ತನೆ ನೋಟುವ, ಅಯಿಂಗಡ ಚಾವ್ ತಡೀನ ಗೋರಿಲ್ ಇಡ್‌ವಕ್ ಒಪ್ಪ್‌ಲೆ.

ಪ್ರಕಟನೆ 11:9 ပူးပေါင်းရင်းမြစ်များ

ಮತ್ತಾಯ 7:2

ಎನ್ನಂಗೆಣ್ಣ್‌ಚೇಂಗಿ, ನಿಂಗ ಬೋರೆ ಜನತ್‍ನ ಎನ್ನನೆ ತೀರ್ಪ್ ಮಾಡ್‍ವಿರೋ ಅನ್ನನೆ ದೇವ ನಿಂಗಕು ತೀರ್ಪ್ ಮಾಡ್‌ವ. ಏದ್ ಅಳ್‌ತೆಲ್ ನಿಂಗ ತೀರ್ಪ್ ಮಾಡ್‌ವಿರ, ಅದೇ ಅಳ್‌ತೆಲ್ ದೇವ ನಿಂಗಳ ಸಹ ತೀರ್ಪ್ ಮಾಡ್‌ವ.

ಪ್ರಕಟನೆ 10:11

ಅಕ್ಕ ಅಂವೊ ನನ್ನ ನೋಟಿತ್: ನೀನ್ ಪುನಃ ದುಂಬ ಜನಡ, ಜಾತಿಯಡ, ಬಾಷೆಕಾರಡ, ರಾಜಂಗಡ ವಿಷಯತ್ ಪ್ರವಾದನೆ ಎಣ್ಣಂಡೂಂದ್ ನಾಕ್ ಎಣ್ಣ್‌ಚಿ.

ಪ್ರಕಟನೆ 11:11

ಮೂಂದರೆ ದಿವಸ ಆನ ಪಿಂಞ, ದೇವಡ ಕಡೇಯಿಂಜ ಜೀವತ್‍ರ ಆತ್ಮ ಬಂದಿತ್ ಅಯಿಂಗಡ ಒಳ್‍ಕ್ ಪೋಪ. ಅಕ್ಕ ಅಯಿಂಗ ಕಾಲೂರಿತ್ ಎದ್ದಿತ್ ನಿಂದತ್; ಅಯಿಂಗಳ ನೋಟ್‌ನಯಿಂಗಕ್ ದುಂಬ ಪೋಡಿ ಆಚಿ.

ಪ್ರಕಟನೆ 13:7

ಇದ್‍ಲ್ಲತೆ, ದೇವಡ ಮಕ್ಕಡ ಕೂಡೆ ಯುದ್ದ ಮಾಡಿತ್ ಅಯಿಂಗಳ ಗೆಲ್ಲುವಕ್ ಅದಿಕಾರ ಕ್‍ಟ್ಟಿತ್ಂಜತ್. ಓರೋರ್ ಜನಡಮೇಲೆ, ಕುಲತ್‍ರ ಮೇಲೆ, ಬಾಷೆಕಾರಯಿಂಗಡ ಮೇಲೆ, ಜಾತಿಯಡ ಮೇಲೆ ಸಹ ಅದ್ಂಗ್ ಅದಿಕಾರ ಕೊಡ್‌ತಿತ್ಂಜತ್.

ಪ್ರಕಟನೆ 17:15

ಪಿಂಞ ದೇವದೂತ ನಾಕ್: ವೇಶಿಯಾನ ಪೊಣ್ಣಾಳ್ ಅಳ್‍ತಂಡಿಂಜನೆಕೆ ನೀನ್ ನೋಟ್‌ನ ನೀರ್ ಎಂತ ಎಣ್ಣ್‌ಚೇಂಗಿ; ಅದ್ ಜನಳು, ಜನತ್‍ರ ಗುಂಪು, ಜಾತಿಯಳು ಬಾಷೆಕಾರಳುವಾಯಿತುಂಡ್.

ಪ್ರಕಟನೆ 5:8

ಆ ಪುಸ್ತಕತ್‍ನ ಅಂವೊ ಎಡ್‍ಪಕ, ನಾಲ್ ಜೀವ ಪ್ರಾಣಿಯಳು, ಇರುವತ ನಾಲ್ ಪೆರಿಯಯಿಂಗಳು, ಕೊರಿಕುಟ್ಟಿರ ಮಿಂಞಕ್ ಅಡ್ಡ ಬುದ್ದತ್. ಅಯಿಂಗ ಒಬ್ಬೊಬ್ಬನು ಅಯಿಂಗಯಿಂಗಡ ವೀಣೇನ ಪಿಂಞ ದೇವಡ ಮಕ್ಕಡ ಪ್ರಾರ್ಥನೆಯಾಯಿತುಳ್ಳ ಸುಗಂದ ದೂಪತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ಪುಡ್‍ಚಂಡ್ ಅಯಿಂಗ:

ಪ್ರಕಟನೆ 5:9

ನೀನ್ ಈ ಪುಸ್ತಕತ್‍ನ ಎಡ್‍ಪಕು, ಅದ್ಂಡ ಮುದ್ರೆಯಳ ಪೊಳಿಪಕು ಯೋಗ್ಯನಾಯಿತುಳ್ಳಿಯ; ಎನ್ನಂಗೆಣ್ಣ್‌ಚೇಂಗಿ, ನೀನ್ ಮಿಂಞಲೇ ಬಲಿಯಾಯಿತ್, ಎಲ್ಲಾ ಕುಲತ್ಂಜ, ಎಲ್ಲಾ ತಕ್ಕ್‌ಯಿಂಜ, ಎಲ್ಲಾ ಜನತ್‍ಂಜ, ಎಲ್ಲಾ ಜಾತಿಯಿಂಜ ಜನಳ ದೇವಕಾಯಿತ್ ನೀಡ ಚೋರೆನಗುಂಡ್ ಬುಡ್‍ಗಡೆ ಮಾಡಿತ್,