ಜ್ಞಾನತ್‌ರ ಪಡಿಮ 5:22 - ಕೊಡವ ಬೈಬಲ್

²² ಒರ್‌ ದುಷ್ಟ ಅಂವೊ ಮಾಡ್‌ವ ಕ್‍ೕಡಾನ ಕಾರ್ಯತ್‌ಂಜಲೇ ಚಿಕ್ಕಿತಿಪ್ಪ, ಅಂವೊ ಮಾಡ್‌ವ ಪಾಪತ್‌ರ ಕಾರ್ಯವೇ ಅಂವೊನ ಪುಡ್‌ಚಿತಿಪ್ಪ.

ಜ್ಞಾನತ್‌ರ ಪಡಿಮ 5:22 ပူးပေါင်းရင်းမြစ်များ

ಎಸ್ತೆರ್‌ 9:25

ಆಚೇಂಗಿಯು ಎಸ್ತೇರ್, ರಾಜಂಡ ಮಿಂಞತ್‌ ಪೋಯಿತ್, ಒಳ್‌ದಿತುಳ್ಳ ಆಜ್ಙೇನೆ ಕೊಡ್‌ತ್ತತ್. ಹಾಮಾನ ಯೆಹೂದ್ಯಂಗಕ್‌ ವಿರುದ್ದವಾಯಿತ್‌ ಗೇನ ಮಾಡ್‌ನ ಚದಿನ ಅಂವೊಂಡ ಮಂಡೆರ ಮೇಲೆಯೇ ಬಪ್ಪನೆಕೆ ಬೋರೆ ಆಜ್ಞೆನ ಮಾಡ್‍ನಗುಂಡ್, ಅಂವೊನ ಪಿಂಞ ಅಂವೊಂಡ ಕ್‌ಣ್ಣ ಮಕ್ಕಳ ಸಹ ತೂಕ್‌ಮರತ್‌ಲ್‌ ಇಟ್ಟತ್.

ಜ್ಞಾನತ್‌ರ ಪಡಿಮ 1:18

ಆಚೇಂಗಿ ಇಯಿಂಗ ಅನ್ನನೆ ಇಲ್ಲೆ! ಅಯಿಂಗಡೆ ಚೋರೆನೆ ಚೆಲ್ಲುವಕಾಯಿತೇ ಒಳ್‌ಚಿತ್‌ ಪಾರಕಾತಂಡುಂಡ್, ಅಯಿಂಗಡ ಜೀವಕ್‌ ಅಯಿಂಗಳೇ ಕೆಣಿ ಇಟ್ಟೋಂಡುಂಡ್.

ಜ್ಞಾನತ್‌ರ ಪಡಿಮ 11:3

ನೀತಿವಂತಯಿಂಗಡ ಸತ್ಯತ್‌ರ ಗುಣ ಅಯಿಂಗಳ ನಡ್‌ತ್‌ವ. ಆಚೇಂಗಿ ದ್ರೋಹಿಯಡ ಕಪಟತನ ಅಯಿಂಗಳ ನಾಶ ಮಾಡಿರ್ವ.

ಜ್ಞಾನತ್‌ರ ಪಡಿಮ 11:5

ಸತ್ಯತ್‌ಲ್‌ ನಡ್‌ಪಂವೊಂಡ ನೀತಿ, ಅಂವೊಂಡ ಬಟ್ಟೆನ ಚಾಯಿ ಮಾಡುವ. ಆಚೇಂಗಿ ದುಷ್ಟ, ತಾಂಡ ದುಷ್ಟತನತ್‌ಂಜ ಬುದ್ದ್ ಪೋಪ.

ಜ್ಞಾನತ್‌ರ ಪಡಿಮ 11:6

ಸತ್ಯತ್‌ಲ್‌ ನಡ್‌ಪಯಿಂಗಡ ನೀತಿ ಅಯಿಂಗಳ ಕಾಪಾಡುವ, ಆಚೇಂಗಿ ದ್ರೋಹಿಯಡ ಕೆಟ್ಟ ಆಸೆಯೇ ಅಯಿಂಗಳ ಚಿಕ್ಕ್‌ಚಿಡುವ.

