ಪ್ರಕಟನೆ 11:2 - ಕೊಡವ ಬೈಬಲ್

² ದೇವಾಲಯತ್‍ರ ಪೊರಮೆ ಬಾಗತ್‍ನ ಅಳ್‌ತೆ ಮಾಡತೆ, ಅದ್‍ನ ಯೆಹೂದ್ಯ ಅಲ್ಲತಯಿಂಗಕ್ ಕೊಡ್‌ತಿಯೆ; ಅಯಿಂಗ ಪವಿತ್ರವಾಯಿತುಳ್ಳ ಪಟ್ಟಣತ್‍ನ ನಾಪತ ದಂಡ್ ತಿಂಗ ಚೌಟ್‍ವ.

ಪ್ರಕಟನೆ 11:2 ပူးပေါင်းရင်းမြစ်များ

ಮತ್ತಾಯ 27:53

ಯೇಸು ಚಾವ್‍ಯಿಂಜ ಜೀವವಾಯಿತ್ ಎದ್ದ ಪಿಂಞ ಅಯಿಂಗೆಲ್ಲ ಪೊರಮೆ ಬಂತ್ ಪವಿತ್ರ ಪಟ್ಟಣವಾನ ಯೆರೂಸಲೇಮ್‍ರ ಒಳ್‍ಕ್ ಪೋಯಿತ್, ದುಂಬ ಜನಕ್ ಅಯಿಂಗಳ ಕಾಂಬ್‌ಚಿಟ್ಟಂಡತ್.

ಮತ್ತಾಯ 4:5

ಅಕ್ಕ ಸೈತಾನ ಯೇಸುನ ಪವಿತ್ರವಾನ ಯೆರೂಸಲೇಮ್ ಪಟ್ಟಣಕ್ ಕಾಕಿಯಂಡ್ ಪೋಯಿತ್ ದೇವಾಲಯತ್‍ರ ಎತ್ತರವಾನ ಜಾಗತ್‍ಲ್ ನಿಪ್ಪ್‌ಚಿಟ್ಟಿತ್,

ಮತ್ತಾಯ 5:13

ನಿಂಗ ಈ ಲೋಕತ್‍ರ ಜನಕ್ ಉಪ್ಪಾಯಿತ್ ಉಳ್ಳಿರ. ಆಚೇಂಗಿ ಉಪ್ಪ್‌ರ ಸತ್ವ ಪೋಚೇಂಗಿ ಎಂತ ಫಲ? ಪುನಃ ನಿಂಗಕ್ ಉಪ್ಪ್‌ನ ಎನ್ನನೆ ಸತ್ವ ಮಾಡ್‌ವಕಯ್ಯು? ಅದ್‍ನ ಚಾಡಿತ್ ಚೌಟ್‍ವಕ್ ಅಲ್ಲತೆ ಬೋರೆ ಒರ್ ಕೆಲಸಕೂ ಅದ್ ಪ್ರಯೋಜನ ಆಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:24

ಚೆನ್ನ ಜನಳ ಬಾಳ್‍ಕತ್ತಿಯಿಂಜ ಕೊಂದ್‌ರ್‌ವ. ಚೆನ್ನ ಜನಳ ಬೋರೆ ದೇಶಕ್ ಪುಡ್‍ಚಂಡ್ ಪೋಪ. ಯೆಹೂದ್ಯ ಅಲ್ಲತಯಿಂಗಡ ಕಾಲ ಕಡೆ ಅಪಕತ್ತೆನೆ, ಯೆರೂಸಲೇಮ್ ಅನ್ಯ ಜನತ್‍ರ ಅಳುವೆರಗುಂಡ್ ಪಾಳಾಯಿ ಪೋಪ.

ಇಬ್ರಿಯ 10:29

ದೇವಡ ಮೋಂವೊನ ತಾಂಡ ಕಾಲ್‍ರ ಅಡಿಕ್ ಇಟ್ಟಿತ್ ಬೋಂಡಾಂದ್ ಎಣ್ಣಿತ್, ತನ್ನ ಪವಿತ್ರ ಮಾಡ್‍ನ ಒಪ್ಪಂದತ್‍ರ ಚೋರೆನ ಅಶುದ್ದಾಂದ್ ಗೇನ ಮಾಡಿತ್, ಕೃಪೇರ ಆತ್ಮತ್‌ನ ತ್‍ಕ್ಕಾರ ಮಾಡ್‌ವಂವೊ ಎಚ್ಚಕ್ ಬಲ್ಯ ದಂಡನೆಕ್ ಯೋಗ್ಯನಾಯಿತ್‌ಪ್ಪಾಂದ್ ಗೇನ ಮಾಡಿಯೊಳಿ.

