ಜ್ಞಾನತ್‌ರ ಪಡಿಮ 31:30 - ಕೊಡವ ಬೈಬಲ್

³⁰ ಸೌಂದರ್ಯ ವಂಚನೆ ಉಳ್ಳದ್. ಚಾಯಿ ಕಾಂಗತೆ ಆಯಿಪೋಪ. ಆಚೇಂಗಿ ಯೆಹೋವಂಗ್‌ ಬೊತ್ತುವ ಪೊಣ್ಣಾಳೇ ಹೊಗಳಿಕೆಕ್‌ ಯೋಗ್ಯವಾನವ.

ಜ್ಞಾನತ್‌ರ ಪಡಿಮ 31:30 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:7

ಯೆಹೋವಂಗ್‌ ಬೊತ್ತಿತ್‌ ನಡ್‌ಪದೇ ಜ್ಞಾನತ್‌ರ ತೊಡಕ; ಆಚೇಂಗಿ ಮೂಡಂಗ ಜ್ಞಾನತ್‌ನ ಪಿಂಞ ಬೋದನೇನ ಕಡೆಗಟ್ಟ್‌ವ.

ಜ್ಞಾನತ್‌ರ ಪಡಿಮ 11:16

ದಯೆವುಳ್ಳ ಪೊಣ್ಣಾಳ್‌ ಗೌರವತ್‌ನ ಸಂಪಾದನೆ ಮಾಡಿಯೊವ. ಆಚೇಂಗಿ ಕರುಣೆಯಿಲ್ಲತ ಆಣಾಳುವ ಬರೀ ಐಶ್ವರ್ಯತ್‌ನ ಸಂಪಾದನೆ ಮಾಡುವ.

ಜ್ಞಾನತ್‌ರ ಪಡಿಮ 11:22

ವಿವೇಕ ಇಲ್ಲತೆ ಚಾಯಿ ಉಳ್ಳ ಪೊಣ್ಣಾಳ್, ಪಂದಿರ ಮೂಕ್ಕ್‌ ಇಟ್ಟಿತುಳ್ಳ ಪೊನ್ನ್‌ ಮೂಕೊತ್ತಿಕ್‌ ಸರಿಸಮ.

ಜ್ಞಾನತ್‌ರ ಪಡಿಮ 22:4

ತಗ್ಗಿತ್‌ ಪಿಂಞ ಯೆಹೋವಂಗ್‌ ಬೊತ್ತಿತ್‌ ನಡ್‌ಂದ್‌ತೇಂಗಿ ಅದ್‌ಂಡ ಫಲವಾಯಿತ್‌ ಐಶ್ವರ್ಯ, ಗೌರವ ಪಿಂಞ ಜೀವ ಕ್‌ಟ್ಟು.

ಜ್ಞಾನತ್‌ರ ಪಡಿಮ 31:29

ಸುಮಾರ್‌ ಪೊಣ್ಣಾಳುವ ನಲ್ಲ ಗುಣವುಳ್ಳಯಿಂಗಳಾಯಿತ್‌ ನಡ್‌ಂದಿತ್‌ ಉಂಡ್. ಆಚೇಂಗಿ, ಅಯಿಂಗ ಎಲ್ಲಾಂಕಿಂಜಿ ನೀನೇ ಮೇಲಾನವ ಎಣ್ಣಿಯಂಡ್‌ ಅವಡ ವಡಿಯ ಅವಳ ಹೊಗಳುವ.

ಜ್ಞಾನತ್‌ರ ಪಡಿಮ 31:31

ಅವಡ ಎಲ್ಲಾ ಕೈಕೆಲಸಕ್‌ ಸೆರಿಯಾನ ಪ್ರತಿಫಲ ಕೊಡಿ. ಅವ ಮಾಡುವ ಕಾರ್ಯಕೆಲ್ಲಾ ಊರ್‌ರ ಜನ ಅವಳ ಕೊಂಡಾಡಡ್.

ಜ್ಞಾನತ್‌ರ ಪಡಿಮ 6:25

ಅವಡ ಚಾಯಿ ಚಂದನ ನೋಟಿತ್‌ ಅವಕ್‌ ಇಚ್ಚೆ ಪಡತೆ. ಅವಡ ಕಣ್ಣ್‌ರ ರೆಪ್ಪೆಯಿಂಜ ನಿನ್ನ ವಶ ಪಡ್‌ತುವಕ್‌ ಬುಡತೆ.

