ಜ್ಞಾನತ್‌ರ ಪಡಿಮ 8:18 - ಕೊಡವ ಬೈಬಲ್

¹⁸ ಐಶ್ವರ್ಯವು, ಗನವು ನಡ ಪಕ್ಕ ಉಂಡ್, ಪಾಳಾಕತ ವಸ್ತುವು, ನೀತಿಯು ನಾಡ ಪಕ್ಕ ಉಂಡ್.

ಜ್ಞಾನತ್‌ರ ಪಡಿಮ 8:18 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 11:4

ದೇವಡ ಚೆಡಿ ಬಪ್ಪಕ ನೀಡ ಐಶ್ವರ್ಯ ಒಂದಂಗು ಪ್ರಯೋಜನ ಆಪುಲೆ, ಆಚೇಂಗಿ ನೀತಿರ ಬದ್‌ಕ್‌ ಚಾವ್ಯಿಂಜ ಕಾಪಾಡುವ.

ಜ್ಞಾನತ್‌ರ ಪಡಿಮ 24:4

ಅರಿವುಯಿಂಜ ಕೋಂಬರೆಲೆಲ್ಲಾ ಬೆಲೆಯುಳ್ಳ ಪಿಂಞ ಚಾಯಿಯುಳ್ಳ ಎಲ್ಲಾ ತರತ್‌ರ ಐಷ್ವರ್ಯತ್‌ಂಜ ದುಂಬಿತ್‌ಪ್ಪ.

ಜ್ಞಾನತ್‌ರ ಪಡಿಮ 3:16

ಜ್ಞಾನ ಅದ್‌ಂಡ ಬಲತ್‌ಕೈಯಿಲ್‌ ದೀರ್ಘಾಯಸ್ಸು (ದುಂಬ ಆಯಸ್ಸು), ಅದ್‌ಂಡ ಎಡತ್‌ಕೈಯಿಲ್‌ ಐಶ್ವರ್ಯವು ಗನವು ಉಂಡ್.

ಮತ್ತಾಯ 6:33

ಆಚೇಂಗಿ ಎಲ್ಲಾಕಿಂಜ ಮಿಂಞ ದೇವಡ ರಾಜ್ಯತ್‍ನ, ನೀತಿನ ತ್‍ೕಡಿ, ಅಕ್ಕ ಇದ್‍ನೆಲ್ಲ ನಿಂಗಕ್ ಕೂಟಿ ತಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:42

ಆಚೇಂಗಿ, ಒಂದ್ ಮಾತ್ರ ಬೋಂಡಿಯೆ. ಮರಿಯ ಅವಡ ಹೃದಯತ್ಂಜ ಎಡ್‌ಪಕಯ್ಯತ ನಲ್ಲ ಬಾಗತ್‍ನ ಗೊತ್ತ್ ಮಾಡಿತುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:33

ನಿಂಗಡ ಪಕ್ಕ ಉಳ್ಳ ಐಶ್ವರ್ಯತ್‍ನ ಮಾರಿತ್, ಬಂದ ಪಣತ್‍ನ ಗರೀಬಂಗಕ್ ದಾನಮಾಡಿ, ಇದ್ ನಿಂಗಕ್ ಪರಲೋಕತ್‍ಲ್ ಆಸ್ತಿ ಕೂಟಿ ಬೆಚ್ಚನೆಕೆ. ಪರಲೋಕತ್‍ಲ್ ಉಳ್ಳ ಪಣಚೀಲಕ್ ತೂತ ಇಲ್ಲೆ. ಅಲ್ಲಿ ಉಳ್ಳ ನಿಂಗಡ ಐಶ್ವರ್ಯತ್‍ನ ಕಳ್ಳಂಗ ಕಟ್ಟಂಡ್ ಪೋಪದು ಇಲ್ಲೆ, ಪುಳು ತಿಂಬದು ಇಲ್ಲೆ. ಅದ್ ಬದ್ರವಾಯಿತ್ ಇಪ್ಪ.

2 ಕೊರಿಂಥ 6:10

ದುಃಖತ್‍ಲ್ ಇಂಜತೇಂಗಿಯು, ಎಕ್ಕಾಲು ಕುಶೀಲ್ ಉಳ್ಳಯಿಂಗಳಾಯಿತು, ಗರಿಬಂಗಳಾಯಿತ್ ಇಂಜತೇಂಗಿಯು, ದುಂಬ ಜನಳ ಐಶ್ವರ್ಯವಂತಯಿಂಗಳಾಯಿತ್ ಮಾಡ್‌ವಯಿಂಗಳಾಯಿತು, ಒಂದು ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಎಲ್ಲಾ ಉಳ್ಳಯಿಂಗಡನೆಕೆ ನಂಗಳ ಕಾಂಬ್‍ಚಿಟ್ಟಂಡುಂಡ್.

ಎಫೆಸ 3:8

ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

ಫಿಲಿಪ್ಪಿ 4:19

ನಾಡ ದೇವ ನಿಂಗಕ್ ಬೋಂಡಿಯಾನದ್‌ನೆಲ್ಲಾ, ದೇವಡ ದುಂಬ್‍ನ ಮಹಿಮೇರ ಐಶ್ವರ್ಯತ್‍ರಗುಂಡ್ ಯೇಸು ಕ್ರಿಸ್ತಂಡ ಮೂಲಕ ನಿಂಗಕ್ ತಪ್ಪ.

ಯಾಕೋಬ 2:5

ನಾಡ ಪ್ರೀತಿರ ಅಣ್ಣತಮ್ಮಣಂಗಳೇ, ಕ್‍ೕಳಿ; ದೇವ ಈ ಲೋಕತ್‍ರ ಬಡವಂಗಳ, ನಂಬಿಕೇಲ್ ಐಶ್ವರ್ಯ ಉಳ್ಳಯಿಂಗಳಾಯಿತ್, ಅಂವೊನ ಪ್ರೀತಿ ಮಾಡ್‌ವಯಿಂಗಕ್ ಅಂವೊ ವಾಗ್ದಾನ ಮಾಡ್‍ನ ರಾಜ್ಯತ್‍ನ ಆಳುವಯಿಂಗಳಾಯಿತ್ ಗೊತ್ತ್ ಮಾಡಿತಲ್ಲ?

ಪ್ರಕಟನೆ 3:18

ನೀನ್ ಐಶ್ವರ್ಯವಂತನಾಪಕ್, ತಿತ್ತ್‌ಲ್ ಇಟ್ಟಿತ್ ಎಡ್‌ತ ಪೊನ್ನ್‌ನ ಪಿಂಞ ನೀಡ ಅವಮಾನವಾಯಿತುಳ್ಳ ಬೆತ್ತಲೇನ ಮುಚ್ಚ್‌ವಕ್ ಬೊಳ್‍ತ ಬಟ್ಟೇನ ನಾಡ ಕೈಯಿಂಜ ಕ್ರಯಕ್ ಎಡ್‌ತ ಪಿಂಞ ನೀಡ ಕಣ್ಣ್ ಕಾಂಬನೆಕೆ, ಕಣ್ಣ್‌ಕ್ ಮದ್ದ್ ಇಡ್‍ೕಂದ್ ನಾನ್ ನೀಕ್ ಬುದ್ದಿ ಎಣ್ಣ್‌ವಿ.