ಜ್ಞಾನತ್‌ರ ಪಡಿಮ 30:15 - ಕೊಡವ ಬೈಬಲ್

¹⁵ ಬೋಂಡು, ಬೋಂಡೂಂದ್‌ ಎಣ್ಣುವ ದಂಡ್‌ ಮೋಳಿಯ ಉಂಬ್‌ಳ್‌ಕ್‌ ಉಂಡ್. ತೃಪ್ತಿ ಆಕತ ಮೂಂದ್‌ ಸಂಗತಿ ಉಂಡ್. ಏದ್‌ ಕಾಲಕು ಮದೀಂದ್‌ ಎಣ್ಣತೆ ನಾಲ್‌ ಸಂಗತಿ.

ಜ್ಞಾನತ್‌ರ ಪಡಿಮ 30:15 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 27:20

ಪಾತಾಳವು ನಾಶನವು ತೃಪ್ತಿ ಆಪದೇ ಇಲ್ಲೆ. ಅನ್ನನೆ ಮನುಷ್ಯಂಡ ಆಸೆಕು ಮಿತಿಯೇ ಇಲ್ಲೆ.

ಜ್ಞಾನತ್‌ರ ಪಡಿಮ 30:14

ದೇಶತ್‌ಲ್‌ ಉಳ್ಳ ಗರೀಬಳ ಪಿಂಞ ಮನುಷ್ಯಂಗಡಡೆಲ್‌ ಗತಿಯಿಲ್ಲತಯಿಂಗಳ ಮುಗ್ಗ್‌ವಕ್, ಕತ್ತಿರನೆಕೆ ಉಳ್ಳ ಪಲ್‌ಲ್‌ ಉಳ್ಳಯಿಂಗಳು ಉಂಡ್, ಚಾಕ್ರನೆಕೆ ಉಳ್ಳ ಕೋರೆಪಲ್‌ಲ್‌ ಉಳ್ಳ ಇಂಞೊರ್‌ ತರ ಸಂತಾನವು ಉಂಡ್.

ಜ್ಞಾನತ್‌ರ ಪಡಿಮ 30:16

ಅದ್‌ ಏದ್‌ ಎಣ್ಣ್‌ಚೇಂಗಿ: ಪಾತಾಳ, ಮಕ್ಕಯಿಲ್ಲತ ಪೊಣ್ಣಾಳ್, ನೀರ್‌ಲ್‌ ತೃಪ್ತಿ ಆಕತ ಬೂಮಿ ಪಿಂಞ ಮದೀಂದ್‌ ಎಣ್ಣತ ತಿತ್ತ್.

ಜ್ಞಾನತ್‌ರ ಪಡಿಮ 30:21

ಮೂಂದ್‌ ಕಾರ್ಯತ್‌ರಗುಂಡ್‌ ಬೂಮಿ ಬೊರ್‌ಂಡ್‌ವ, ಅಕ್ಕು ನಾಲ್‌ ಕಾರ್ಯತ್‌ನ ಬೂಮಿ ಸೈಸುವಕಯ್ಯುಲೆ.

ಜ್ಞಾನತ್‌ರ ಪಡಿಮ 30:24

ಬೂಮಿಲ್‌ ದುಂಬ ಚೆರಿಯದಾಯಿತ್‌ ನಾಲ್‌ ಜೀವಜಂತು ಉಂಡ್. ಆಚೇಂಗಿ ಅವು ದುಂಬ ಜ್ಞಾನವುಳ್ಳದ್.

ಜ್ಞಾನತ್‌ರ ಪಡಿಮ 30:29

ಮೂಂದ್‌ ಪ್ರಾಣಿಯ ಉಂಡ್. ಅವು ನಡ್‌ಪಕ ಅಯಿಂಗಡ ಗರ್ವ ಎದ್ದಿತ್‌ ಕಾಂಬ. ಗರ್ವತ್‌ಲ್‌ ನಡಪ್ಪ ನಾಲ್‌ ಉಂಡ್. ಅದ್‌ ಏದ್‌ ಎಣ್ಣ್‌ಚೇಂಗಿ,

ಜ್ಞಾನತ್‌ರ ಪಡಿಮ 6:16

ಆರ್‌ ಕಾರ್ಯತ್‌ನ ಯೆಹೋವ ದ್ವೇಷ ಮಾಡುವ, ಅಕ್ಕು ಏಳ್‌ ಕಾರ್ಯ ಅಂವೊಂಗ್‌ ಅಸಹ್ಯವಾನದ್:

ಮತ್ತಾಯ 23:32

ನಿಂಗ ನಿಂಗಡ ಪೆರಿಯಯಿಂಗ ಸುರು ಮಾಡ್‍ನ ಪಾಪತ್‍ನೆಲ್ಲಾ ಪೂರ್ತಿ ಮಾಡಿ.

