ಜ್ಞಾನತ್‌ರ ಪಡಿಮ 8:17 - ಕೊಡವ ಬೈಬಲ್

¹⁷ ನನ್ನ ಪ್ರೀತಿಚಿಡುವಯಿಂಗಳ ನಾನ್‌ ಪ್ರೀತಿಚಿಡುವಿ. ನನ್ನ ನೇರಾಯಿತು ತ್‍ೕಡ್‌ವಯಿಂಗ ನನ್ನ ಕಂಡಿತವಾಯಿತ್‌ ಕಂಡ್‌ಪುಡಿಪ.

ಜ್ಞಾನತ್‌ರ ಪಡಿಮ 8:17 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:28

ಇದೆಲ್ಲಾ ಆಪಕ, ಅಯಿಂಗ ನನ್ನ ಕಾಕುವ; ಆಚೇಂಗಿ ನಾನ್‌ ಅಯಿಂಗಕ್‌ ಜವಾಬ್ ಕೊಡ್‌ಪುಲೆ; ಅಯಿಂಗ ನನ್ನ ಎಚ್ಚರತ್‌ಲ್‌ ತ್‍ೕಡುವ, ಆಚೇಂಗಿ ಅಯಿಂಗ ನನ್ನ ಕನ್ಡ್ ಪುಡಿಪ್‌ಲೆ.

ಜ್ಞಾನತ್‌ರ ಪಡಿಮ 2:4

ಅದ್‌ನ ಬೊಳ್ಳಿನ ತ್‍ೕಡ್‌ವನೆಕೆ ತ್‍ೕಡ್. ಒಳ್‌ಪ್‌ಚಿಟ್ಟಿತ್‌ ಬೆಚ್ಚ ಬಂಡಾರತ್‌ನ ತ್‍ೕಡ್‌ವನೆಕೆ ತ್‍ೕಡ್‌

ಜ್ಞಾನತ್‌ರ ಪಡಿಮ 2:5

ಇದ್‌ನೆಲ್ಲಾ ಮಾಡ್‌ಚೇಂಗಿ, ಯೆಹೋವಂಗ್‌ ಬೊತ್ತ್‌ವದ್‌ ಎಂತ ಎಣ್ಣಿಯಂಡ್‌ ನೀಕ್‌ ಅರ್ಥ ಆಪ, ದೇವಡ ಅರಿವ್‌ ನೀಕ್‌ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 4:6

ಜ್ಞಾನತ್‌ನ ಬುಟ್ಟಿತ್‌ ಬೋರೆ ಕಡೆಕ್‌ ತಿರಿತ್‌ ಪೋಕತೆ. ಅದ್‌ ನಿನ್ನ ಕಾಪಾಡುವ. ಅದ್‌ನ ಪ್ರೀತಿ ಮಾಡ್. ಅದ್‌ ನಿನ್ನ ಕಾಪ.

ಜ್ಞಾನತ್‌ರ ಪಡಿಮ 8:16

ನಾಡಗೊಂಡ್‌ ಪ್ರಬುವ, ಅದಿಪತಿಯ ಆಳುವ, ಪಿಂಞ ಈ ಲೋಕತ್‌ಲ್‌ ಉಳ್ಳ ಎಲ್ಲಾ ನ್ಯಾಯಾದಿಪತಿಯ ಆಳ್‌ವಿಕೆ ಮಾಡುವ.

ಮತ್ತಾಯ 6:33

ಆಚೇಂಗಿ ಎಲ್ಲಾಕಿಂಜ ಮಿಂಞ ದೇವಡ ರಾಜ್ಯತ್‍ನ, ನೀತಿನ ತ್‍ೕಡಿ, ಅಕ್ಕ ಇದ್‍ನೆಲ್ಲ ನಿಂಗಕ್ ಕೂಟಿ ತಪ್ಪ.

