ಜ್ಞಾನತ್‌ರ ಪಡಿಮ 7:1 - ಕೊಡವ ಬೈಬಲ್

¹ ನಾಡ ಮೋನೇ, ನಾಡ ತಕ್ಕ್‌ನ ಜಾಗ್‌ರತೆಲ್‌ ಕ್‍ೕಳ್. ನಾಡ ಆಜ್ಞೆನ ಬಂಡಾರತ್‌ರನೆಕೆ ಕಾಪಾಡಿಯ.

ಜ್ಞಾನತ್‌ರ ಪಡಿಮ 7:1 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:8

ನಾಡ ಮೋನೇ, ನೀಡ ಅಪ್ಪಂಡ ಬುದ್ದಿ ತಕ್ಕ್‌ನ ಕ್‍ೕಳ್. ನೀಡ ಅವ್ವಂಡ ಬೋದನೆನ ಕೈ ಬುಡತೆ.

ಜ್ಞಾನತ್‌ರ ಪಡಿಮ 10:14

ಜ್ಞಾನಿಯ ಅರಿವುನ ಕೂಟಿ ಬೆಚ್ಚೊವ. ಆಚೇಂಗಿ ಮೂಡಂಡ ತಕ್ಕ್‌ ಅಂವೊಂಗ್‌ ನಾಶತ್‌ನ ಕೊಂಡ್‌ ಬಪ್ಪ.

ಜ್ಞಾನತ್‌ರ ಪಡಿಮ 3:1

ನಾಡ ಮೋನೇ, ನಾಡ ಬೋದನೆನ ಮರ್‌ಕತೆ. ನಾಡ ಆಜ್ಞೆನ ನೀಡ ಹೃದಯತ್‌ಲ್‌ ಗೇನ ಬೆಚ್ಚ.

ಜ್ಞಾನತ್‌ರ ಪಡಿಮ 4:21

ನೀಡ ದೃಷ್ಟಿ ಎಕ್ಕಾಲು ಅದ್‌ಂಡ ಮೇಲೆ ಇರಡ್; ಅದ್‌ನ ನೀಡ ಹೃದಯತ್‌ರ ಆಳತ್‌ ಪತ್‌ರವಾಯಿತ್‌ ಬೆಚ್ಚ.

ಜ್ಞಾನತ್‌ರ ಪಡಿಮ 5:5

ಅವಡ ಕಾಲ್‌ ಚಾವುಕ್‌ ಇಳ್‌ಂಜಿತ್‌ ಪೋಪ. ಅವಡ ಮೊಟ್ಟ್‌ ನೇರೆ ಪಾತಾಳಕ್‌ ಪೋಪ.

ಜ್ಞಾನತ್‌ರ ಪಡಿಮ 6:20

ನಾಡ ಮೋನೇ, ನೀಡ ಅಪ್ಪಂಡ ಆಜ್ಞೆನ ಪಾಲ್‌ಚಿಡ್, ನೀಡ ಅವ್ವಂಡ ಬೋದನೆನ ಕೈ ಬುಡತೆ.

ಜ್ಞಾನತ್‌ರ ಪಡಿಮ 6:35

ಅಂವೊಂಗ್‌ ಎಚ್ಚಕೇ ಪಣ ಕೊಡ್‌ತತೇಂಗಿಯು ಸ್ವೀಕಾರ ಮಾಡುಲೆ, ಎಚ್ಚಕ್‌ ಇನಾಮ್‌ ಕೊಡತತೇಂಗಿಯು ಅಂವೊಂಡ ಚೆಡಿನ ತಡ್‌ಪಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:28

ಅದ್ಂಗ್ ಅಂವೊ: ಅಕ್ಕು ನೇರೇ, ಆಚೇಂಗಿಯು, ದೇವಡ ವಾಕ್ಯತ್‍ನ ಕ್‍ೕಟಿತ್, ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನೇರಾಯಿತ್ ಆಶೀರ್ವಾದ ಪಡ್ಂದಯಿಂಗಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:15

