ಜ್ಞಾನತ್‌ರ ಪಡಿಮ 4:26 - ಕೊಡವ ಬೈಬಲ್

²⁶ ನೀನ್‌ ನಡ್‌ಪ ಬಟ್ಟೆಲ್‌ ಎಚ್ಚರ ಎಡ್‌ತ. ಅಕ್ಕ ನೀಡ ಬದ್‌ಕ್‌ ದೃಡವಾಯಿತ್ತಿಪ್ಪ.

ಜ್ಞಾನತ್‌ರ ಪಡಿಮ 4:26 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 15:21

ಬುದ್ದಿಯಿಲ್ಲತಂವೊ ದಡ್ಡತನತ್‌ಲ್‌ ಕುಶಿಪಡುವ. ಆಚೇಂಗಿ ಬುದ್ದಿವಂತಂವೊ ಸತ್ಯತ್‌ಲ್‌ ನಡ್‌ಪ.

ಜ್ಞಾನತ್‌ರ ಪಡಿಮ 21:29

ದುಷ್ಟ ತಾಂಡ ಮೂಡ್‌ನ ಶೂರಂಡನೆಕೆ ಕಾಂಬ್‌ಚಿಡುವ. ಆಚೇಂಗಿ ಸತ್ಯವಂತಂವೊ ತಾನ್‌ ಪೋಪ ಬಟ್ಟೆರ ವಿಷಯತ್‌ ಎಚ್ಚರಿಕೆಯಿಂಜ ಗೇನ ಮಾಡುವ.

ಜ್ಞಾನತ್‌ರ ಪಡಿಮ 23:19

ನಾಡ ಮೋನೇ, ಕೆಮಿಕೊಡ್‌ತ್‌ ಕ್‍ೕಟಿತ್‌ ಜ್ಞಾನವುಳ್ಳಂವನಾಯಿತ್‌ ಇರ್, ನೀಡ ಹೃದಯತ್‌ನ ಸೆರಿಯಾನ ಬಟ್ಟೆಲ್‌ ನಡ್‌ತ್.

ಜ್ಞಾನತ್‌ರ ಪಡಿಮ 4:25

ನೀಡ ದೃಷ್ಟಿ ಎಕ್ಕಾಲು ನೇರೆ ಇರಡ್. ನೀಡ ಕಣ್ಣ್‌ ನೀಡ ಮಿಂಞಕ್‌ ಉಳ್ಳದ್‌ನ ನೋಟಿಯಂಡ್‌ ಇರಡ್.

ಜ್ಞಾನತ್‌ರ ಪಡಿಮ 5:21

ಒರ್‌ ಮನುಷ್ಯ ಮಾಡ್‌ವ ಎಲ್ಲಾ ಕಾರ್ಯವು ಯೆಹೋವಂಗ್‌ ಚಾಯಿತೆ ಕಾಂಬ. ಆ ಮನುಷ್ಯ ಎಡ್‌ಪ ಪ್ರತಿಯೊರ್‌ ಬಟ್ಟೆನ ಯೆಹೋವ ಪರೀಕ್ಷೆ ಮಾಡುವ.

ಜ್ಞಾನತ್‌ರ ಪಡಿಮ 5:6

ಅವ ಜೀವ ತಪ್ಪ ಬಟ್ಟೆರ ವಿಷಯತ್‌ ಗೇನ ಮಾಡುಲೆ, ಅವಡ ನಡ್‌ತೆ ಚಂಚಲವಾಯಿತ್‌ಪ್ಪ, ಆಚೇಂಗಿ ಅದ್‌ ಅವಕ್‌ ಅರ್ಥ ಆಪುಲೆ.

ಎಫೆಸ 5:15

ಆನಗುಂಡ್, ನಿಂಗ ಜ್ಞಾನ ಇಲ್ಲತಯಿಂಗಡನೆಕೆ ನಡ್‍ಕತೆ, ಜ್ಞಾನ ಉಳ್ಳಯಿಂಗಡನೆಕೆ ಎಚ್ಚರತ್‍ಲ್ ನಡ್‍ಪಕ್ ನೋಟಂಡು.

ಎಫೆಸ 5:17

ಬುದ್ದಿಯಿಲ್ಲತಯಿಂಗಡನೆಕೆ ಇಪ್ಪಕ್ಕಾಗ, ದೇವಡ ಚಿತ್ತ ಎಂತ್‍ೕಂದ್ ಅರ್ಥ ಮಾಡಿಯೊಳಿ.

1 ಥೆಸಲೊನೀಕ 3:13

ಇನ್ನನೆ, ನಂಗಡ ಒಡೆಯನಾನ ಯೇಸು ಕ್ರಿಸ್ತ ತಾಂಡ ಪವಿತ್ರವಾನಯಿಂಗಡ ಕೂಡೆ ಪುನಃ ಬಪ್ಪಕಾಪಕ, ದೇವಡ ಸನ್ನಿದಾನತ್‍ಲ್ ನಿಂಗೆಲ್ಲಾರು ಒರ್ ತಪ್ಪಿಲ್ಲತನೆಕೆ, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ನಿಂಗಡ ಹೃದಯತ್‍ನ ಸ್ತಿರಪಡ್‍ತಡ್.

2 ಥೆಸಲೊನೀಕ 3:3

ಆಚೇಂಗಿ, ನಂಗಡ ದೇವ ಸತ್ಯವಂತಂವೊ, ಆನಗುಂಡ್, ಅಂವೊ ನಿಂಗಳ ಸ್ತಿರಪಡ್‌ತಿತ್, ಮೋಸ ಮಾಡ್‌ವ ಸೈತಾನಂಡ ಕೈಯಿಂಜ ಕಾಪಾಡ್‌ವ.

ಇಬ್ರಿಯ 12:13

ನಡ್‍ಪಕಾಯಿತ್ ಬಟ್ಟೇನ ಚಾಯಿ ತಯಾರ್ ಮಾಡಿಯೊಳಿ, ಅಕ್ಕ ಬಲ ಇಲ್ಲತಯಿಂಗ ಪಿಂಞ ಕುಂಟಂಗ ನಡ್‍ಪಕ ಬುದ್ದ್‌ಪೋಕತೆ, ಅಯಿಂಗ ವಾಸಿಯಾಪ.

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.