ಜ್ಞಾನತ್‌ರ ಪಡಿಮ 6:16 - ಕೊಡವ ಬೈಬಲ್

¹⁶ ಆರ್‌ ಕಾರ್ಯತ್‌ನ ಯೆಹೋವ ದ್ವೇಷ ಮಾಡುವ, ಅಕ್ಕು ಏಳ್‌ ಕಾರ್ಯ ಅಂವೊಂಗ್‌ ಅಸಹ್ಯವಾನದ್:

ಜ್ಞಾನತ್‌ರ ಪಡಿಮ 6:16 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 11:1

ಮೋಸತ್‌ರ ತಕ್ಕಡಿ ಯೆಹೋವಂಗ್‌ ಅಸಹ್ಯ. ಆಚೇಂಗಿ ನ್ಯಾಯವಾನ ತೂಕ ಅಂವೊಂಗ್‌ ಕುಶಿ.

ಜ್ಞಾನತ್‌ರ ಪಡಿಮ 11:20

ಯೆಹೋವ ಕಪಟ ಹೃದಯ ಉಳ್ಳಯಿಂಗಳ ಅಸಹ್ಯವಾಯಿತ್‌ ಕಾಂಬ. ಆಚೇಂಗಿ ಸತ್ಯತ್‌ಲ್‌ ನಡ್‌ಪಯಿಂಗಳ ಅಂವೊಂಗ್‌ ಕುಶಿ.

ಜ್ಞಾನತ್‌ರ ಪಡಿಮ 12:22

ಪೊಟ್ಟ್‌ ಪರಿಯುವ ತುಟಿ ಯೆಹೋವಂಗ್‌ ಅಸಹ್ಯವಾನದ್. ಆಚೇಂಗಿ ಸತ್ಯವಂತಯಿಂಗಳ ಅಂವೊಂಗ್‌ ದುಂಬ ಕುಶಿ.

ಜ್ಞಾನತ್‌ರ ಪಡಿಮ 17:15

ಅಪರಾದಿನ ಕುತ್ತಯಿಲ್ಲತಂವೊಂದ್‌ ಎಣ್ಣುವಂವೊನ ಪಿಂಞ ನೀತಿವಂತಂವೊನ ಅಪರಾದೀಂದ್‌ ಎಣ್ಣುವ ದಂಡಾಳ್‌ನೂ ಯೆಹೋವಂಗ್‌ ಅಸಹ್ಯವಾನಯಿಂಗ.

ಜ್ಞಾನತ್‌ರ ಪಡಿಮ 20:10

ತೂಕತ್‌ರ ಕಲ್ಲ್‌ನ ಪಿಂಞ ಅಳ್‌ತೆರ ಪಾತ್‌ರತ್‌ನ ಜಾಸ್ತಿ ಪಿಂಞ ಕಮ್ಮಿ ಮಾಡ್‌ವದು ಯೆಹೋವಂಗ್‌ ಅಸಹ್ಯ.

ಜ್ಞಾನತ್‌ರ ಪಡಿಮ 20:23

ತೂಕತ್‌ರ ಕಲ್ಲ್‌ನ ಜಾಸ್ತಿ ಮಾಡ್‌ವದು ಕಮ್ಮಿ ಮಾಡ್‌ವದು ಯೆಹೋವಂಗ್‌ ಅಸಹ್ಯ. ಮೋಸತ್‌ರ ತಕ್ಕಡಿ ನಲ್ಲದಿಲ್ಲೆ.

ಜ್ಞಾನತ್‌ರ ಪಡಿಮ 21:4

ಚೊಕ್ಕ್‌ಲ್‌ ನೋಟ್‌ವ ಕಣ್ಣು, ಆಂಗಾರತ್‌ರ ಹೃದಯ, ದುಷ್ಟಂಡ ಬೊಳ್‌ಚ ಎಲ್ಲಾ ಪಾಪ ಮಾಡ್‌ವಕ್‌ ಬಟ್ಟೆ ಕಾಟುವ.

ಜ್ಞಾನತ್‌ರ ಪಡಿಮ 3:32

ಅಂತ ದುಷ್ಟ ಮನುಷ್ಯ ಯೆಹೋವಂಗ್‌ ಅಸಹ್ಯ. ಆಚೇಂಗಿ ನೀತಿಲ್‌ ನಡ್‌ಪಯಿಂಗಡ ಕೂಡೆ ಅಂವೊ ನಂಬಿಕೇಲ್‌ ಇಪ್ಪ.

