ಜ್ಞಾನತ್‌ರ ಪಡಿಮ 4:24 - ಕೊಡವ ಬೈಬಲ್

²⁴ ಕಪಟ ತಕ್ಕ್‌ನ ನಿನ್ನಿಂಜ ನೀಕಿರ್; ಬಟ್ಟೆತಪ್ಪುವ ತಕ್ಕ್‌ ಪರಿಯುವದ್‌ನ ನಿನ್ನಿಂಜ ದೂರಮಾಡ್.

ಜ್ಞಾನತ್‌ರ ಪಡಿಮ 4:24 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:32

ನೀತಿವಂತಂಯಿಂಗ ನಲ್ಲದ್‌ನೆ ತಕ್ಕ್‌ ಪರಿಯುವ. ಆಚೇಂಗಿ ದುಷ್ಟಂಗಡ ತಕ್ಕ್‌ ಕಪಟವಾನದ್.

ಜ್ಞಾನತ್‌ರ ಪಡಿಮ 17:20

ಕಪಟ ಹೃದಯ ಉಳ್ಳಯಿಂಗ ನಲ್ಲದ್‌ನ ಕಾಂಬುಲೆ. ಪೊಟ್ಟ್‌ ಪರಿಯುವಂವೊಂಗ್‌ ತೊಂದರೆಯೇ ಗತಿ.

ಜ್ಞಾನತ್‌ರ ಪಡಿಮ 19:1

ಕಪಟವಾಯಿತ್‌ ತಕ್ಕ್‌ ಪರಿವ ಮೂಡಕಿಂಜಿ, ಸತ್ಯತ್‌ಲ್‌ ನಡ್‌ಪ ಗರಿಬನೇ ಮೇಲ್.

ಜ್ಞಾನತ್‌ರ ಪಡಿಮ 4:25

ನೀಡ ದೃಷ್ಟಿ ಎಕ್ಕಾಲು ನೇರೆ ಇರಡ್. ನೀಡ ಕಣ್ಣ್‌ ನೀಡ ಮಿಂಞಕ್‌ ಉಳ್ಳದ್‌ನ ನೋಟಿಯಂಡ್‌ ಇರಡ್.

ಜ್ಞಾನತ್‌ರ ಪಡಿಮ 6:12

ಒಂದಂಗು ಪ್ರಯೋಜನ ಇಲ್ಲತ ಒರ್‌ ದುಷ್ಟಂಡ ನಡ್‌ತೆನ ನೋಟ್. ಅಂವೊ ಪೊಟ್ಟ್‌ ಪರ್‌ಂದಂಡೆ ತಿರಿಯಂಡಿಪ್ಪ.

ಜ್ಞಾನತ್‌ರ ಪಡಿಮ 8:13

ಯೆಹೋವಂಗ್‌ ಪೋಡಿಚಿಡುವಯಿಂಗ ಪಾಪತ್‌ನ ದ್ವೇಷ ಮಾಡುವ. ನಾನ್‌ ಹಮ್ಮ್‌ನ, ಗರ್ವತ್‌ನ, ಕ್‍ೕಡಾನ ಬಟ್ಟೆನ, ಕಪಟ ತಕ್ಕ್‌ನ ದ್ವೇಷ ಮಾಡುವಿ.

ಜ್ಞಾನತ್‌ರ ಪಡಿಮ 8:8

ನಾಡ ಬಾಯಿರ ತಕ್ಕ್‌ಯೆಲ್ಲಾ ನೀತಿವಂತದಾಯಿತ್‌ಪ್ಪ. ಅದ್‌ಲ್‌ ಪೊಟ್ಟ್‌ ತಕ್ಕ್‌ ಆಡ್, ಬಟ್ಟೆ ತಪ್ಪುವ ತಕ್ಕ್‌ ಆಡ್‌ ಇಲ್ಲವೇ ಇಲ್ಲೆ.

