ಜ್ಞಾನತ್‌ರ ಪಡಿಮ 6:12 - ಕೊಡವ ಬೈಬಲ್

¹² ಒಂದಂಗು ಪ್ರಯೋಜನ ಇಲ್ಲತ ಒರ್‌ ದುಷ್ಟಂಡ ನಡ್‌ತೆನ ನೋಟ್. ಅಂವೊ ಪೊಟ್ಟ್‌ ಪರ್‌ಂದಂಡೆ ತಿರಿಯಂಡಿಪ್ಪ.

ಜ್ಞಾನತ್‌ರ ಪಡಿಮ 6:12 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:32

ನೀತಿವಂತಂಯಿಂಗ ನಲ್ಲದ್‌ನೆ ತಕ್ಕ್‌ ಪರಿಯುವ. ಆಚೇಂಗಿ ದುಷ್ಟಂಗಡ ತಕ್ಕ್‌ ಕಪಟವಾನದ್.

ಜ್ಞಾನತ್‌ರ ಪಡಿಮ 11:6

ಸತ್ಯತ್‌ಲ್‌ ನಡ್‌ಪಯಿಂಗಡ ನೀತಿ ಅಯಿಂಗಳ ಕಾಪಾಡುವ, ಆಚೇಂಗಿ ದ್ರೋಹಿಯಡ ಕೆಟ್ಟ ಆಸೆಯೇ ಅಯಿಂಗಳ ಚಿಕ್ಕ್‌ಚಿಡುವ.

ಜ್ಞಾನತ್‌ರ ಪಡಿಮ 16:27

ಒಂದಂಗು ಪ್ರಯೋಜನ ಇಲ್ಲತ ಒರ್‌ ದುಷ್ಟ ಕ್‍ೕಡ್‌ನ ಕಳ್‌ಪ. ಅಂವೊಂಡ ತಕ್ಕ್‌ ಚುಡುವ ತಿತ್ತ್‌ರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 16:30

ಕಣ್ಣ್‌ಲ್‌ ಸನ್ನ ಮಾಡುವಂವೊ ಕಪಟತ್‌ನ ಗೇನ ಮಾಡ್‌ವಕಾಯಿತ್‌ ಮುಚ್ಚ್‌ವ, ಕಿರಿನ ಕಡಿಪಂವೊ ಕ್‍ೕಡ್‌ನ ಮಾಡ್‌ವಕಾಯಿತ್‌ ಕಡಿಪ.

ಜ್ಞಾನತ್‌ರ ಪಡಿಮ 17:4

ದುಷ್ಟ ಮೋಸಕಾರಂಗಡ ತಕ್ಕ್‌ಕ್‌ ಕೆಮಿ ಕೊಡ್‌ಪ. ಪೊಟ್ಟ್‌ಮಾರಿ ನಾಶ ಮಾಡುವಂಡ ತಕ್ಕ್‌ಕ್‌ ಕೆಮಿ ಕೊಡ್‌ಪ.

ಜ್ಞಾನತ್‌ರ ಪಡಿಮ 2:12

ಅನ್ನನಾಯಿತ್‌ ನೀನ್‌ ದುಷ್ಟಂಗ ಪೋಪ ಬಟ್ಟೆಯಿಂಜ, ಪಿಂಞ ಕಪಟಿ ಜನಯಿಂಜ ಬಚಾವ್‌ ಆಪಿಯ.

ಜ್ಞಾನತ್‌ರ ಪಡಿಮ 3:32

ಅಂತ ದುಷ್ಟ ಮನುಷ್ಯ ಯೆಹೋವಂಗ್‌ ಅಸಹ್ಯ. ಆಚೇಂಗಿ ನೀತಿಲ್‌ ನಡ್‌ಪಯಿಂಗಡ ಕೂಡೆ ಅಂವೊ ನಂಬಿಕೇಲ್‌ ಇಪ್ಪ.

ಜ್ಞಾನತ್‌ರ ಪಡಿಮ 4:24

ಕಪಟ ತಕ್ಕ್‌ನ ನಿನ್ನಿಂಜ ನೀಕಿರ್; ಬಟ್ಟೆತಪ್ಪುವ ತಕ್ಕ್‌ ಪರಿಯುವದ್‌ನ ನಿನ್ನಿಂಜ ದೂರಮಾಡ್.

ಜ್ಞಾನತ್‌ರ ಪಡಿಮ 6:14

ಅಂವೊಂಡ ಕ್‍ೕಡಾನ ಮನಸ್ಸ್‌ಲ್‌ ಎಕ್ಕಾಲು ಮೋಸ ಮಾಡ್‌ವದನ್ನೇ ಗೇನ ಮಾಡಿಯಂಡಿಪ್ಪ. ಅಂವೊ ಎಕ್ಕಾಲು ಜಗಳ ಬಪ್ಪನೆಕೆ ಮಾಡ್‌ವ.

