ಜ್ಞಾನತ್‌ರ ಪಡಿಮ 4:23 - ಕೊಡವ ಬೈಬಲ್

²³ ನೀಡ ಹೃದಯತ್‌ನ ಜಾಗೃತೆಲ್‌ ಚಾಯಿತೆ ಬೆಚ್ಚ; ಎನ್ನಂಗೆಣ್ಣ್‌ಚೇಂಗಿ ಅದ್‌ಂಜಲೇ ಜೀವತ್‌ರ ಎಲ್ಲಾ ವಿಜಯವು ಜಲನೀರ್‌ರನೆಕೆ ಬಪ್ಪ.

ಜ್ಞಾನತ್‌ರ ಪಡಿಮ 4:23 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 11:16

ದಯೆವುಳ್ಳ ಪೊಣ್ಣಾಳ್‌ ಗೌರವತ್‌ನ ಸಂಪಾದನೆ ಮಾಡಿಯೊವ. ಆಚೇಂಗಿ ಕರುಣೆಯಿಲ್ಲತ ಆಣಾಳುವ ಬರೀ ಐಶ್ವರ್ಯತ್‌ನ ಸಂಪಾದನೆ ಮಾಡುವ.

ಜ್ಞಾನತ್‌ರ ಪಡಿಮ 13:3

ತಾಂಡ ಬಾಯಿನ ಕಾಪಂವೊ ತಾಂಡ ಜೀವತ್‌ನ ಕಾಪಾಡಿಯೊವ. ಆಚೇಂಗಿ ಎಚ್ಚರ ಇಲ್ಲತೆ ತಕ್ಕ್‌ ಪರಿಯುವಂವೊ ನಾಶ ಆಯಿಪೋಪ.

ಜ್ಞಾನತ್‌ರ ಪಡಿಮ 16:17

ಸತ್ಯವಂತಯಿಂಗಡ ಬದ್‌ಕ್‌ರ ಬಟ್ಟೆ ಅಯಿಂಗಳ ಕ್‍ೕಡಿಂಜ ದೂರ ಬೆಪ್ಪ. ತಾಂಡ ಬಟ್ಟೆನ ಎಚ್ಚರಿಕೆಲ್‌ ನಡ್‌ತ್‌ವಂವೊ ತಾಂಡ ಆತ್ಮತ್‌ನ ಕಾಪಾಡಿಯೊವ.

ಜ್ಞಾನತ್‌ರ ಪಡಿಮ 22:5

ಕಪಟತನ ಉಳ್ಳಂವೊಂಡ ಬಟ್ಟೆಲ್‌ ದುಂಬ ಮುಳ್ಳು ಕೆಣಿಯು ಉಂಡ್. ಆಚೇಂಗಿ ತಾಂಡ ಆತ್ಮತ್‌ನ ಕಾಪಂವೊ ಅದ್‌ನೆಲ್ಲಾ ಬುಟ್ಟಿತ್‌ ದೂರ ಇಪ್ಪ.

ಜ್ಞಾನತ್‌ರ ಪಡಿಮ 23:19

ನಾಡ ಮೋನೇ, ಕೆಮಿಕೊಡ್‌ತ್‌ ಕ್‍ೕಟಿತ್‌ ಜ್ಞಾನವುಳ್ಳಂವನಾಯಿತ್‌ ಇರ್, ನೀಡ ಹೃದಯತ್‌ನ ಸೆರಿಯಾನ ಬಟ್ಟೆಲ್‌ ನಡ್‌ತ್.

ಜ್ಞಾನತ್‌ರ ಪಡಿಮ 28:26

ತಾಂಡ ಹೃದಯತ್‌ನ ನಂಬುವಂವೊ ಮೂಡ. ಆಚೇಂಗಿ ಜ್ಞಾನತ್‌ರ ಬಟ್ಟೆಲ್‌ ನಡ್‌ಪಂಪವೊ ಸೌಕ್ಯತ್‌ ಇಪ್ಪ.

ಜ್ಞಾನತ್‌ರ ಪಡಿಮ 3:21

ನಾಡ ಮೋನೇ, ನೇರಾನ ಜ್ಞಾನತ್‌ನ ಪಿಂಞ ನಲ್ಲ ಆಲೋಚನೇನ ಬದ್ರವಾಯಿತ್‌ ಬೆಚ್ಚ, ಅದ್‌ ನೀಡ ಕಣ್ಣ್‌ಯಿಂಜ ದೂರ ಪೋಪಕ್‌ ಬುಡತೆ.

