ಜ್ಞಾನತ್‌ರ ಪಡಿಮ 8:24 - ಕೊಡವ ಬೈಬಲ್

²⁴ ಸಮುದ್ರತ್‌ರ ಆಳತ್‌ಲ್‌ ನೀರ್‌ ಉಂಟಾಪಕ್‌ ಮಿಂಞ ಬುಗ್ಗೆಯೆಲ್ಲಾ ನೀರ್‌ ಉಕ್ಕಿ ಬಪ್ಪಕ್‌ ಮಿಂಞಲೇ ನಾನ್‌ ಪುಟ್ಟತ್‌ ಪಬ್ಬನೆಕೆ ಮಾಡ್‌ಚಿ.

ಜ್ಞಾನತ್‌ರ ಪಡಿಮ 8:24 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:2

ಬೂಮಿ ಒರ್‌ ರೂಪವು ಇಲ್ಲತೆ ಕಾಲಿಯಾಯಿತ್‌ಂಜತ್. ಬೂಮಿಲ್‌ ನೀರ್‌ ದುಂಬಿತಿಂಜಿತ್, ಅದಂಡ ಮೇಲ ಇರ್‌ಟ್ ಕವಿಂಜಿಪೋಯಿತ್‌ಂಜತ್, ದೇವಡ ಆತ್ಮ ನೀರ್‌ರ ಮೇಲೆ ಸುತ್ತಿಯಂಡಿಂಜತ್.

ಜ್ಞಾನತ್‌ರ ಪಡಿಮ 3:20

ಅಂವೊಂಡ ಜ್ಞಾನತ್‌ಂಜ ಬೂಮಿರ ನೀರ್‌ರ ಆಳತ್‌ನ ಬಾಗ ಮಾಡ್‌ಚಿ, ಮೋಡ ಮಂಜಿ ತುಳಿನ ಬೂವನೆಕೆ ಮಾಡ್‌ಚಿ.

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಯೋಹಾನ 3:16

ದೇವ ಈ ಲೋಕತ್‍ರ ಜನಳ ಎಚ್ಚಕೋ ಪ್ರೀತಿ ಮಾಡಿತ್, ಅಂವೊಂಡ ಒರೇ ಮೋಂವೊನ ಕೊಡ್‍ತತ್; ದಾರೆಲ್ಲ ಅಂವೊನ ನಂಬುವ ಅಯಿಂಗೆಲ್ಲಾ ಪಾಳಾಕತೆ ನಿತ್ಯ ಜೀವತ್‍ನ ಪಡೆಯುವ.

ಯೋಹಾನ 5:20

ಅಪ್ಪ ಮೋಂವೊನ ದುಂಬ ಪ್ರೀತಿ ಮಾಡಿತ್, ಅಂವೊ ಮಾಡ್‌ವಾನೆಲ್ಲಾ ಮೋಂವೊಂಗ್ ಕಾಟಿ ಕೊಡ್‍ಪ; ನಿಂಗ ಆಶ್ಚರ್ಯ ಪಡುವನೆಕೆ ಇದ್‌ಂಗಿಂಜ ಬಲ್ಯ ಬಲ್ಯ ಕಾರ್ಯತ್‍ನ ಮೋಂವೊಂಗ್ ಕಾಟಿತಪ್ಪ.

ಇಬ್ರಿಯ 1:5

ಎನ್ನನೆ ಎಣ್ಣ್‌ಚೇಂಗಿ: ನೀನ್ ನಾಡ ಮೋಂವೊ, ಇಂದ್ ನಾನ್ ನೀಡ ಅಪ್ಪನಾಯೇಂದ್ ಪಿಂಞ, ನಾನ್ ನೀಡ ಅಪ್ಪನಾಯಿತಿಪ್ಪಿ, ನೀನ್ ನಾಡ ಮೋಂವೊನಾಯಿತ್ ಇಪ್ಪಿಯಾಂದ್ ಅಂವೊ ಅಂವೊಂಡ ದೂತಂಗಡಲ್ಲಿ ದಾರ್‌ಕಾಚೇಂಗಿಯು ಎಕ್ಕಾಚೇಂಗಿಯು ಎಣ್ಣಿತುಂಡಾ?

1 ಯೋಹಾನ 4:9

ದೇವ ತಾಂಡ ಒರೇ ಮೋಂವೊನ ಈ ಲೋಕಕ್ ಅಯಿಚಗುಂಡ್ ದೇವ ನಂಗಡ ಮೇಲೆ ಪ್ರೀತಿ ಬೆಚ್ಚಿತುಂಡ್‍ೕಂದ್ ಗೊತ್ತಾಚಿ. ಆನಗುಂಡ್ ಅಂವೊನಗುಂಡ್ ನಂಗಕ್ ನಿತ್ಯ ಜೀವ ಕ್‍ಟ್ಟ್‌ಚಿ.