ಮಾರ್ಕ 10:14

ಯೇಸುಕ್ ಅದ್‍ನ ಕಂಡಿತ್ ಚೆಡಿ ಬಾತ್. ಚೆರಿಯ ಮಕ್ಕ ನಾಡ ಪಕ್ಕ ಬರಡ್ ಅಯಿಂಗಳ ತಡೆ ಮಾಡ್‌ವಕ್ಕಾಗ. ದೇವಡ ರಾಜ್ಯ ಈಂಗಡನೆಕೆ ಉಳ್ಳಯಿಂಗಕೇಂದ್ ಎಣ್ಣ್‌ಚಿ

ಯೋಹಾನ 14:21

ನಾಡ ಆಜ್ಞೆನ ಪಡ್ಂದಿತ್ ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನನ್ನ ಪ್ರೀತಿ ಮಾಡ್‌ವಯಿಂಗ; ನನ್ನ ಪ್ರೀತಿ ಮಾಡ್‌ವಯಿಂಗಳ ನಾಡ ಅಪ್ಪ ಪ್ರೀತಿ ಮಾಡ್‌ವ. ನಾನ್ ಸಹ ಅಯಿಂಗಳ ಪ್ರೀತಿ ಮಾಡಿತ್, ನನ್ನ ಅಯಿಂಗಕ್ ಕಾಂಬ್‌ಚಿಡ್‍ವೀಂದ್ ಎಣ್ಣ್‌ಚಿ.

ಯೋಹಾನ 14:23

ಯೇಸು ಅಂವೊಂಗ್: ನಾಡ ಮೇಲೆ ಪ್ರೀತಿ ಉಳ್ಳಂವೊ, ನಾಡ ತಕ್ಕ್‌ರ ಪ್ರಕಾರ ನಡ್‍ಪ, ನಾಡ ಅಪ್ಪ ಅಂವೊನ ಪ್ರೀತಿಚಿಡ್‍ವ. ನಂಗ ಬಂದಿತ್ ಅಂವೊಂಡ ಕೂಡೆ ವಾಸ ಮಾಡ್‌ವ.

ಯೋಹಾನ 16:27

ನಿಂಗ ನನ್ನ ಪ್ರೀತಿ ಮಾಡಿತ್, ನಾನ್ ದೇವಡಯಿಂಜ ಬಾತ್‍ೕಂದ್ ನಿಂಗ ನಂಬ್‍ನಾಂಗ್ ಅಪ್ಪ ನಿಂಗಳ ಪ್ರೀತಿ ಮಾಡ್‌ವ.

ಯೋಹಾನ 5:4

ಓರೊಮ್ಮ, ದೇವದೂತ ಒಬ್ಬ ಬಂದಿತ್, ಆ ಗುಂಡಿಲ್ ಇಳಿಂಜಿತ್, ನೀರ್‌ನ ಕಲಕುವ; ಅನ್ನನೆ ನೀರ್ ಕಲ್‌ಂಗ್‍ನ ಪಿಂಞ, ದಾರ್ ಆದ್ಯವಾಯಿತ್ ಇಳಿಯುವ, ಅಯಿಂಗಕ್ ಏದ್ ತರ ಕಾಯಿಲೆ ಇಂಜತೇಂಗಿಯು ಅದ್ ವಾಸಿ ಆಪಕಿಂಜತ್.

ಯೋಹಾನ 7:37

ಆ ನಮ್ಮೆರ ಮುಕ್ಯ ದಿವಸವಾನ ಕಡೆ ದಿವಸತ್, ಯೇಸು ನಿಪ್ಪಂಜಿ ಜೋರಾಯಿತ್: ದಾರ್‌ಕ್ ಬಾಯರಿಕೆಯಾಯಿತ್ ಉಂಡೋ ಅಂವೊ ನಾಡ ಪಕ್ಕ ಬಂತ್ ಕುಡಿಕಡ್.

ಯಾಕೋಬ 1:5

ದೇವ ಎಣ್ಣ್‌ನನೆಕೆ ನಿಂಗ ನಡ್‍ಕಂಡೂಂದ್ ಉಳ್ಳ ಜ್ಞಾನ ಬೋಂಡ್‌ಚೇಂಗಿ, ಅಂವೊಂಡ ಪಕ್ಕ ಕ್‍ೕಳಿ. ಅಕ್ಕ, ಅಂವೊ ನಿಂಗಳ ಜೋರ್ ಮಾಡುಲೆ, ಉದಾರ ಮನಸ್ಸ್‌ಲ್ ನಿಂಗಕ್ ಜ್ಞಾನತ್‍ನ ತಪ್ಪ.

1 ಯೋಹಾನ 4:19

ನಂಗ ಪ್ರೀತಿ ಮಾಡ್‌ವಕ್ ಮಿಂಞ ದೇವ ನಂಗಳ ಪ್ರೀತಿ ಮಾಡ್‍ನಗುಂಡ್ ನಂಗ ಅಂವೊನ ಪ್ರೀತಿ ಮಾಡ್‌ವ.