ಪ್ರಕಟನೆ 1:15 - ಕೊಡವ ಬೈಬಲ್

¹⁵ ಅಂವೊಂಡ ಕಾಲ್‍ರ ಅಡಿ ಪಿಚ್ಚೋಳೆನ ತಿತ್ತ್‌ಲ್ ಇಡ್‍ವಕ ಪಳಪಳಾಂದ್ ಇಪ್ಪನೆಕೆ ಇಂಜತ್; ಅಂವೊಂಡ ಸ್ವರ ಒಕ್ಕಿಯಂಡ್ ಬಪ್ಪ ದುಂಬ ನೀರ್‌ರ ಸದ್ದ್‌ರನೆಕೆ ಇಂಜತ್.

ಪ್ರಕಟನೆ 1:15 ပူးပေါင်းရင်းမြစ်များ

ಪ್ರಕಟನೆ 10:1

ಪಿಂಞ, ಇಂಞೊರ್ ಶಕ್ತಿವಂತ ದೇವದೂತ ಬಾನತ್ಂಜ ಇಳ್ಂಜಿ ಬಪ್ಪಾನ ನಾನ್ ಕಂಡಿಯೆ; ಮೋಡ ಅಂವೊನ ಮುಚ್ಚಿತ್ಂಜತ್. ಅಂವೊಂಡ ಮಂಡೆರ ಮೇಲೆ ಮಳೆಬಿಲ್ಲ್ ಇಂಜತ್. ಅಂವೊಂಡ ಮೂಡ್ ಸೂರ್ಯಂಡನೆಕೆ ಇಂಜತ್, ಅಂವೊಂಡ ಕಾಲ್ ತಿತ್ತ್‌ರ ಕಂಬತ್‍ರನೆಕೆ ಇಂಜತ್.

ಪ್ರಕಟನೆ 14:2

ಇದ್‍ಲ್ಲತೆ, ಬಲ್ಯ ನೀರ್ ಚಾಡಿತ್ ಬಪ್ಪ ಸದ್ದ್‌ರನೆಕೆ, ಬಲ್ಯ ತೆಡ್‌ರ ಸದ್ದ್‌ಲ್ ಒರ್ ವಾಣಿ ಪರಲೋಕತ್ಂಜ ಬಂದದ್ ನಾಕ್ ಕ್‍ೕಟತ್; ನಾನ್ ಕ್‍ೕಟ ಸದ್ದ್, ವೀಣೇಲ್ ಸಂಗೀತ ಮಾಡ್‌ವ ಅಯಿಂಗಡ ವೀಣೇರ ಸಂಗೀತವಾಯಿತ್ ಇಂಜತ್.

ಪ್ರಕಟನೆ 19:6

ಅಕ್ಕ, ಬಲ್ಯ ಗುಂಪ್ ಗುಂಪಾನ ಜನ ಮಾಡ್‌ವ ಸದ್ದ್‌ರನೆಕೆಯು, ದುಂಬ ನೀರ್ ಚಾಡಿತ್ ಬಪ್ಪ ಸದ್ದ್‌ರನೆಕೆಯು, ಬಲ್ಯ ಗುಡ್‍ಗ್ ಬಪ್ಪ ಸದ್ದ್‌ರನೆಕೆಯು ಒರ್ ಸದ್ದ್ ನಾಕ್ ಕ್‍ೕಟತ್. ಹಲ್ಲೆಲೂಯ, ಸರ್ವ ಶಕ್ತಿವಂತಂವೊನಾಯಿತುಳ್ಳ ಒಡೆಯನಾನ ನಂಗಡ ದೇವ ಆಳಿಯಂಡುಂಡ್.

ಪ್ರಕಟನೆ 2:18

ಥುವತೈರ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ತಿತ್ತ್‌ರ ಜ್ವಾಲತ್‌ರನೆಕೆ ಕಣ್ಣ್ ಪಿಂಞ ಮಿನ್ನುವ ಬೊಳಿಯುಳ್ಳ ಪಿಚ್ಚೋಳೆರನೆಕೆ ಉಳ್ಳ ಕಾಲ್‍ರ ಅಡಿಯುಳ್ಳ ದೇವಡ ಮೋಂವೊ ಎಣ್ಣಿಯಂಡುಳ್ಳ.