ಪ್ರಕಟನೆ 11:11

ಮೂಂದರೆ ದಿವಸ ಆನ ಪಿಂಞ, ದೇವಡ ಕಡೇಯಿಂಜ ಜೀವತ್‍ರ ಆತ್ಮ ಬಂದಿತ್ ಅಯಿಂಗಡ ಒಳ್‍ಕ್ ಪೋಪ. ಅಕ್ಕ ಅಯಿಂಗ ಕಾಲೂರಿತ್ ಎದ್ದಿತ್ ನಿಂದತ್; ಅಯಿಂಗಳ ನೋಟ್‌ನಯಿಂಗಕ್ ದುಂಬ ಪೋಡಿ ಆಚಿ.

ಪ್ರಕಟನೆ 11:3

ನಾನ್ ನಾಡ ದಂಡ್ ಸಾಕ್ಷಿಕಾರಂಗಕ್ ಅದಿಕಾರ ಕೊಡ್‍ಪಿ. ಅಯಿಂಗ ಗೋಣಿಚೀಲತ್‍ನ ಪೊತ್ತಂಡ್ 1,260 ದಿನಕತ್ತನೆ ಪ್ರವಾದನೆ ಎಣ್ಣುವ.

ಪ್ರಕಟನೆ 12:6

ಆ ಪೊಣ್ಣಾಳ್ ಮಣಬೂಮಿಕ್ ಓಡಿ ಪೋಚಿ; ಅಲ್ಲಿ ಅವಕ್ 1,260 ದಿವಸಕತ್ತನೆ ಚಾಯಿತೆ ಬದ್‌ಕುವನೆಕೆ ದೇವ ಆ ಜಾಗತ್‍ನ ತಯಾರ್ ಮಾಡಿತ್ ಬೆಚ್ಚಿತ್ಂಜತ್.

ಪ್ರಕಟನೆ 21:10

ಅಂವೊ ನನ್ನ, ಬಲ್ಯದಾಯಿತ್ಂಜ ಉದ್ದವಾಯಿತ್ಂಜ ಒರ್ ಕುಂದ್‌ಕ್ ಪವಿತ್ರಾತ್ಮತ್‍ಲ್ ಎಡ್‍ತಂಡ್ ಪೋಚಿ. ದೇವಡ ಕಡೇಯಿಂಜ ಇಳಿಂಜಿತ್ ಬಂದಂಡುಳ್ಳ ಮಹಿಮೆ ದುಂಬ್‍ನ ಪವಿತ್ರವಾನ ಯೆರೂಸಲೇಮ್ ಪಟ್ಟಣ ಪರಲೋಕತ್‌ನ ಬುಟ್ಟಿತ್ ಬಪ್ಪದ್‍ನ ನಾಕ್ ಕಾಟಿ ತಾತ್.

ಪ್ರಕಟನೆ 21:2

ಪಿಂಞ, ಪರಲೋಕತ್ಂಜ ಪವಿತ್ರ ಪಟ್ಟಣವಾನ ಪುದಿಯ ಯೆರೂಸಲೇಮ್ ದೇವಡ ಕಡೇಯಿಂಜ ಇಳಿಂಜಿ ಬಪ್ಪದ್‍ನ ನಾನ್ ಕಂಡಿಯೆ. ಅದ್ ತಾಂಡ ಮಂಗಲಕಾರಂಗಾಯಿತ್ ಅಲಂಕಾರ ಮಾಡಿತ್ಂಜ ಮಂಗಲಕರ್ತಿರನೆಕೆ ಇಂಜತ್.

ಪ್ರಕಟನೆ 22:19

ದಾರೇಂಗಿ ಈ ಪ್ರವಾದನೆರ ಪುಸ್ತಕತ್‍ಲ್ ಒಳ್‍ದ್‍ನ ವಿಷಯತ್ಂಜ ಎಂತೇಂಗಿ ಎಡ್‍ತ್‍ಚೇಂಗಿ, ದೇವ ಜೀವ ಪುಸ್ತಕತ್ಂಜ, ಪವಿತ್ರವಾನ ಪಟ್ಟಣತ್ಂಜ ಪಿಂಞ ಈ ಪುಸ್ತಕತ್‍ಲ್ ಒಳ್‍ದಿ ಬೆಚ್ಚಿತ್ಂಜ ವಿಷಯತ್ಂಜ ಅಂವೊಂಡ ಬಾದ್ಯತೇನ ಎಡ್‌ತ್‌ರ್‌ವ.