ಕೊಲೊಸ್ಸೆ 3:8

ಆಚೇಂಗಿ, ಇಕ್ಕ ನಿಂಗ ಇದ್‍ನೆಲ್ಲಾ ಬುಡಂಡು. ಅದಲ್ಲತೆ, ಚೆಡಿ, ಬಲ್ಯ ಚೆಡಿ, ಕೆಟ್ಟದ್ ಪರಿಯುವ ಗುಣ, ನಿಂಗಡ ಬಾಯಿಂಜ ಬಪ್ಪ ಅಶುದ್ದ ತಕ್ಕ್, ಇದ್‍ನೆಲ್ಲಾ ಬುಡಂಡು.

1 ತಿಮೊಥೆಯ 6:5

ಅಯಿಂಗಡ ಮನಸ್ಸ್ ಪಾಳಾಯಿತ್, ಎಕ್ಕಾಲು ಜಗಳ ಮಾಡ್‌ವ. ಅಯಿಂಗಡ ಹೃದಯತ್ಂಜ ಸತ್ಯತ್‍ನ ಎಡ್‍ತ್‍ರ್‌ತ್. ಅಯಿಂಗ ದುಡ್ಡ್ ಮಾಡ್‌ವಕಾಯಿತ್ ಅಯಿಂಗಳ, ದೇವಡ ಬಕ್ತಂಗಳಾಯಿತ್ ಕಾಂಬ್‍ಚಿಡ್‍ವ.

ಯಾಕೋಬ 1:21

ಆನಗುಂಡ್ ಎಲ್ಲಾ ಹೇಸಿಗೆಯಾನ ಗುಣ ಪಿಂಞ ಪಾಳ್ ಗುಣತ್‍ನ ಬುಟ್ಟ್‌ರಿ. ನಿಂಗಡ ಮನಸ್ಸ್‌ಲ್ ನಟ್ಟಿತುಳ್ಳ ಪಿಂಞ ನಿಂಗಡ ಆತ್ಮತ್‌ನ ಕಾಪಾಡ್‌ವಕ್ ಶಕ್ತಿಯುಳ್ಳ ದೇವಡ ವಾಕ್ಯತ್‍ನ, ಸಮಾದಾನತ್‍ಲ್ ಸ್ವೀಕಾರ ಮಾಡಿಯೊಳಿ.

ಯಾಕೋಬ 1:26

ನಿಂಗಡಲ್ಲಿ ಒಬ್ಬ ತಾಂಡ ನಾವ್‌ಕ್ ಕಡಿವಾಣ ಇಡತೆ ನಾನ್ ದೇವಡ ಮೇಲೆ ಬಕ್ತಿ ಉಳ್ಳಂವೋಂದ್ ಗೇನ ಮಾಡ್‍ಚೇಂಗಿ ಅಂವೊ ತಾಂಗ್ ತಾನೆ ಮೋಸ ಮಾಡ್‌ವ, ಅಂವೊಂಡ ಬಕ್ತಿ ಪ್ರಯೋಜನ ಇಲ್ಲತ ಬಕ್ತಿಯಾಯಿತ್‌ಪ್ಪ.

1 ಪೇತ್ರ 2:1

ಆನಗುಂಡ್, ಬೋರೆಯಿಂಗಳ ಕಷ್ಟಪಡ್‌ತ್‌ವದ್‍ಲ್ ಕುಶಿ ಪಡುವ ಎಲ್ಲಾ ಗುಣತ್‍ನ, ವಂಚನೆ ಮಾಡ್‌ವ ಗುಣತ್‍ನ, ಎಲ್ಲಾ ಕಪಟಿಯಾನ ಗುಣತ್‍ನ, ಹೊಟ್ಟೆಕಿಚ್ಚ್‌ನ, ಕುತ್ತಪರಿಯುವಾನೆಲ್ಲಾನ ನಿಂಗಡಲ್ಲಿಂಜ ಚಾಡಿ ಕಳೆಯುವಿರ.