ಜ್ಞಾನತ್‌ರ ಪಡಿಮ 8:13

ಯೆಹೋವಂಗ್‌ ಪೋಡಿಚಿಡುವಯಿಂಗ ಪಾಪತ್‌ನ ದ್ವೇಷ ಮಾಡುವ. ನಾನ್‌ ಹಮ್ಮ್‌ನ, ಗರ್ವತ್‌ನ, ಕ್‍ೕಡಾನ ಬಟ್ಟೆನ, ಕಪಟ ತಕ್ಕ್‌ನ ದ್ವೇಷ ಮಾಡುವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:6

ಅಯಿಂಗ ದಂಡಾಳು ದೇವಡ ಎಲ್ಲಾ ಕಾನೂನ್ ಪ್ರಕಾರ, ಆಜ್ಞೆರ ಪ್ರಕಾರ ನೀತಿವಂತಯಿಂಗಳಾಯಿತ್, ಏದ್ ಮನುಷ್ಯನು ಕುತ್ತ ಪರಿಯುವಕ್ ಕಯ್ಯತ ಬದ್‍ಕ್‍ನ ಬದ್‍ಕಿಯಂಡ್ ಇಂಜತ್.

ರೋಮ್ 2:29

ಹೃದಯತ್‍ಲ್ ಯೆಹೂದ್ಯನಾಯಿತ್ ಇಪ್ಪಯಿಂಗಳೇ ನೇರಾಯಿತುಳ್ಳ ಯೆಹೂದ್ಯಂಗ; ಒಳ್‍ತ್‍ರ ಪ್ರಕಾರ ಅಲ್ಲ, ಆತ್ಮತ್‍ರ ಪ್ರಕಾರ ಹೃದಯತ್‍ಲ್ ಆಪ ಸುನ್ನತಿಯೇ ನೇರಾನ ಸುನ್ನತಿ; ಇನ್ನನೆ ಉಳ್ಳಯಿಂಗಕ್ ಕ್‍ಟ್ಟುವ ಗನ, ಮನುಷ್ಯಡಿಂಜ ಅಲ್ಲ, ಆಚೇಂಗಿ ದೇವಡಯಿಂಜ ಬಪ್ಪ.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

ಯಾಕೋಬ 1:11

ಸೂರ್ಯ ತಿತ್ತ್‌ರನೆಕೆ ಉದಿಚಿತ್, ಗಿಡ ಎಲ್ಲಾ ಬಾಡಿ ಪೋಯಿತ್, ಅದ್ಂಡ ಪೂ ಬುದ್ದಿತ್ ಅದ್ಂಡ ಚಾಯಿ ಪೋಯಿರುವ, ಅದ್ ಪಾಳಾಯಿ ಪೋಪ. ಅನ್ನನೆ ಐಶ್ವರ್ಯವುಳ್ಳಂವೊನು, ತಾಂಡ ಬದ್‍ಕ್‍ರ ಸ್ತಾನತ್‍ಲ್ ಬಾಡಿ ಪೋಪ.

1 ಪೇತ್ರ 1:24

ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾ ಮನುಷ್ಯಂಗಳು ಪಿಲ್ಲ್‌ರನೆಕೆ, ಅಯಿಂಗಡ ಮಹಿಮೆಯೆಲ್ಲ ಕಾಡ್‍ಲ್ ಉಳ್ಳ ಪೂವ್‍ರನೆಕೆ; ಪಿಲ್ಲ್ ಬಾಡಿ ಪೋಪ, ಪೂ ಬುದ್ದ್ ಪೋಪ.

1 ಪೇತ್ರ 1:7

ಪಾಳಾಯಿ ಪೋಪ ಪೊನ್ನ್‌ನ ತಿತ್ತ್‌ರಗುಂಡ್ ಸೋದನೆ ಮಾಡ್‌ವ; ಆಚೇಂಗಿ, ಅದ್ಂಗಿಂಜ ಬಲ್ಯ ಬೆಲೆಯುಳ್ಳ ನಿಂಗಡ ನಂಬಿಕೆ ಈ ಕಷ್ಟತ್‍ರಗುಂಡ್ ಸೋದನೆಕ್ ಒಳಪಟ್ಟಿತ್, ನೇರಾನದ್‍ೕಂದ್‌ ಗೊತ್ತಾಪಗುಂಡ್, ಯೇಸು ಕ್ರಿಸ್ತ ಬಪ್ಪಕ, ಅದ್ ನಿಂಗಕ್ ಕೀರ್ತಿಯಾಯಿತ್, ಗನವಾಯಿತ್ ಪಿಂಞ ಮಹಿಮೆಯಾಯಿತ್ ಕ್‍ಟ್ಟುವನೆಕೆ ಆಪ.