ಜ್ಞಾನತ್‌ರ ಪಡಿಮ 4:18 - ಕೊಡವ ಬೈಬಲ್

¹⁸ ನೀತಿವಂತಂಯಿಂಗಡ ಬಟ್ಟೆ ಪೊಲಾಕತ್‌ರ ಬೊಳೀರನೆಕೆ ಇಪ್ಪ, ಅದ್‌ ಎನ್ನನೆ ಎಣ್ಣ್‌ಚೇಂಗಿ ಮಜ್ಜಣತ್‌ರ ಬೊಳಿ ಪ್ರಕಾಶ ಆಯಂಡೇ ಇಪ್ಪನೆಕೆ ಜಾಸ್ತಿ ಆಯಿತ್‌ ಇಪ್ಪ.

ಜ್ಞಾನತ್‌ರ ಪಡಿಮ 4:18 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 13:9

ನೀತಿವಂತಂವೊಂಡ ಬೊಳಿ ಪ್ರಕಾಶವಾಯಿತ್‌ ಮಿನ್ನ್‌ವ. ಆಚೇಂಗಿ ದುಷ್ಟಂಡ ಬೊಳ್‌ಚ ಆರಿಪೋಪ.

ಜ್ಞಾನತ್‌ರ ಪಡಿಮ 15:24

ಜೀವತ್‌ರ ಬಟ್ಟೆ ಜ್ಞಾನಿಯಾನಂವೊನ ಕೊಡಿಕ್‌ ಕೊಂಡ್‌ ಪೋಪ. ಅದ್‌ ಚಾವ್‌ರ ಬಟ್ಟೆಯಿಂಜ ತಪ್ಪ್‌ಚಿಡುವ.

ಜ್ಞಾನತ್‌ರ ಪಡಿಮ 2:20

ಆನಗುಂಡ್, ನೀನ್‌ ನಲ್ಲ ಮುನುಷ್ಯಂಗಡ ಬಟ್ಟೆಲ್‌ ನಡ್‌ಂದಿತ್, ನೀತಿವಂತಯಿಂಗಡ ಬದ್‌ಕ್‌ರನೆಕೆ ಬದ್‌ಕೊಂಡು.

ಜ್ಞಾನತ್‌ರ ಪಡಿಮ 2:9

ಅಕ್ಕ ನೀನ್‌ ನೀತಿನ, ನ್ಯಾಯನ ನಲ್ಲದ್‌ನ ಅರ್ಥಮಾಡಿಯಂಡ್, ನೇರಾನ ಬಟ್ಟೇನ ಅರ್‌ಂಜೊವಿಯ.

ಮತ್ತಾಯ 5:14

ನಿಂಗ ಈ ಲೋಕತ್‍ರ ಜನಕ್ ಬೊಳಿ ಆಯಿತುಳ್ಳಿರ. ಕುಂದ್‌ರ ಕೊಡಿಲ್ ಉಳ್ಳ ಪಟ್ಟಣತ್‍ನ ಒಳ್‌ಪ್‍ಚಿಡುವಕಯ್ಯುಲೆ.

ಮತ್ತಾಯ 5:16

ಆನಗುಂಡ್ ನಿಂಗಡಲ್ಲಿ ಉಳ್ಳ ಬೊಳಿ, ಜನಡ ಮಿಂಞತ್ ಪ್ರಕಾಶವಾಯಿತ್ ಕಾಂಗಡ್, ನಿಂಗ ಮಾಡ್‌ವ ನಲ್ಲ ಕೆಲಸತ್‍ನ ಕಂಡಿತ್ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪನ ತುದಿಪಕ್ ಕಾರಣ ಆಪ.

ಮತ್ತಾಯ 5:45

ಅನ್ನನೆ ಮಾಡ್‍ಚೇಂಗಿ ನಿಂಗ ಪರಲೋಕತ್‍ಲ್ ಉಳ್ಳ ದೇವಡ ಮಕ್ಕಡನೆಕೆ ನಡ್‍ಪಿರ. ಅಂವೊ ನಲ್ಲಯಿಂಗಕು ಕೆಟ್ಟಯಿಂಗಕೂ ಸೂರ್ಯತ್‍ನ ಉದಿಪ್‍ಚಿಟ್ಟಿತ್ ಬೊಳಿನ ಕೊಡ್‍ಪ ಪಿಂಞ ನೀತಿವಂತಯಿಂಗಕು ಅನೀತಿವಂತಯಿಂಗಕು ಮಳೆ ತಪ್ಪ.

ಯೋಹಾನ 8:12

ಯೇಸು ಜನಳ ನೋಟಿತ್: ನಾನ್ ಲೋಕಕ್ ಬೊಳಿಯಾಯಿತ್ ಉಂಡ್, ದಾರ್ ನಾಡ ಬಯ್ಯಕ್ ಬಪ್ಪ, ಅಯಿಂಗ ಇರ್‌ಟ್‌ಲ್ ನಡ್‍ಪ್‍ಲೆ, ಆಚೇಂಗಿ ಜೀವ ತಪ್ಪ ಬೊಳಿಲ್ ನಡ್‌ಪಾಂದ್ ಎಣ್ಣ್‌ಚಿ.