ಜ್ಞಾನತ್‌ರ ಪಡಿಮ 30:18

ನಾಡ ಬುದ್ದಿಕ್‌ ಮೀರ್‌ನ ಮೂಂದ್‌ ಕಾರ್ಯ ಉಂಡ್. ಅಕ್ಕು, ನಾಲ್‌ ಕಾರ್ಯತ್‌ನ ನಾಕ್‍ ಅರ್ಥ ಮಾಡಿಯೊಕಯ್ಯುಲೆ.

ಜ್ಞಾನತ್‌ರ ಪಡಿಮ 30:21

ಮೂಂದ್‌ ಕಾರ್ಯತ್‌ರಗುಂಡ್‌ ಬೂಮಿ ಬೊರ್‌ಂಡ್‌ವ, ಅಕ್ಕು ನಾಲ್‌ ಕಾರ್ಯತ್‌ನ ಬೂಮಿ ಸೈಸುವಕಯ್ಯುಲೆ.

ಜ್ಞಾನತ್‌ರ ಪಡಿಮ 30:24

ಬೂಮಿಲ್‌ ದುಂಬ ಚೆರಿಯದಾಯಿತ್‌ ನಾಲ್‌ ಜೀವಜಂತು ಉಂಡ್. ಆಚೇಂಗಿ ಅವು ದುಂಬ ಜ್ಞಾನವುಳ್ಳದ್.

ಜ್ಞಾನತ್‌ರ ಪಡಿಮ 30:29

ಮೂಂದ್‌ ಪ್ರಾಣಿಯ ಉಂಡ್. ಅವು ನಡ್‌ಪಕ ಅಯಿಂಗಡ ಗರ್ವ ಎದ್ದಿತ್‌ ಕಾಂಬ. ಗರ್ವತ್‌ಲ್‌ ನಡಪ್ಪ ನಾಲ್‌ ಉಂಡ್. ಅದ್‌ ಏದ್‌ ಎಣ್ಣ್‌ಚೇಂಗಿ,

ಜ್ಞಾನತ್‌ರ ಪಡಿಮ 6:15

ಆನಗುಂಡ್, ಇಂಜನೆಕೆ ಅಂವೊಂಗ್‌ ಅಪಾಯ ಬಪ್ಪ. ಸಹಾಯ ಇಲ್ಲತೆ ಇಂಜನೆಕೆ ನಾಶ ಆಯಿ ಪೋಪ.

ಜ್ಞಾನತ್‌ರ ಪಡಿಮ 6:17

ಚೊಕ್ಕ್‌ಲ್‌ ನೋಟ್‌ವ ಕಣ್ಣ್, ಪೊಟ್ಟ್‌ ಪರಿಯುವ ನಾವ್, ಕುತ್ತಯಿಲ್ಲತ ಜನಳ ಕೊಲ್ಲುವ ಕೈ,

ಜ್ಞಾನತ್‌ರ ಪಡಿಮ 8:13

ಯೆಹೋವಂಗ್‌ ಪೋಡಿಚಿಡುವಯಿಂಗ ಪಾಪತ್‌ನ ದ್ವೇಷ ಮಾಡುವ. ನಾನ್‌ ಹಮ್ಮ್‌ನ, ಗರ್ವತ್‌ನ, ಕ್‍ೕಡಾನ ಬಟ್ಟೆನ, ಕಪಟ ತಕ್ಕ್‌ನ ದ್ವೇಷ ಮಾಡುವಿ.

ಪ್ರಕಟನೆ 21:27

ಕೊರಿಕುಟ್ಟಿಯಾನವೊಂಡ ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತುಳ್ಳಯಿಂಗ ಅಲ್ಲತೆ ಬೋರೆ ದಾರೂ ಅದ್ಂಡ ಒಳ್‍ಕ್ ಪೋಪಕ್ ಕಯ್ಯುಲೆ; ಅಶುದ್ದವಾನದ್ ಒಂದು ಅಲ್ಲಿಕ್ ಪೋಪುಲೆ, ಹೇಸಿಗೆಯಾನದ್‌ನ ಅಥವ ಕಳ್ಳತನ ಮಾಡ್‌ವ ದಾರೂ ಅಲ್ಲಿಕ್ ಎತ್ತುಲೆ.