ಜ್ಞಾನತ್‌ರ ಪಡಿಮ 8:13

ಯೆಹೋವಂಗ್‌ ಪೋಡಿಚಿಡುವಯಿಂಗ ಪಾಪತ್‌ನ ದ್ವೇಷ ಮಾಡುವ. ನಾನ್‌ ಹಮ್ಮ್‌ನ, ಗರ್ವತ್‌ನ, ಕ್‍ೕಡಾನ ಬಟ್ಟೆನ, ಕಪಟ ತಕ್ಕ್‌ನ ದ್ವೇಷ ಮಾಡುವಿ.

ಮತ್ತಾಯ 12:34

ಬಳೆಮುರಿ ಪಾಂಬ್ ಜಾತಿಯಳೇ, ನಿಂಗ ಕೆಟ್ಟಯಿಂಗಳಾಯಿತ್‌ಪ್ಪಕ ನಲ್ಲ ವಿಷಯತ್‍ನ ಎನ್ನನೆ ಎಣ್ಣ್‌ವಿರ? ಎನ್ನಂಗೆಣ್ಣ್‌ಚೇಂಗಿ, ಹೃದಯತ್‍ಲ್ ಎಂತ ದುಂಬಿತುಂಡೋ, ಅದೇ ನಿಂಗಡ ಬಾಯಿಲ್ ಪರಿವಿರ.

ಅಪೊಸ್ತಲ 20:30

ನಿಂಗಡ ಮದ್ಯತ್ಂಜಲು ಚೆನ್ನ ಜನ ಎದ್ದಿತ್ ಸತ್ಯ ಬೋದನೆನ ತಿರಿತ್ ಯೇಸುನ ನಂಬ್‍ನಯಿಂಗಳ ಅಯಿಂಗಡ ಕಡೇಕ್ ಬಲ್‍ಚಿರುವಾಂದ್ ನಾಕ್ ಗೊತ್ತುಂಡ್.

1 ತಿಮೊಥೆಯ 5:13

ಅದೂ ಅಲ್ಲತೆ ಅಯಿಂಗ ಸೋಮಾರಿಯಾಯಿತ್, ಮನೆಮನೆಕ್ ಸುತ್ತಿಯಂಡಿಪ್ಪ. ಸೋಮಾರಿಯಾಯಿತ್ ಮಾತ್ರ ಅಲ್ಲತೆ, ಬೋರೆಯಿಂಗಡ ಕೆಲಸತ್‍ಲ್ ಬಂತ್, ಎಣ್ಣುವಕ್ಕಾಗಾಂತ ವಿಷಯತ್‍ನ ಪರ್‌ದಂಡ್, ಹರಟೆ ಪೊಯ್ಯುವ.

ಯಾಕೋಬ 1:21

ಆನಗುಂಡ್ ಎಲ್ಲಾ ಹೇಸಿಗೆಯಾನ ಗುಣ ಪಿಂಞ ಪಾಳ್ ಗುಣತ್‍ನ ಬುಟ್ಟ್‌ರಿ. ನಿಂಗಡ ಮನಸ್ಸ್‌ಲ್ ನಟ್ಟಿತುಳ್ಳ ಪಿಂಞ ನಿಂಗಡ ಆತ್ಮತ್‌ನ ಕಾಪಾಡ್‌ವಕ್ ಶಕ್ತಿಯುಳ್ಳ ದೇವಡ ವಾಕ್ಯತ್‍ನ, ಸಮಾದಾನತ್‍ಲ್ ಸ್ವೀಕಾರ ಮಾಡಿಯೊಳಿ.

ಯಾಕೋಬ 3:6

ಅನ್ನನೆ ನಂಗಡ ನಾವ್ ಒರ್ ತಿತ್ತ್‌ರನೆಕೆ. ಅದ್ ತಡೀರ ಅಂಷತ್‌ಲ್ ಅನೀತಿ ದುಂಬ್‍ನ ಲೋಕ; ಅದ್ ಮನುಷ್ಯಂಡ ಒಟ್ಟ್ ಶರೀರತ್‌ನ ಪಾಳ್ ಮಾಡ್‌ವ, ಅಂವೊಂಡ ಈ ಬದ್‍ಕ್‍ನ ನರಕತ್‌ರ ತಿತ್ತ್‌ರಗುಂಡ್ ಕತ್ತಿಚಿಡುವ.