ನಲ್ಲ ಮಣ್ಣ್‌ಕ್ ಬಿತ್ತ್‌ನ ಜನ ಕುಶೀಲ್ ದೇವಡ ವಾಕ್ಯತ್‍ನ ಕ್‍ೕಟಿತ್, ಅದ್‍ನ ಅಯಿಂಗಡ ನಲ್ಲ ಪಿಂಞ ಸತ್ಯವಾನ ಹೃದಯತ್‍ಲ್ ಬೆಚ್ಚಿತ್ ತಾಳ್ಮೆಯಿಂಜ ಫಲ ಕೊಡ್‍ಪ.

ಯೋಹಾನ 14:23

ಯೇಸು ಅಂವೊಂಗ್: ನಾಡ ಮೇಲೆ ಪ್ರೀತಿ ಉಳ್ಳಂವೊ, ನಾಡ ತಕ್ಕ್‌ರ ಪ್ರಕಾರ ನಡ್‍ಪ, ನಾಡ ಅಪ್ಪ ಅಂವೊನ ಪ್ರೀತಿಚಿಡ್‍ವ. ನಂಗ ಬಂದಿತ್ ಅಂವೊಂಡ ಕೂಡೆ ವಾಸ ಮಾಡ್‌ವ.

ಯೋಹಾನ 15:20

ಒರ್ ಎಜಮಾನಗಿಂಜ ಆಳ್ ಬಲ್ಯಂವೊನಾಯಿತ್‌ಪ್ಪುಲೇಂದ್ ನಾನ್ ನಿಂಗಕ್ ಎಣ್ಣ್‌ನ ತಕ್ಕ್‌ನ ನಿಂಗ ಗೇನ ಮಾಡಿಯೊಳಿ. ಅಯಿಂಗ ನಾಕ್ ಹಿಂಸೆ ತಂದಕ ನಿಂಗಕು ಹಿಂಸೆ ತಪ್ಪ; ಅಯಿಂಗ ನಾಡ ತಕ್ಕ್‌ರ ಪ್ರಕಾರ ನಡ್ಂದತೇಂಗಿ, ನಿಂಗಡ ತಕ್ಕ್‌ರ ಪ್ರಕಾರ ಸಹ ನಡ್‍ಪ.

ಪ್ರಕಟನೆ 1:3

ಈ ಪ್ರವಾದನೆರ ವಾಕ್ಯತ್‍ನ ಓದ್‍ವಯಿಂಗ, ಕ್‍ೕಪಯಿಂಗ ಪಿಂಞ ಇದ್‍ಲ್ ಎಣ್ಣ್‌ನನೆಕೆ ಮಾಡ್‌ವಯಿಂಗ ಎಲ್ಲಾರು ಆಶೀರ್ವಾದ ಪಡ್ಂದಯಿಂಗ, ಎನ್ನಂಗೆಣ್ಣ್‌ಚೇಂಗಿ, ಕಾಲ ಪಕ್ಕ ಬಾತ್.

ಪ್ರಕಟನೆ 22:9

ಅಕ್ಕ ಆ ದೇವದೂತ: ನಾಕ್ ನೀನ್ ಇನ್ನನೆ ಮಾಡತೆ, ನೀಡ ಕೂಡೆ, ನೀಡ ಅಣ್ಣತಮ್ಮಣಂಗಡ ಕೂಡೆ, ಪ್ರವಾದಿಯಂಗಡ ಕೂಡೆ, ಈ ಪುಸ್ತಕತ್‍ರ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗಡ ಕೂಡೆ ನಾನ್ ಸಹ ಒರ್ ಸೇವಕ ಅಚ್ಚಕೆ. ದೇವನ ಆರಾದನೆ ಮಾಡ್‍ೕಂದ್ ಎಣ್ಣ್‌ಚಿ.