ಜ್ಞಾನತ್‌ರ ಪಡಿಮ 9:17 - ಕೊಡವ ಬೈಬಲ್

¹⁷ ದಡ್ಡನ ನೋಟಿತ್: ಕದ್ದ ನೀರ್‌ ಮೊದ್ರವಾಯಿತ್‌ಪ್ಪ, ಗುಟ್ಟಾನ ಜಾಗತ್‌ಲ್‌ ಉಂಬ ಆಹಾರ ನಲ್ಲ ಸುಕವಾಯಿತ್‌ ಇಪ್ಪಾಂದ್‌ ಎಣ್ಣುವ.

ಜ್ಞಾನತ್‌ರ ಪಡಿಮ 9:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:6

ಅಕ್ಕ ಆ ಪೊಣ್ಣಾಳ್‌ಕ್, ಈ ಮರತ್‌ರ ಪಣ್ಣ್‌ ತಿಂಬಕ್‌ ನಲ್ಲದಾಯಿತು, ನೋಟ್‌ವಕ್‌ ಚಾಯಿ ಉಂಡ್‍ೕಂದು, ಅವಕ್‌ ಜ್ಞಾನ ಕ್‌ಟ್ಟ್‌ವಕ್‌ ಅದ್‌ ಬೋಂಡ್‍ೕಂದು ಗೊತ್ತಾಯಿತ್, ಅದ್‌ನ ಪರಿಚಿತ್‌ ಅವ ತಿಂದತ್. ಅವಡ ವಡಿಯಂಗು ಕೊಡ್‌ಪಕ, ಅಂವೊನು ಅದನ ತಿಂದತ್.

ಜ್ಞಾನತ್‌ರ ಪಡಿಮ 20:17

ಅನ್ಯಾಯತ್‌ ಸಂಪಾದನೆ ಮಾಡ್‌ನ ಆಹಾರ ಸುರುಲ್‌ ರಸತ್‌ ಉಂಡೇಂಗಿಯು, ಬಯ್ಯ ಬಾಯಿ ದುಂಬ ಮಣ ಇಪ್ಪ.

ಜ್ಞಾನತ್‌ರ ಪಡಿಮ 30:20

ವ್ಯಬಿಚಾರಿಯಡ ನಡತೆಯು ಇನ್ನನೆ ಉಂಡ್. ಆಕೆ ಉಂಡಿತ್, ತಾಂಡ ಬಾಯಿನ ತ್ಟಿತ್, ನಾನ್‌ ಓರ್‌ ತಪ್ಪು ಮಾಡಿತ್‌ಲ್ಲೆಂದ್‌ ಎಣ್ಣುವ.

ಜ್ಞಾನತ್‌ರ ಪಡಿಮ 5:16

ನೀಡ ಬುಗ್ಗೆಯಿಂಜ ನೀರ್‌ ಪೊರಮೆಯು, ನೀಡ ತೋಡ್‌ರ ನೀರ್‌ ಬೀದಿಕು ಎನ್ನಂಗ್‌ ಉಕ್ಕಿಯಂಡ್‌ ಪೋಕಂಡು?

ಜ್ಞಾನತ್‌ರ ಪಡಿಮ 5:18

ನೀಡ ಪೊಣ್ಣ್‌ ನೀಕ್‌ ಆಶೀರ್ವಾದತ್‌ರ ಬುಗ್ಗೆಯಾಯಿತ್‌ ಇರಡ್; ನೀಡ ಬಾಲ್ಯ ಕಾಲತ್‌ಲ್‌ ನೀಡ ಪೊಣ್ಣ್‌ರ ಕೂಡೆ ಕುಶಿಯಾಯಿತ್‌ ಇರ್.

ರೋಮ್ 7:8

ಆಚೇಂಗಿ ಪಾಪ ನ್ಯಾಯಪ್ರಮಾಣತ್‍ಲ್ ಬಟ್ಟೆ ಕಂಡ್‍ಪುಡ್‌ಚಿತ್, ಎಲ್ಲಾ ತರತ್‍ರ ಬೋಂಡತ ಆಸೇನ ನಾಡಲ್ಲಿ ಮಾಡಿರ್‌ತ್. ನ್ಯಾಯಪ್ರಮಾಣ ಇಲ್ಲತೆಪೋಚೇಂಗಿ ಪಾಪಕ್ ಜೀವ ಇಲ್ಲತ ಇಂಜಿತಿಪ್ಪ.

ಎಫೆಸ 5:12

ಅಯಿಂಗ ಗುಟ್ಟ್‌ಲ್ ಮಾಡ್‌ವ ಕ್ರಿಯೇನ ಎಣ್ಣುವಕ್ ಸಹ ಞಾಣವಾಯಿತುಂಡಲ್ಲ?