35 ನನ್ನ ಕಂಡ್ಪುಡಿಪಂವೊ ಜೀವತ್ನ ಕಂಡ್ಪುಡಿಪ. ಒಡೆಯಂಡ ದಯೆ ಸಹ ಅಂವೊಂಗ್ ಕ್ಟ್ಟುವ.
ಆಚೇಂಗಿ ನಾಡ ತಕ್ಕ್ಕ್ ಕೆಮಿ ಕೊಡ್ಪಂವೊ ಪೋಡಿ ಇಲ್ಲತೆ, ಕ್ೕಡ್ಕ್ ಬೊತ್ತತೆ, ಸಮಾದಾನತ್ಲ್ ಬದ್ಕ್ವ.
ನಲ್ಲ ಮನುಷ್ಯಂಗ್ ಯೆಹೋವಂಡ ದಯೆ ಇಪ್ಪ. ಆಚೇಂಗಿ ಕೆಟ್ಟ ಗೇನ ಉಳ್ಳಂವೊಂಗ್ ದಂಡನೆ ಕ್ಟ್ಟುವ .
ಪೊಣ್ಣ್ನ ಪಡ್ಂದವೊ ನಲ್ಲದ್ನ ಪಡ್ಂದಿತ್. ಯೆಹೋವಂಡ ದಯೆ ಅಂವೊಂಗ್ ಕ್ಟ್ಟಿತುಂಡ್.
ಅದ್ ನೀಡ ಆತ್ಮಕ್ ಜೀವವಾಯಿತು, ನೀಡ ಬೋಳೆಕ್ ಚಿಂಗಾರತ್ರ ಆಭರಣವಾಯಿತು ಇಪ್ಪ.
ಅಕ್ಕ ನೀಕ್ ದೇವಡ ಮಿಂಞತು ಮನುಷ್ಯಂಡ ಮಿಂಞತು ದಯೆ ಕ್ಟ್ಟಿತ್, ನೀನ್ ನಲ್ಲ ಪೆದತನ ಸಂಪಾದನೆ ಮಾಡ್ವಿಯ.
ಬೋದನೇನ ಗಟ್ಟಿಯಾಯಿತ್ ಪುಡ್ಚ, ಅದ್ನ ಬುಟ್ಟಿತ್ ಪೋಕತೆ; ಅದ್ನ ಬದ್ರತ್ಲ್ ಕಾಪಾಡ್, ಅದೇ ನೀಡ ಜೀವ.
ಅದ್ನ ಕಂಡ್ ಪುಡಿಪಯಿಂಗಕ್ ಅದ್ ಜೀವವಾಯಿತ್ ಇಪ್ಪ; ಅಯಿಂಗಡ ಪೂರ್ತಿ ತಡಿಕ್ ಆರೋಗ್ಯತ್ನ ತಪ್ಪ.
ಮೂಡಂಗಡ ಬಟ್ಟೆನ ಬುಡಿ, ಅಕ್ಕ ನಿಂಗ ಬದುಕುವಿರ. ಬುದ್ದಿರ ಬಟ್ಟೆಲ್ ನಡರಿ.
ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್ಂದ್ ಎಣ್ಣ್ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.
ಸತ್ಯ ದೇವನಾಯಿತುಳ್ಳ ನೀನ್ ಒಬ್ಬನ ಪಿಂಞ ನೀನ್ ಅಯಿಚ ಯೇಸು ಕ್ರಿಸ್ತನ ಗೊತ್ತಾಪದೇ ನಿತ್ಯ ಜೀವ.
ದೇವ ಈ ಲೋಕತ್ರ ಜನಳ ಎಚ್ಚಕೋ ಪ್ರೀತಿ ಮಾಡಿತ್, ಅಂವೊಂಡ ಒರೇ ಮೋಂವೊನ ಕೊಡ್ತತ್; ದಾರೆಲ್ಲ ಅಂವೊನ ನಂಬುವ ಅಯಿಂಗೆಲ್ಲಾ ಪಾಳಾಕತೆ ನಿತ್ಯ ಜೀವತ್ನ ಪಡೆಯುವ.
ದೇವಡ ಮೋಂವೊನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್; ಅಂವೊನ ನಂಬತಯಿಂಗಕ್ ನಿತ್ಯ ಜೀವ ಕ್ಟ್ಟುಲೆ. ಅದ್ಂಡ ಬದ್ಲ್, ದೇವಡ ನ್ಯಾಯತೀರ್ಪ್ ಪಿಂಞ ಬಲ್ಯ ಚೆಡಿ ಅಯಿಂಗಡ ಮೇಲೆ ಎಕ್ಕಾಲು ಇಪ್ಪಾಂದ್ ಎಣ್ಣ್ಚಿ.
ಅನ್ನನೆ, ದೇವ ಪ್ರೀತಿ ಮಾಡ್ವ ಅಂವೊಂಡ ಮೋಂವೊಂಡಲ್ಲಿ ನಂಗಡ ಮೇಲೆ ಇನಾಮಾಯಿತ್ ಬೂಕ್ನ ಅಂವೊಂಡ ಮಹಿಮೇರ ಕೃಪೆಕಾಯಿತ್ ಅಂವೊನ ತುದಿಪನೆಕೆ ಮಾಡ್ಚಿ.
ಅಚ್ಚಕ್ ಮಾತ್ರ ಅಲ್ಲ, ನಾಡ ಒಡೆಯನಾನ ಕ್ರಿಸ್ತ ಯೇಸುರ ವಿಷಯತ್ನ ಅರಿಯುವ ಜ್ಞಾನತ್ರ ಮಿಂಞತ್ ಬೋರೆ ಒಂದು ಪ್ರಯೋಜನ ಇಲ್ಲತದ್ೕಂದ್ ಗೇನ ಮಾಡ್ನ. ಕ್ರಿಸ್ತನ, ನಾಡ ಸ್ವಂತವಾಯಿತ್ ಮಾಡ್ವಕ್, ಅಂವೊಂಡ ಪಕ್ಕ ನಾನ್ ಇಪ್ಪಕಾಯಿತ್, ನಾಕ್ ಉಳ್ಳ ಎಲ್ಲಾನ ಕಳೆಂದಿತ್, ಅದೆಲ್ಲಾ ಕಸಕ್ ಸಮಾಂದ್ ಗೇನ ಮಾಡಿಯೆ.
ಎನ್ನಂಗೆಣ್ಣ್ಚೇಂಗಿ, ನಿಂಗ ಈ ಬದ್ಕ್ಕ್ ಚತ್ತ್ ಪೋಯಿತುಳ್ಳಿರ, ನಿಂಗಡ ನೇರಾನ ಜೀವ ಕ್ರಿಸ್ತಂಡ ಕೂಡೆ ದೇವಡಲ್ಲಿ ಒಳ್ಪ್ಚಿಟ್ಟಿತ್ ಉಂಡ್.