ಜ್ಞಾನತ್‌ರ ಪಡಿಮ 6:23 - ಕೊಡವ ಬೈಬಲ್

²³ ಎನ್ನಂಗೆಣ್ಣ್‌ಚೇಂಗಿ ಈ ಆಜ್ಞೆವೇ ನೀಕ್‌ ಬೊಳ್‌ಚವಾಯಿತು, ಈ ಬೋದನೆಯೇ ನೀಕ್‌ ಬೊಳಿಯಾಯಿತು, ಈ ಉಪದೇಶತ್‌ಂಜ ಬಪ್ಪ ತಿದ್ದುವಿಕೆಯೇ, ಬದ್‌ಕ್‌ ತಪ್ಪ ಬಟ್ಟೆಯಾಯಿತು ಇಪ್ಪ.

ಜ್ಞಾನತ್‌ರ ಪಡಿಮ 6:23 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 39:8

ಆಚೇಂಗಿ ಅಂವೊ ಅದ್‌ಂಗ್‌ ಒತ್ತೊತೆ: ನೋಟ್, ನಾಡ ಯಜಮಾನ ನಾಡ ಮೇಲೆ ನಂಬಿಕೆ ಬೆಚ್ಚಿತ್‌ ಈ ಮೆನೇಲ್‌ ಉಳ್ಳದ್‌ನ ಒಂದ್‌ನ ಸಹ ವಿಚಾರ ಮಾಡತೆ, ತಾಂಡ ಇಡೀ ಆಸ್ತಿನ ಎಚ್ಚರತ್‌ಲ್‌ ನೋಟ್‌ವಕ್‌ ನಾಡ ಪಕ್ಕ ಒಪ್ಪಿಚಿಟ್ಟಿತುಂಡ್.

ಜ್ಞಾನತ್‌ರ ಪಡಿಮ 10:17

ಬುದ್ದಿ ತಕ್ಕ್‌ನ ಸ್ವೀಕಾರ ಮಾಡ್‌ವಯಿಂಗ ಜೀವತ್‌ರ ಬಟ್ಟೆಲ್‌ ಪೋಪ. ಆಚೇಂಗಿ ಎಚ್ಚರ ತಕ್ಕ್‌ನ ತ್‌ಕ್ಕಾರ ಮಾಡ್‌ವಂವೊ ಬಟ್ಟೆ ತಪ್ಪಿ ಪೋಪ.

ಜ್ಞಾನತ್‌ರ ಪಡಿಮ 15:24

ಜೀವತ್‌ರ ಬಟ್ಟೆ ಜ್ಞಾನಿಯಾನಂವೊನ ಕೊಡಿಕ್‌ ಕೊಂಡ್‌ ಪೋಪ. ಅದ್‌ ಚಾವ್‌ರ ಬಟ್ಟೆಯಿಂಜ ತಪ್ಪ್‌ಚಿಡುವ.

ಜ್ಞಾನತ್‌ರ ಪಡಿಮ 15:31

ಜೀವ ತಪ್ಪ ತಿದ್ದುವಿಕೆನ ಎಚ್ಚರಿಕೆಯಿಂಜ ಕ್‍ೕಪಂವೊ ಜ್ಞಾನಿಯಡ ಮದ್ಯತ್‌ ನೆಲೆ ನಿಪ್ಪ.

ಜ್ಞಾನತ್‌ರ ಪಡಿಮ 29:15

ಕೋಲ್‌ ಪಿಂಞ ಚೂಕ್ತಕ್ಕ್‌ ಮಕ್ಕಕ್‌ ಜ್ಞಾನತ್‌ನ ತಪ್ಪ. ತಾನ್‌ ಕುಶಿಪಟ್ಟನೆಕೆ ಬುಟ್ಟ ಕುಂಞಿ ತಾಂಡ ಅವ್ವಂಗ್‌ ಞಾಣಕ್‍ೕಡ್‌ನ ಬಪ್ಪ್‌ಚಿಡುವ.