ಯೋಹಾನ 8:39

ಅದ್ಂಗ್ ಅಯಿಂಗ: ಅಬ್ರಹಾಮನೇ ನಂಗಡ ಮುತ್ತಜ್ಜಾಂದ್ ಎಣ್ಣ್‌ಚಿ. ಯೇಸು ಅಯಿಂಗಕ್: ನಿಂಗ ಅಬ್ರಹಾಮಂಡ ಮಕ್ಕಳಾಯಿತ್ಂಜತೇಂಗಿ, ಅಂವೊ ಎಣ್ಣ್‌ನನೆಕೆ ಮಾಡ್‍ವಿರಲ್ಲಾ?

ಯೋಹಾನ 8:44

ನಿಂಗ ನಿಂಗಡ ಅಪ್ಪನಾನ ಸೈತಾನಂಡ ಮಕ್ಕಳಾಯಿತುಳ್ಳಿರ; ನಿಂಗಡ ಅಪ್ಪಂಡ ಇಚ್ಛೆರ ಪ್ರಕಾರ ನಿಂಗ ಮಾಡ್‌ವಿರ; ನಿಂಗಡ ಅಪ್ಪನಾನ ಸೈತಾನ ಪಂಡಿಂಜೇ ಕೊಲ್ಲ್‌ವಂವೊನಾಯಿತುಂಡ್; ಅಂವೊಂಡ ಪಕ್ಕ ಸತ್ಯ ಇಲ್ಲತಗುಂಡ್, ಅಂವೊ ಸತ್ಯತ್‍ಲ್ ನಿಂದಿತ್‌ಲ್ಲೆ. ಅಂವೊ ಪೊಟ್ಟ್ ಪರಿಯುವಂವೊನು, ಎಲ್ಲಾ ಪೊಟ್ಟ್‌ಕ್ ಅಪ್ಪನಾಯಿತು ಉಂಡ್. ಅಂವೊ ಪೊಟ್ಟ್ ಪರಿಯುವಕ, ತಾಂಡ ಸ್ವಂತ ಗುಣತ್ಂಜ ಪೊಟ್ಟ್ ಪರ್ಂದಂಡುಂಡ್.

ರೋಮ್ 16:18

ಅನ್ನನೆ ಉಳ್ಳಯಿಂಗ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಗ್ ಸೇವೆ ಮಾಡತೆ, ಅಯಿಂಗಡ ಕೆಲಕಾಯಿತ್ ಸೇವೆ ಮಾಡಿಯಂಡುಂಡ್. ಅಯಿಂಗ ಅಯಿಂಗಡ ಮದುರವಾನ ತಕ್ಕ್‌ನ ಪರ್ಂದಿತ್ ಪಿಂಞ ಕುಶಿಪಡ್‌ತ್‌ವನೆಕೆ ತಕ್ಕ್ ಪರ್ಂದಿತ್, ಒಂದು ಅರಿಯತ ಜನಡ ಹೃದಯತ್‍ನ ವಂಚನೆ ಮಾಡ್‌ವಯಿಂಗಳಾಯಿತುಂಡ್.

2 ಪೇತ್ರ 2:3

ದುರಾಸೇಲ್, ಅಯಿಂಗಳೇ ಮಾಡ್‍ನ ಕಥೇರ ಬೋದನೆರ ಮೂಲಕ ನಿಂಗಡಿಂಜ ಅಯಿಂಗಕ್ ಆದಾಯ ಆಪನೆಕೆ ವಂಚನೆ ಮಾಡ್‌ವ. ದೇವ ಅಯಿಂಗಳ ಪಂಡೇ ನ್ಯಾಯತೀರ್ಪ್ ಮಾಡಿರ್‌ತ್, ಅಯಿಂಗಡ ಮೇಲೆ ಬಪ್ಪ ಶಿಕ್ಷೆ ಬೆರಿಯ ಬಪ್ಪ.