ಜ್ಞಾನತ್‌ರ ಪಡಿಮ 9:6 - ಕೊಡವ ಬೈಬಲ್

⁶ ಮೂಡಂಗಡ ಬಟ್ಟೆನ ಬುಡಿ, ಅಕ್ಕ ನಿಂಗ ಬದುಕುವಿರ. ಬುದ್ದಿರ ಬಟ್ಟೆಲ್‌ ನಡರಿ.

ಜ್ಞಾನತ್‌ರ ಪಡಿಮ 9:6 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:17

ಬುದ್ದಿ ತಕ್ಕ್‌ನ ಸ್ವೀಕಾರ ಮಾಡ್‌ವಯಿಂಗ ಜೀವತ್‌ರ ಬಟ್ಟೆಲ್‌ ಪೋಪ. ಆಚೇಂಗಿ ಎಚ್ಚರ ತಕ್ಕ್‌ನ ತ್‌ಕ್ಕಾರ ಮಾಡ್‌ವಂವೊ ಬಟ್ಟೆ ತಪ್ಪಿ ಪೋಪ.

ಜ್ಞಾನತ್‌ರ ಪಡಿಮ 13:20

ಜ್ಞಾನಿಯಡ ಸಹವಾಸಿ ಜ್ಞಾನವುಳ್ಳಂವೊನಾಪ; ಮೂಡಂಗಡ ಕೂಟಾಳಿ ಕಷ್ಟಪಡುವ.

ಜ್ಞಾನತ್‌ರ ಪಡಿಮ 23:19

ನಾಡ ಮೋನೇ, ಕೆಮಿಕೊಡ್‌ತ್‌ ಕ್‍ೕಟಿತ್‌ ಜ್ಞಾನವುಳ್ಳಂವನಾಯಿತ್‌ ಇರ್, ನೀಡ ಹೃದಯತ್‌ನ ಸೆರಿಯಾನ ಬಟ್ಟೆಲ್‌ ನಡ್‌ತ್.

ಜ್ಞಾನತ್‌ರ ಪಡಿಮ 4:11

ನಾನ್‌ ನೀಕ್‌ ಜ್ಞಾನತ್‌ರ ಬಟ್ಟೆನ ಎಣ್ಣಿ ತಂದಿತುಳ್ಳ; ನಾನ್‌ ನೇರಾನ ಬಟ್ಟೆಲ್‌ ನಿನ್ನ ನಡ್‌ತಿತುಳ್ಳ.

ಜ್ಞಾನತ್‌ರ ಪಡಿಮ 8:35

ನನ್ನ ಕಂಡ್‌ಪುಡಿಪಂವೊ ಜೀವತ್‌ನ ಕಂಡ್‌ಪುಡಿಪ. ಒಡೆಯಂಡ ದಯೆ ಸಹ ಅಂವೊಂಗ್‌ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 9:11

ಜ್ಞಾನ ಆಯಿತುಳ್ಳ ನಾಡಗೊಂಡ್‌ ನೀನ್‌ ದುಂಬ ದಿವಸ ಬದ್‌ಕ್‌ವಿಯ. ನೀನ್‌ ಬದ್‌ಕ್‌ವ ಕಾಲ ಜಾಸ್ತಿ ಆಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:24

ಅದ್ಂಗ್ ಯೇಸು: ಪರಲೋಕಕ್ ಪೋಪ ಪಡಿ ದುಂಬ ಇರ್ಂಗ್‍ನದ್. ನಿಂಗ ಇರ್ಂಗ್‍ನ ಬಾಯಿಕಂಡಿಲ್ ಪೋಪಕ್ ಕಷ್ಟಪಡಿ. ದುಂಬ ಜನ ಇಕ್ಕಟಾನ ಪಡಿರ ಮೂಲಕ ಒಳ್‍ಕ್ ಪೋಪಕ್ ನೋಟ್‍ವ, ಆಚೇಂಗಿ ಅಯಿಂಗಕ್ ಕಯ್ಯುಲೆ.

ಅಪೊಸ್ತಲ 2:40

ಪೇತ್ರ ಇಂಞು ದುಂಬ ಬುದ್ದಿ ಎಣ್ಣಿತ್ ಸಾಕ್ಷಿ ಎಣ್ಣಿತ್, ಈ ಕೆಟ್ಟ ಸಂತಾನತ್ಂಜ ನಿಂಗಳ ಕಾಪಾಡಿಯೊಳೀಂದ್ ಅಯಿಂಗಳ ಬೋಡಿಯಂಡತ್.

2 ಕೊರಿಂಥ 6:17

ಆನಗುಂಡ್, ನಿಂಗ ಅಯಿಂಗಡ ಮದ್ಯತ್ಂಜ ಪೊರಟಿತ್, ಅಯಿಂಗಡಿಂಜ ಬೋರೆ ಆಯಿತ್, ಅಶುದ್ದವಾನದ್‍ನ ಮುಟ್ಟತೀಂದ್ ಒಡೆಯ ಎಣ್ಣಿಯಂಡುಂಡ್.

ಪ್ರಕಟನೆ 18:4

ಪಿಂಞ, ಇಂಞೊರ್ ವಾಣಿ ಪರಲೋಕತ್ಂಜ ಕ್‍ೕಟತ್. ಅದ್: ನಾಡ ಜನಳೇ, ನಿಂಗ ಅವಡ ಪಾಪಕ್ ಕೂಡತೆ, ಅವಕ್ ಬಪ್ಪ ನಾಶತ್‍ಲ್ ಚಿಕ್ಕತನೆಕೆ, ಅವಳ ಬುಟ್ಟಿತ್ ಪೊರಮೆ ಬಾರಿ.