ಜ್ಞಾನತ್‌ರ ಪಡಿಮ 3:18

ಜ್ಞಾನತ್‌ನ ನಂಬ್‌ನಯಿಂಗಕ್‌ ಜ್ಞಾನ ಜೀವತಪ್ಪ ಮರವಾಯಿತ್‌ಪ್ಪ. ಅದ್‌ನ ಗಟ್ಟಿಯಾಯಿತ್‌ ಪುಡ್‌ಚಯಿಂಗ ಆಶೀರ್ವಾದ ಪಡ್‌ಂದಯಿಂಗಳಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 4:13

ಬೋದನೇನ ಗಟ್ಟಿಯಾಯಿತ್‌ ಪುಡ್‌ಚ, ಅದ್‌ನ ಬುಟ್ಟಿತ್‌ ಪೋಕತೆ; ಅದ್‌ನ ಬದ್ರತ್‌ಲ್‌ ಕಾಪಾಡ್, ಅದೇ ನೀಡ ಜೀವ.

ಜ್ಞಾನತ್‌ರ ಪಡಿಮ 4:4

ನಾಡ ಅಪ್ಪ ನಾಕ್‍ ಬೋದನೆ ಮಾಡಿತ್: ನಾಡ ತಕ್ಕ್‌ನ ನೀಡ ಹೃದಯತ್‌ ಬೆಚ್ಚ. ನಾಡ ಆಜ್ಞೇರನೆಕೆ ನಡೆ; ಅಕ್ಕ ನೀನ್‌ ಚಾಯಿತೆ ಬದುಕುವಿಯಾಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 5:12

ಅಯ್ಯೋ, ಬೋದನೇನ ನಾನ್‌ ಎಚ್ಚಕ್‌ ದ್ವೇಷ ಮಾಡ್‌ನ, ಚೂಕ್ತಕ್ಕ್‌ನ ನಾಡ ಹೃದಯ ತ್‌ಕ್ಕಾರ ಮಾಡಿಚಲ್ಲಾ!

2 ಪೇತ್ರ 1:19

ಈ ಅನುಬವ ನಂಗಕ್ ಕ್‍ಟ್ಟ್‌ನಗುಂಡ್, ಪ್ರವಾದಿಯಂಗ ಪ್ರವಾದನೆ ಮಾಡ್‍ನ ವಿಷಯತ್‍ಲ್ ನಂಗಕ್ ದುಂಬ ನಂಬಿಕೆ ಉಂಡ್. ಅಯಿಂಗ ಒಳ್‍ದಿ ಬೆಚ್ಚಿತುಳ್ಳದ್‍ನ ನಿಂಗ ಚಾಯಿ ನೋಟಂಡು. ಅಯಿಂಗಡ ವಾಕ್ಯವೆಲ್ಲ, ಇರ್‌ಟ್‌ಲ್ ಬೊಳಿ ತಪ್ಪ ಬೊಳ್‌ಚತ್‍ರನೆಕೆ ಉಂಡ್. ಪೊಲಾಕ ಆಪಕ ಬೊಳ್ಳಿ ಮೀನ್ ಬಪ್ಪನೆಕೆ, ಅಯಿಂಗಡ ವಾಕ್ಯ ನಿಂಗಡ ಹೃದಯತ್‍ಲ್ ಬೊಳಿಯುವಕತ್ತನೆ ಅದ್‍ನ ನೋಟಿಯಂಡ್ ಇಪ್ಪದ್ ನಲ್ಲದಾಯಿತಿಪ್ಪ.

ಪ್ರಕಟನೆ 2:5

ಆನಗುಂಡ್, ನೀನ್ ಎಲ್ಲಿ ಬುದ್ದ್ ಪೋಯಿತುಳ್ಳಿಯಾಂದ್ ಗೇನ ಮಾಡಿತ್, ಪಶ್ಚಾತಾಪ ಪಟ್ಟಿತ್, ಸುರುಲ್ ಮಾಡಿಯಂಡಿಂಜ ಕ್ರಿಯೇನ ಮಾಡ್; ಇಲ್ಲತೆಪೋಚೇಂಗಿ, ನಾನ್ ಬೆರಿಯ ನೀಡ ಪಕ್ಕ ಬಂದಿತ್, ನೀನ್ ಪಶ್ಚಾತಾಪ ಪಡತೆ ಪೋನಕ, ನೀಡ ಬೊಳ್‍ಚತ್‍ರ ತಂಡ್‍ನ ಆ ಜಾಗತ್ಂಜ ಎಡ್‍ತ್‍ರ್‍ವಿ.