ಪ್ರಕಟನೆ 11:18 - ಕೊಡವ ಬೈಬಲ್

¹⁸ ನೀಡ ಜನ ಅಲ್ಲತಯಿಂಗಕ್ ಚೆಡಿ ಬಾತ್, ಅಕ್ಕ ನೀಕ್ ಬಲ್ಯ ಚೆಡಿ ಉಂಟಾಚಿ; ಚತ್ತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟ್‌ವಕು, ಪ್ರವಾದಿಯಳಾನ ನೀಡ ಸೇವಕಂಗಕು, ದೇವಡ ಮಕ್ಕಕು, ನೀಡ ಪೆದತ್‍ರ ಮೇಲೆ ಬಕ್ತಿಯಾಯಿತ್ ಇಂಜ ಬಲ್ಯಯಿಂಗಕು ಚೆರಿಯಯಿಂಗಕು ಫಲ ತಪ್ಪಕು, ಬೂಮಿಕ್ ಕ್‍ೕಡ್ ಮಾಡ್‍ನಯಿಂಗಳ ಪಾಳ್ ಮಾಡ್‌ವಕು, ಸಮಯ ಬಾತ್‍ೕಂದ್ ಎಣ್ಣಿತ್ ದೇವನ ತುದಿಚತ್.

ಪ್ರಕಟನೆ 11:18 ပူးပေါင်းရင်းမြစ်များ

ಮತ್ತಾಯ 5:12

ಸಂತೋಷವಾಯಿತ್ ಇರಿ, ಕುಶಿ ಪಡಿರಿ; ಪರಲೋಕತ್‍ಲ್ ನಿಂಗಡ ಫಲ ಬಲ್ಯದಾಯಿತ್‌ಪ್ಪ. ಎನ್ನಂಗೆಣ್ಣ್‌ಚೇಂಗಿ, ನಿಂಗಕಿಂಜ ಮಿಂಞ ಇಂಜ ಪ್ರವಾದಿಯಂಗಕ್ ಸಹ ಅಯಿಂಗ ಇನ್ನನೆ ಹಿಂಸೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:50

ಅಂವೊಂಗ್ ಬೊತ್ತಿಯಂಡ್ ನಡ್‍ಪಯಿಂಗಕ್ ಒರ್ ಸಂತಾನತ್ಂಜ ಇಂಞೊರ್ ಸಂತಾನಕ್ ಕನಿಕರ ಕಾಟುವ.

ಇಬ್ರಿಯ 9:27

ಒರೇ ಕುರಿ ಚಾವದು, ಪಿಂಞ ನ್ಯಾಯತೀರ್ಪ್ ಕ್‍ಟ್ಟ್‌ವದು ಮನುಷ್ಯಂಗಕ್ ನೇಮಿಚಿಟ್ಟಿತುಂಡ್.

ಪ್ರಕಟನೆ 10:7

ಇಂಞು ಮಿಂಞಕ್ ಸಮಯ ಇಲ್ಲೆ; ಆಚೇಂಗಿಯು, ದೇವ ತಾಂಡ ಸೇವಕಂಗಳಾನ ಪ್ರವಾದಿಯಂಗಕ್ ನಲ್ಲ ಸುದ್ದಿಯಾಯಿತ್ ಅರಿಚಿಟ್ಟನೆಕೆ, ಏಳನೆ ದೇವದೂತ ವಾಲಗ ಕೊಂಬ್‍ನ ಊದ್‍ವ ಸಮಯತ್‍ಲ್, ದೇವಡ ಮರ್ಮ ನೆರವೇರ್‌ವಾಂದ್ ಎಣ್ಣ್‌ಚಿ.

ಪ್ರಕಟನೆ 11:2

ದೇವಾಲಯತ್‍ರ ಪೊರಮೆ ಬಾಗತ್‍ನ ಅಳ್‌ತೆ ಮಾಡತೆ, ಅದ್‍ನ ಯೆಹೂದ್ಯ ಅಲ್ಲತಯಿಂಗಕ್ ಕೊಡ್‌ತಿಯೆ; ಅಯಿಂಗ ಪವಿತ್ರವಾಯಿತುಳ್ಳ ಪಟ್ಟಣತ್‍ನ ನಾಪತ ದಂಡ್ ತಿಂಗ ಚೌಟ್‍ವ.

ಪ್ರಕಟನೆ 13:10

ದಾರ್ ಜನಳ ಪುಡ್‌ಚಿತ್ ಅಡಿಯಾಳಾಯಿತ್ ಕೊಂಡ್ ಪೋಪ, ಅಯಿಂಗಳ ಸಹ ಅಡಿಯಾಳಾಯಿತ್ ಪುಡ್‍ಚಂಡ್ ಪೋಪ; ಬಾಳ್‌ಯಿಂಜ ಕೊಲ್ಲ್‌ವಂವೊ ಬಾಳ್‍ರಗುಂಡ್ ಚಾವಂಡು. ಇದ್‍ಲ್ ದೇವಡ ಮಕ್ಕಡ ಪೊರುಮೆ ಪಿಂಞ ನಂಬಿಕೆ ಗೊತ್ತಾಪ.