ಜ್ಞಾನತ್‌ರ ಪಡಿಮ 4:7

ಜ್ಞಾನವೇ ಎಲ್ಲಾಕಿಂಜ ಮುಕ್ಯವಾನದ್, ಆನಗುಂಡ್‌ ಜ್ಞಾನತ್‌ನ ಸಂಪಾದನೆ ಮಾಡ್; ಎಂತ ಸಂಪಾದನೆ ಮಾಡುಚೇಂಗಿಯು ಬುದ್ದಿನ ಸಂಪಾದನೆ ಮಾಡತೆ ಬುಡತೆ.

ಮತ್ತಾಯ 15:18

ಆಚೇಂಗಿ ಬಾಯಿಂಜ ಬಪ್ಪದ್, ಹೃದಯತ್‍ಲ್ ಎಂತ ಉಂಡೋ ಅದೇ ಪೊರಮೆ ಬಪ್ಪ; ಅದೇ ಮನುಷ್ಯನ ಅಶುದ್ದ ಮಾಡ್‌ವ.

ಮತ್ತಾಯ 15:19

ಎನ್ನನೆ ಎಣ್ಣ್‌ಚೇಂಗಿ, ಹೃದಯತ್ಂಜಲೇ ಕೆಟ್ಟ ಗೇನ, ಕೊಲೆ, ವ್ಯಬಿಚಾರ, ಲೈಂಗಿಕ ಪಾಪ, ಕಕ್ಕಂಡೂ, ಪೊಟ್ಟ್ ಪರಿಯಂಡು, ಪೊಟ್ಟ್ ಸಾಕ್ಷಿ ಪರಿಯಂಡು, ಬೋರೆಯಿಂಗಳ ನಾಶ ಮಾಡ್‌ವಕ್ ಕೆಟ್ಟ ತಕ್ಕ್ ಪರಿಯಂಡೂಂದ್ ಉಳ್ಳ ಗೇನ ಎಲ್ಲಾ ಬಪ್ಪ.

ಮಾರ್ಕ 14:38

ನಿಂಗ ಪರಿಕ್ಷೇಕ್ ಒಳಪಡತನೆಕೆ ಎಚ್ಚರ ಎಡ್‍ತಂಡ್ ಪ್ರಾರ್ಥನೆ ಮಾಡಿ; ಆತ್ಮಕ್ ಕುಶಿ ಉಂಡ್ ಆಚೇಂಗಿ ತಡಿ ತಳ್ಂದಿತ್ ಉಂಡ್‍ೕಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:45

ನಲ್ಲ ಮನುಷ್ಯ ತಾಂಡ ನಲ್ಲ ಹೃದಯತ್‍ಲ್ ಕೂಟಿ ಬೆಚ್ಚಿತುಳ್ಳ ಬಂಡಾರತ್‍ಂಜ, ನಲ್ಲ ವಿಷಯತ್‍ನ ಎಡ್‌ತ್‌ ಕಾಟುವ; ಕೆಟ್ಟ ಮನುಷ್ಯ ತಾಂಡ ಕೆಟ್ಟ ಮನಸ್ಸಿಂಜ ಕೆಟ್ಟ ವಿಷಯತ್‍ನ ಎಡ್‌ತ ಕಾಟ್‍ವ, ಹೃದಯತ್‍ಲ್ ಎಂತ ದುಂಬಿತುಂಡೋ, ಅದೇ ನಿಂಗಡ ಬಾಯಿಂಜ ಪೊರಮೆ ಬಪ್ಪ.

ಇಬ್ರಿಯ 12:15

ದಾರ್ ಒಬ್ಬನು ದೇವಡ ಕೃಪೇನ ಕಳೆಂದ್ ಪೋಕತನೆಕೆ, ಏದ್ ಒರ್ ವಿಷವುಳ್ಳ ಬೇರೂ ಮೊಳಕೆ ಬುಟ್ಟಿತ್, ಜಗಳ ಉಂಟ್ ಮಾಡಿ ದುಂಬ ಜನ ಪಾಳಾಯಿ ಪೋಕತನೆಕೆ ನೋಟಿಯೊಳಿ.