ಪ್ರಕಟನೆ 11:16 - ಕೊಡವ ಬೈಬಲ್

¹⁶ ಅಕ್ಕ, ದೇವಡ ಮಿಂಞತ್‍ಲ್ ಅಯಿಂಗಯಿಂಗಡ ಸಿಂಹಾಸನತ್‍ಲ್ ಅಳ್‍ತಂಡಿಂಜ ಇರುವತ ನಾಲ್ ಪೆರಿಯಯಿಂಗಳು, ಅಡ್ಡ ಬುದ್ದಿತ್ ದೇವನ ಆರಾದನೆ ಮಾಡ್‍ಚಿ.

ಪ್ರಕಟನೆ 11:16 ပူးပေါင်းရင်းမြစ်များ

ಮತ್ತಾಯ 19:28

ಅದ್ಂಗ್ ಯೇಸು: ಮನುಷ್ಯಕುಮಾರ ಪುದಿಯ ಲೋಕತ್‍ನ ಮಾಡಿತ್ ತಾಂಡ ಮಹಿಮೇರ ಸಿಂಹಾಸನತ್‍ಲ್ ಅಳ್‌ಪಕಾಪಕ, ನಾಡ ಬೋದನೆನ ಕ್‍ೕಟಿತ್ ನಾಡ ಬಯ್ಯ ಬಂದ ನಿಂಗ ಇಸ್ರಾಯೇಲ್‍ರ ಪನ್ನೆರಂಡ್ ಕುಲತ್‍ನ ನ್ಯಾಯತೀರ್ಪ್ ಕೊಡ್‍ಪಕ್ ಪನ್ನೆರಂಡ್ ಸಿಂಹಾಸನತ್‍ರ ಮೇಲೆ ಅಳ್‌ಪಿರಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಪ್ರಕಟನೆ 19:4

ಅಕ್ಕ ಇರುವತ ನಾಲ್ ಪೆರಿಯಯಿಂಗ ಪಿಂಞ ನಾಲ್ ಜೀವಿಯ ಅಡ್ಡ ಬುದ್ದಿತ್: ಆಮೆನ್, ಹಲ್ಲೆಲೂಯಾಂದ್ ಎಣ್ಣಿಯಂಡ್ ಸಿಂಹಾಸನತ್‍ಲ್ ಅಳ್‌ತಿತಳ್ಳ ದೇವಕ್ ಆರಾದನೆ ಮಾಡ್‍ಚಿ.

ಪ್ರಕಟನೆ 4:10

ಅಕ್ಕ ಇರುವತ ನಾಲ್ ಪೆರಿಯಯಿಂಗಳು, ಸಿಂಹಾಸನತ್‍ಲ್ ಅಳ್‌ತಂಡ್ ಉಳ್ಳಂವೊಂಡ ಮಿಂಞತ್ ಅಡ್ಡ ಬುದ್ದಿತ್, ಎಕ್ಕಾಲು ಬದ್‍ಕಿಯಂಡುಳ್ಳಂವೊನ ಆರಾದನೆ ಮಾಡಿತ್, ಅಯಿಂಗಡ ಕಿರೀಟತ್‍ನ ಸಿಂಹಾಸನತ್‍ರ ಮಿಂಞ ಬೆಚ್ಚಿತ್,

ಪ್ರಕಟನೆ 4:4

ಆ ಸಿಂಹಾಸನತ್‍ರ ಸುತ್ತ್‌ಲ್ ಇರುವತ ನಾಲ್ ಸಿಂಹಾಸನ ಇಂಜತ್. ಇರುವತ ನಾಲ್ ಪೆರಿಯಯಿಂಗ ಬೊಳ್‍ತ ಬಟ್ಟೆ ಇಟ್ಟಂಡ್, ಅಯಿಂಗಡ ಮಂಡೆಲ್ ಪೊನ್ನ್‌ರ ಕಿರೀಟ ಇಟ್ಟಿತ್ ಆ ಸಿಂಹಾಸನತ್‍ಲ್ ಅಳ್‌ತಂಡಿಪ್ಪದ್‍ನ ಕಂಡಿಯೆ.

ಪ್ರಕಟನೆ 5:14

ಅಕ್ಕ ನಾಲ್ ಜೀವ ಪ್ರಾಣಿಯಳು ಆಮೆನ್‍ಂದ್ ಎಣ್ಣ್‌ಚಿ. ಇರುವತ ನಾಲ್ ಪೆರಿಯಯಿಂಗಳು ಪುನಃ ಅಡ್ಡ ಬುದ್ದಿತ್ ಎಕ್ಕಾಲು ಜೀವವಾಯಿತ್ ಇಪ್ಪಂವೊನ ಆರಾದನೆ ಮಾಡ್‍ಚಿ.

ಪ್ರಕಟನೆ 7:11

ಅಕ್ಕಣೆಕ್, ದೂತಂಗ ಎಲ್ಲಾರು ಸಿಂಹಾಸನಕ್, ಪೆರಿಯಯಿಂಗಕ್ ಪಿಂಞ ನಾಲ್ ಜೀವ ಪ್ರಾಣಿಯಡ ಸುತ್ತ್‌ಲ್ ನಿಂದಂಡ್, ಸಿಂಹಾಸನತ್‍ರ ಮಿಂಞಕ್ ಅಡ್ಡ ಬುದ್ದಿತ್ ದೇವಕ್ ಆರಾದನೆ ಮಾಡ್‍ಚಿ.