ಪ್ರಕಟನೆ 13:16

ಚೆರಿಯಯಿಂಗ, ಬಲ್ಯಯಿಂಗ, ಐಶ್ವರ್ಯವಂತಯಿಂಗ, ಗರೀಬಂಗ, ಸ್ವಾತಂತ್ರವಾನಯಿಂಗ, ಅಡಿಯಾಳ್‍ಂಗ, ಈಂಗೆಲ್ಲಾ ಅಯಿಂಗಡ ಬಲ್‌ತೆ ಕೈಯಿಲ್ ಅಥವ ನೆತ್ತಿರ ಮೇಲೆ ಒರ್ ಮುದ್ರೆನ ಇಡಂಡೂಂದ್ ಒತ್ತಾಯ ಮಾಡ್‍ಚಿ.

ಪ್ರಕಟನೆ 14:10

ದೇವಡ ಬಲ್ಯ ಚೆಡಿರ ಪಾತ್ರತ್‍ಲ್ ಏದು ಕಲ್‍ಕ್‍ತ ದೇವಡ ಗಟ್ಟಿಯಾನ ಬಲ್ಯ ಚೆಡಿರ ಕಳ್ಳ್‌ನ ಕುಡಿಚಿತ್, ಪವಿತ್ರವಾನ ದೂತಂಗಡ ಮಿಂಞತ್, ಕೊರಿಕುಟ್ಟಿಯಾನವೊಂಡ ಮಿಂಞತ್ ತಿತ್ತ್‌ರ ಜ್ವಾಲತ್‌ರಗುಂಡ್ ಗಂಧಕತ್‍ರಗುಂಡ್ ಕಷ್ಟಪಟ್ಟಂಡ್ ಇಪ್ಪ.

ಪ್ರಕಟನೆ 15:1

ಪಿಂಞ, ಪರಲೋಕತ್‍ಲ್ ಬಲ್ಯದಾಯಿತ್ ಆಶ್ಚರ್ಯವಾನ ಇಂಞೊರ್ ಗುರ್‌ತ್‌ನ ನಾನ್ ಕಂಡಿಯೆ. ಇದ್ ಆಕೀರ್ ಆಯಿತುಳ್ಳ ಏಳ್ ಬಾದೆನೆ ಬೆಚ್ಚಿತ್ಂಜ ಏಳ್ ದೂತಂಗಳಾಯಿತ್ಂಜತ್. ಇದ್‍ನಗುಂಡ್ ದೇವಡ ಚೆಡಿ ತ್‍ೕಂದ್ ಪೋಪ.

ಪ್ರಕಟನೆ 15:7

ಅಕ್ಕ, ಅಲ್ಲಿಯಿಂಜ ನಾಲ್ ಜೀವಿಯಡ ಕೂಟ್‌ಲ್ ಒಬ್ಬ, ಎಕ್ಕಾಲು ಬದ್‍ಕಿಯಂಡಿಪ್ಪ ದೇವಡ ಬಲ್ಯ ಚೆಡಿರಗುಂಡ್ ದುಂಬಿತ್ಂಜ ಪೊನ್ನ್‌ರ ಏಳ್ ಪಾತ್ರತ್‍ನ ಆ ಏಳ್ ದೂತಂಗಕ್ ಕೊಡ್‍ತತ್.

ಪ್ರಕಟನೆ 18:6

ಅವ ನಿಂಗಕ್ ಮಾಡ್‍ನನೆಕೆ ಅವಕ್ ನಿಂಗ ಬದ್‍ಲ್ ಮಾಡಿ; ಅವಡ ಕೆಲಸಕ್ ತಕ್ಕಂತದ್‍ನ ಅವಕ್ ದಂಡ್‍ರಚ್ಚಕ್ ಅಳ್‌ತೆಲ್ ನಿಂಗ ಮಾಡಂಡು; ಅವ ನಿಂಗಕ್ ಕಲ್‍ಕಿತ್ ಕೊಡ್‍ತ ಪಾತ್ರತ್‍ಲ್, ಅವಕ್ ದಂಡ್ ಪಾಲ್ ಜಾಸ್ತಿ ಕಲ್‍ಕಿತ್ ಕೊಡಿ.

