ಪ್ರಕಟನೆ 11:11 - ಕೊಡವ ಬೈಬಲ್

¹¹ ಮೂಂದರೆ ದಿವಸ ಆನ ಪಿಂಞ, ದೇವಡ ಕಡೇಯಿಂಜ ಜೀವತ್‍ರ ಆತ್ಮ ಬಂದಿತ್ ಅಯಿಂಗಡ ಒಳ್‍ಕ್ ಪೋಪ. ಅಕ್ಕ ಅಯಿಂಗ ಕಾಲೂರಿತ್ ಎದ್ದಿತ್ ನಿಂದತ್; ಅಯಿಂಗಳ ನೋಟ್‌ನಯಿಂಗಕ್ ದುಂಬ ಪೋಡಿ ಆಚಿ.

ಪ್ರಕಟನೆ 11:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 2:7

ಅಲ್ಲಿಂಜ ಯೆಹೋವನಾನ ದೇವ ನೆಲತ್‌ರ ಮಣ್ಣ್‌ಂಜ ಮನುಷ್ಯನ ರೂಪ್‌ಚಿಟ್ಟಿತ್‌ ಅಂವೊಂಡ ಮೂಕ್‌ಲ್ ತಾಂಡ ಜೀವ ಶ್ವಾಸತ್‌ನ ಊದ್ವಕ, ಆ ಮನುಷ್ಯ ಒರ್‌ ಜೀವವುಳ್ಳ ಮನುಷ್ಯನಾಚಿ.

ಅಪೊಸ್ತಲ 5:11

ಸಬೆರ ಜನಕೆಲ್ಲಾ ಪಿಂಞ ಇದ್‍ನ ಕ್‍ೕಟ ಬೋರೆ ಎಲ್ಲಾರ್‌ಕು ದುಂಬ ಪೋಡಿ ಆಚಿ.

ಅಪೊಸ್ತಲ 5:5

ಅನನೀಯ ಈ ತಕ್ಕ್‌ನ ಕ್‍ೕಪಕ ಅಲ್ಲೇ ಬುದ್ದಿತ್ ಜೀವ ಬುಟ್ಟತ್. ಇದ್‍ನ ಕ್‍ೕಟ ಜನಕೆಲ್ಲ ದುಂಬ ಪೋಡಿ ಆಚಿ.

ರೋಮ್ 8:11

ಅದಲ್ಲತೆ, ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊಂಡ ಆತ್ಮ ನಿಂಗಡ ಒಳ್‍ಲ್ ವಾಸಮಾಡಿಯಂಡಿಂಜತೇಂಗಿ, ಕ್ರಿಸ್ತ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊ, ನಿಂಗಡಲ್ಲಿ ವಾಸ ಮಾಡಿಯಂಡುಳ್ಳ ತಾಂಡ ಆತ್ಮತ್‍ರಗುಂಡ್ ಚತ್ತ್ ಪೋಪಕುಳ್ಳ ನಿಂಗಡ ತಡೀನ ಸಹ ಎಪ್ಪ್‌ಚಿಡುವ.

ರೋಮ್ 8:2

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ಉಳ್ಳ ಐಕ್ಯತ್‍ಲ್ ನಂಗಕ್ ಜೀವ ತಪ್ಪ ಪವಿತ್ರಾತ್ಮತ್‍ರ ಕಾನೂನ್, ನನ್ನ ಪಾಪ ಪಿಂಞ ಚಾವ್‍ರ ಕಾನೂನಿಂಜ ಬುಡುಗಡೆ ಮಾಡ್‍ಚಿ.

ಪ್ರಕಟನೆ 11:13

ಅದೇ ಸಮಯತ್‍ಲ್ ಬಲ್ಯ ಬೂಕಂಪ ಆಚಿ. ಅಕ್ಕಣೆಕ್ ಆ ಪಟ್ಟಣತ್‍ರ ಪತ್ತ್ ಬಾಗತ್‍ಲ್ ಒರ್ ಬಾಗ ಪೊಳಿಂಜ್ ಬುದ್ದ್ ಪೋಚಿ; ಏಳ್ ಆಯಿರ ಜನ ಚತ್ತ್ ಪೋಚಿ, ಬಾಕಿ ಜನಕ್ ಬಲ್ಯ ಪೋಡಿಯಾಯಿತ್ ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆ ಕೊಡ್‍ತತ್.

ಪ್ರಕಟನೆ 11:9

ಎಲ್ಲಾ ಜನಳು, ಎಲ್ಲಾ ಕುಲವು, ಎಲ್ಲಾ ತಕ್ಕ್‌ರ ಜನಳು, ಎಲ್ಲಾ ಜಾತಿಯಳು ಅಯಿಂಗಡ ಚಾವ್ ತಡೀನ ಮೂಂದರೆ ನಾಳ್‍ಕತ್ತನೆ ನೋಟುವ, ಅಯಿಂಗಡ ಚಾವ್ ತಡೀನ ಗೋರಿಲ್ ಇಡ್‌ವಕ್ ಒಪ್ಪ್‌ಲೆ.