ಜ್ಞಾನತ್‌ರ ಪಡಿಮ 31:20 - ಕೊಡವ ಬೈಬಲ್

²⁰ ಅವ ಗರೀಬಂಗ್‌ಕ್ ತಾಂಡ ಕೈಯಿನ ತೊರ್‌ಂದಿತ್, ಕಷ್ಟತ್‌ಲ್‌ ಉಳ್ಳಯಿಂಗಕ್‌ ತಾಂಡ ಕೈಯಿನ ನ್‍ೕಟ್‌ವ.

ಜ್ಞಾನತ್‌ರ ಪಡಿಮ 31:20 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:24

ನಾನ್‌ ನಿಂಗಳ ಕಾಕ್‌ಚೇಂಗಿಯು ನಿಂಗ ನನ್ನ ತ್‌ಕ್ಕಾರ ಮಾಡುವಿರ; ನಾನ್‌ ನಾಡ ಕೈಯಿನ ನಿಂಗಡ ಪಕ್ಕ ನ್‍ೕಟ್‌ಚೇಂಗಿಯು, ಅದ್‌ಂಗ್‌ ಎಚ್ಚರ ಎಡ್‌ಪಂವೊ ಒಬ್ಬನು ಇಲ್ಲೆ.

ಜ್ಞಾನತ್‌ರ ಪಡಿಮ 19:17

ಗರಿಬಂಗ್‌ ದಯೆ ಕಾಟ್‌ವಂವೊ ಯೆಹೋವಂಗ್‌ ಸಾಲ ಕೊಡ್‌ಪ. ಅಂವೊ ಮಾಡ್‌ನ ಕಾರ್ಯಕ್‌ ಯೆಹೋವ ಬಹುಮಾನತ್‌ನ ತಿರಿತ್‌ ತಪ್ಪ.

ಜ್ಞಾನತ್‌ರ ಪಡಿಮ 22:9

ದಯೆ ಕಣ್ಣ್‌ ಉಳ್ಳಂವೊಂಗ್‌ ಆಶೀರ್ವಾದ ಕ್‌ಟ್ಟುವ. ಎನ್ನಂಗೆಣ್ಣ್‌ಚೇಂಗಿ, ಅಂವೊ ತಾಂಡ ಕೂಳ್‌ನ ಗರೀಬಂಗ್‌ ಕೊಡ್‌ಪ.

ಜ್ಞಾನತ್‌ರ ಪಡಿಮ 31:19

ತಾಂಡ ಕೈಯಿನ ರಾಟೆಲ್‌ ಬೆಚ್ಚಿತ್, ನೂಲ್‌ ಉಂಡೆನ ಪುಡಿಪ.

ಮಾರ್ಕ 14:7

ಗರೀಬಂಗ ಎಕ್ಕಾಲು ನಿಂಗಡ ಕೂಡೆ ಇಪ್ಪ. ಎಕ್ಕ ಬೋಂಡೇಂಗಿಯು ನಿಂಗ ಗರೀಬಂಗಕ್ ಸಹಾಯ ಮಾಡಲು, ಆಚೇಂಗಿ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪುಲೆ.

ರೋಮ್ 10:21

ಆಚೇಂಗಿ, ಇಸ್ರಾಯೇಲ್ ಜನಡ ವಿಷಯತ್: ದೇವಕ್ ಬಗ್ಗ್‌ಚಿಡತಯಿಂಗಳು, ಎದ್‍ರ್ ತಕ್ಕ್ ಪರಿಯುವಯಿಂಗಳಾಯಿತ್ ಉಳ್ಳ ಅಯಿಂಗಕಾಯಿತ್, ಅಯಿಂಗಳ ಸ್ವೀಕಾರ ಮಾಡ್‌ವಕಾಯಿತ್, ದಿನ ಪೂರ್ತಿ ನಾಡ ಕೈಯಿನ ನ್‍ೕಟಿತ್ ಪಾರಕಾತಂಡ್ ಇಂಜಿಯೇಂದ್ ಅಂವೊ ಇಂಞು ಎಣ್ಣ್‌ಚಿ.

ರೋಮ್ 12:13

ದೇವಡ ಮಕ್ಕಡ ಕಷ್ಟತ್‍ಲ್ ಅಯಿಂಗಕ್ ಬೋಂಡಿಯಾನದ್‍ನ ಮಾಡಿ, ನಿಂಗಡ ಪಕ್ಕ ಬಪ್ಪಯಿಂಗಳ ಚಾಯಿ ನೋಟಿಯೊಳಿ.

ಎಫೆಸ 4:28

ಕಳ್ಳತನ ಮಾಡ್‌ವಯಿಂಗ ಇಂಞು ಮಿಂಞಕ್ ಕಕ್ಕತೆ, ತಾಂಡ ಕೈಯಿನಗುಂಡ್ ನಲ್ಲ ಕೆಲಸ ಮಾಡಿತ್, ಬೋಂಡಿಯಾನಯಿಂಗಕ್ ಕೊಡ್‍ಕಂಡು.

ಇಬ್ರಿಯ 13:16

ಅದಲ್ಲತೆ, ನಲ್ಲದ್ ಮಾಡ್‌ವಕು, ದಾನದರ್ಮ ಮಾಡ್‌ವಕು ಮರ್ಂದ್ ಪೋಕತಿ; ಇನ್ನನೆ ಮಾಡ್‌ವ ಬಲೀಲ್ ದೇವ ಕುಶಿಪಡ್‍ವಂವೊನಾಯಿತುಂಡ್.