ಪ್ರಕಟನೆ 19:15

ದೇವಡ ಮಕ್ಕ ಅಲ್ಲತಯಿಂಗಳ ಕೊಲ್ಲ್‌ವಕಾಯಿತ್ ಅಂವೊಂಡ ಬಾಯಿಂಜ ಚೂಪಾಯಿತುಳ್ಳ ಕತ್ತಿ ಪೊರಟಿತ್ ಬಾತ್; ಇರ್‌ಂಬ್ ಕೋಲ್‍ರಗುಂಡ್ ಅಂವೊ ಅಯಿಂಗಳ ರಾಜ್ಯಬಾರ ಮಾಡ್‌ವ; ಅಂವೊ ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವಡ ಬಲ್ಯ ಚೆಡಿರ ಕಳ್ಳ್ ಉಳ್ಳ ದ್ರಾಕ್ಷಿ ಕುಂಡ್‍ಲ್ ಚೌಟ್‍ವ.

ಪ್ರಕಟನೆ 19:18

ನಿಂಗ, ರಾಜಂಗಡ ಯರ್ಚಿನ, ಸೇನಾದಿಪತಿಯಂಗಡ ಯರ್ಚಿನ, ಶಕ್ತಿವಂತಯಿಂಗಡ ಯರ್ಚಿನ, ಕುದ್‍ರೆರ ಯರ್ಚಿನ, ಅದ್ಂಡಮೇಲೆ ಅಳ್‌ತಂಡುಳ್ಳಯಿಂಗಡ ಯರ್ಚಿನ, ಸ್ವಾತಂತ್ರವಾನಯಿಂಗ, ಅಡಿಯಾಳ್‍ವ, ಚೆರಿಯಯಿಂಗ, ಬಲ್ಯಯಿಂಗ ಈಂಗಡ ಯರ್ಚಿನ ತಿಂಬಕಾಯಿತ್, ಮಹಾ ದೇವ ತಪ್ಪ ಗದ್ದಾಳಕ್ ಕೂಡಿತ್ ಬಾರೀಂದ್ ಬಲ್ಯ ಸದ್ದ್‌ಲ್ ಕೂತ್ ಕೊಡ್‍ತತ್.

ಪ್ರಕಟನೆ 19:5

ಅದಲ್ಲತೆ, ಸಿಂಹಾಸನತ್‍ರ ಕಡೇಯಿಂಜ ಒರ್ ವಾಣಿ ಬಾತ್; ಅದ್: ದೇವಡ ಸೇವಕಂಗಳೇ, ಅಂವೊಂಗ್ ಬೊತ್ತಿತ್ ನಡ್‍ಪ ಚೆರಿಯಯಿಂಗಳೇ, ಬಲ್ಯಂಗಳೇ ನಿಂಗ ಎಲ್ಲಾರು ದೇವನ ತುದಿಚಿತ್ ಕೊಂಡಾಡೀಂದ್ ಎಣ್ಣ್‌ಚಿ.

ಪ್ರಕಟನೆ 20:12

ಚತ್ತಯಿಂಗಳಾನ ಚೆರಿಯಯಿಂಗಳ, ಬಲ್ಯಯಿಂಗಳ, ದೇವಡ ಸಿಂಹಾಸನತ್‍ರ ಎದ್‍ಕೆ ನಿಂದಿತುಳ್ಳಾನ ಕಂಡಿಯೆ. ಅಕ್ಕ ಪುಸ್ತಕ ಎಲ್ಲಾ ತೊರ್ಂದತ್, ಅಲ್ಲಿಂಜ ಜೀವ ಪುಸ್ತಕ ಎಣ್ಣುವ ಬೋರೆ ಒರ್ ಪುಸ್ತಕವು ತೊರ್ಂದತ್; ಅಕ್ಕ ಆ ಪುಸ್ತಕತ್‍ಲ್ ಒಳ್‍ದಿತುಳ್ಳನೆಕೆ, ಚತ್ತಯಿಂಗಕ್ ಅಯಿಂಗಯಿಂಗ ಮಾಡ್‍ನ ಕ್ರಿಯೇಕ್ ತಕ್ಕಂತ ನ್ಯಾಯತೀರ್ಪ್ ಕ್‍ಟ್ಟ್‌ಚಿ.

ಪ್ರಕಟನೆ 20:15

ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತ್ ಇಲ್ಲತಯಿಂಗಳಾಯಿತ್ ದಾರ್ ಉಂಡೋ ಅಯಿಂಗಳೆಲ್ಲ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್.

ಪ್ರಕಟನೆ 22:12

ನೋಟಿ! ನಾನ್ ಬೆರಿಯ ಬಂದಂಡುಳ್ಳ; ನಾನ್ ತಪ್ಪ ಫಲ ನಾಡಲ್ಲಿ ಉಂಡ್. ಒಬ್ಬೊಬ್ಬನು ಮಾಡ್‍ನ ಕ್ರಿಯೇಕ್ ತಕ್ಕಂತ ಫಲತ್‍ನ ನಾನ್ ತಪ್ಪಿ.