2 ಕೊರಿಂಥ 3:18

ನಂಗ ಎಲ್ಲಾರು, ಮೂಡ್‌ರ ಮೇಲೆ ಬಟ್ಟೆ ಇಲ್ಲತಯಿಂಗಳಾಯಿತ್, ಒಡೆಯಂಡ ಮಹಿಮೆನ ಒರ್ ಕನ್ನಡಿಲ್ ಕಾಂಬನೆಕೆ ಕಂಡಂಡುಂಡ್. ಆತ್ಮವಾಯಿತುಳ್ಳ ಒಡೆಯನಗುಂಡ್, ಅಂವೊಂಡನೆಕೆ ಮಹಿಮೇರ ಮೇಲೆ ಮಹಿಮೆ ಪಡ್ಂದಿತ್, ಅಂವೊಂಡ ಮಹಿಮೇರ ರೂಪತ್‍ರನೆಕೆ ಬದ್‍ಲಾಯಂಡುಂಡ್.

ಫಿಲಿಪ್ಪಿ 2:15

ಅಕ್ಕ, ದಾರೂ ನಿಂಗಳ ಕುತ್ತ ಪರಿಯುಲೆ. ಮೋಸ ಪಿಂಞ ನೀಚ ಜನ ದುಂಬಿತುಳ್ಳ ಈ ಲೋಕತ್‍ಲ್, ಪಳಪಳಾಂದ್ ಬೊಳಿರನೆಕೆ ಮಿನ್ನಿಯಂಡ್, ಒರ್ ಕಳಂಗ ಪಿಂಞ ಕಪಟತನ ಇಲ್ಲತೆ, ದೇವಡ ಮಕ್ಕಳಾಯಿತ್ ಬದ್‍ಕಂಡು.

2 ಪೇತ್ರ 1:19

ಈ ಅನುಬವ ನಂಗಕ್ ಕ್‍ಟ್ಟ್‌ನಗುಂಡ್, ಪ್ರವಾದಿಯಂಗ ಪ್ರವಾದನೆ ಮಾಡ್‍ನ ವಿಷಯತ್‍ಲ್ ನಂಗಕ್ ದುಂಬ ನಂಬಿಕೆ ಉಂಡ್. ಅಯಿಂಗ ಒಳ್‍ದಿ ಬೆಚ್ಚಿತುಳ್ಳದ್‍ನ ನಿಂಗ ಚಾಯಿ ನೋಟಂಡು. ಅಯಿಂಗಡ ವಾಕ್ಯವೆಲ್ಲ, ಇರ್‌ಟ್‌ಲ್ ಬೊಳಿ ತಪ್ಪ ಬೊಳ್‌ಚತ್‍ರನೆಕೆ ಉಂಡ್. ಪೊಲಾಕ ಆಪಕ ಬೊಳ್ಳಿ ಮೀನ್ ಬಪ್ಪನೆಕೆ, ಅಯಿಂಗಡ ವಾಕ್ಯ ನಿಂಗಡ ಹೃದಯತ್‍ಲ್ ಬೊಳಿಯುವಕತ್ತನೆ ಅದ್‍ನ ನೋಟಿಯಂಡ್ ಇಪ್ಪದ್ ನಲ್ಲದಾಯಿತಿಪ್ಪ.

2 ಪೇತ್ರ 3:18

ನಂಗಡ ರಕ್ಷಕನು, ಒಡೆಯನು ಆನ ಯೇಸು ಕ್ರಿಸ್ತಂಡ ಕೃಪೇಲ್, ಅಂವೊನ ಗೊತ್ತ್ ಮಾಡ್‌ವ ವಿಷಯತ್‍ಲ್ ಬೊಳಿವಿರ. ಅಂವೊಂಗ್ ಇಕ್ಕಲು ಎಕ್ಕಲು ಮಹಿಮೆ ಬರಡ್. ಆಮೆನ್.

ಪ್ರಕಟನೆ 21:23

ಆ ಪಟ್ಟಣಕ್ ಬೊಳಿ ಕೊಡ್‍ಪಕ್ ಸೂರ್ಯನಾಡ್ ಚಂದ್ರನಾಡ್ ಬೋಂಡ್‍ವಕಿಂಜ್‍ಲೆ; ದೇವಡ ಮಹಿಮೆಯೇ ಅದ್ಂಗ್ ಬೊಳಿಯಾಯಿತ್ಂಜತ್. ಕೊರಿಕುಟ್ಟಿಯಾನಂವೊನೇ ಅದ್ಂಗ್ ಬೊಳಕಾಯಿತ್ಂಜತ್

ಪ್ರಕಟನೆ 22:5

ಅಲ್ಲಿ ಬಯಿಟ್ ಎಣ್ಣುವದ್ ಇಪ್ಪದೇ ಇಲ್ಲೆ; ಅಯಿಂಗಕ್ ಬೊಳ್‍ಚತ್‍ರ ಬೊಳಿ ಅಥವ ಸೂರ್ಯಂಡ ಬೊಳಿ ಬೋಂಡ. ಎನ್ನಂಗೆಣ್ಣ್‌ಚೇಂಗಿ, ಒಡೆಯನಾನ ದೇವ ಅಯಿಂಗಕ್ ಬೊಳಿಯಾಯಿತ್‌ಪ್ಪ. ಅಯಿಂಗ ಯುಗ ಯುಗಕ್ ರಾಜ್ಯಬಾರ ಮಾಡ್‌ವ.