ಜ್ಞಾನತ್‌ರ ಪಡಿಮ 12:14

ಒಬ್ಬೊಬ್ಬನು ಅಂವೊಂಡ ನಲ್ಲ ತಕ್ಕ್‌ರ ಫಲತ್‌ರಗುಂಡ್‌ ತೃಪ್ತಿಯಾಪ. ಅನ್ನನೆ ಒಬ್ಬೊಬ್ಬ ಕೆಯ್ಯುವ ಪಣಿಕ್‌ ತಕ್ಕ ಫಲ ಅಂವೊಂಗ್‌ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 14:32

ದುಷ್ಟ ತಾನ್‌ ಮಾಡುವ ಕ್‍ೕಡ್‌ಯಿಂಜಲೇ ನಾಶ ಆಯಿ ಪೋಪ. ಆಚೇಂಗಿ ನೀತಿವಂತಂವೊಂಗ್‌ ಚಾವ್‌ರ ನೇರತು ನಂಬಿಕೇಲ್‌ ಇಪ್ಪ.

ಜ್ಞಾನತ್‌ರ ಪಡಿಮ 18:7

ಮೂಡಂಡ ಬಾಯಿ ಅಂವೊಂಗ್‌ ಕ್‍ೕಡ್. ಅಂವೊಂಡ ತಕ್ಕ್‌ ಅಂವೊಂಗ್‌ ಕೆಣಿ.

ಜ್ಞಾನತ್‌ರ ಪಡಿಮ 24:12

ಇದ್‌ಂಡ ವಿಷಯ ನಂಗಕ್‌ ಒಂದು ಗೊತ್ತ್‌ಲ್ಲೇಂದ್‌ ಎಣ್ಣ್‌ಚೇಂಗಿ, ಹೃದಯತ್‌ನೆಲ್ಲಾ ಪರೀಕ್ಷೆ ಮಾಡ್‌ವಂವೊಂಗ್‌ ಅರಿಯತೆ ಇಪ್ಪೊ? ನೀಡ ಆತ್ಮತ್‌ನ ಕಾಪಂವೊಂಗ್‌ ಗೊತ್ತಿಲ್ಲತೆ ಇಪ್ಪೊ? ಒಬ್ಬೊಬ್ಬನು ಮಾಡುವ ಕಾರ್ಯಕ್‌ ತಕ್ಕಂತ ಪ್ರತಿಫಲ ಕೊಡ್‌ಕತೆ ಇಪ್ಪೊ?

ಜ್ಞಾನತ್‌ರ ಪಡಿಮ 26:27

ಕುಂಡ್‌ ತೋಡುವಂವೊ ತಾನೆ ಅದ್‌ಲ್‌ ಬೂವ. ಬಂಡೆನ ಉರುಳಿಚಿಡುವಂವೊ ಆ ಬಂಡೆಯಿಂಜಲೇ ಜಜ್ಜಿ ಪೋಪ.

ಇಬ್ರಿಯ 13:4

ಮಂಗಲತ್‍ನ ಎಲ್ಲಾರು ಗನಪಡ್‌ತಂಡು, ಮಂಗಲ ಕಯಿಚಯಿಂಗ ಅಯಿಂಗಯಿಂಗಡ ವಡಿಯ ಪೊಣ್ಣ್‌ಕ್ ನಂಬಿಕಸ್ತಯಿಂಗಳಾಯಿತ್ ಇಕ್ಕಂಡು; ವೇಶಿಯಳ ಪಿಂಞ ವ್ಯಬಿಚಾರ ಮಾಡ್‌ವಯಿಂಗಳ ದೇವ ನ್ಯಾಯತೀರ್ಪ.